Canon PowerShot S110

具備全手動模式, 可以自行決定快門和光圈, 自行決定相片的效果.
白平衡白天比較準確, 但夜晚的話+室內光線的話, 就有點麻煩, 必須要使用M模式, 和細緻調校白平衡, 才能拍攝出比較色調準確的照片.
1/1.7' 大sensor, ISO最高可用到800, 超過800便噪點明顯, 除非使用慢快門.
可以拍攝RAW檔, 如此可以經電腦轉換JPG檔案, 避過由相機的CPU處理出JPG檔(容易失真).
S110行貨賣2400圓左右, 這個才是它應有的價錢, 以前S系列要賣3-4千, 現在便宜許多了, IXUS高端系列也難以生存了.
白平衡和ISO可以微調, 方便拍攝出更準確的照片, 而Nikon P300系列不能.

機身比較滑, 沒有防滑紋, 手持要小心.
扭動鏡頭環比較麻煩, 不順手, 手容易遮擋鏡頭. 應該好像Nikon P310那樣使用小轉盤布置在屏幕的旁邊, 方便單手操作.
半自動/自動模式(A/P/S)容易稍微過度暴光, 如此照片效果與千元級DC無異, 應使用M模式拍攝出最佳的照片.
拍攝的設定不夠Nikon多, 例如Nikon P310調校銳利度, 飽和度等, S110反而無(可能是RAW模式的原因).
S110拍攝RAW檔, 相機看到的是縮略圖, 放到電腦上看才會細緻和清晰.
S110的屏幕顏色不準確, 會比電腦上看差少許, 造成拍攝有點難度, 要憑經驗. 因此S110屏幕看不夠好不要緊, 放到電腦上看照片就會比較準確, 好一些. S110的屏幕不夠Nikon的色準.
此外, 不要給S110的1/1.7"大sensor欺騙了, 我用M模式, S110同P310各一張照片拍攝一次, 同一環境, 同樣快門1/30, ISO400, 照片放到電腦同一顯示屏看, 兩者的照片的光度差不多, 部分位置S110比P310暗, 可能是色調的原因. 但總括而言, 兩者的照片的光度差不多, 同一設定下, 即使是光圈的差別, S110也不應該拍攝得比P310暗少許, 後者只是1/2.33" sensor. 可能Canon使用的鏡頭比Nikon的差少許, 所以拍攝得相對灰少許. 大家不要被sensor的大小欺騙了, 不過S110的雜信確實少些.
此外, 網上傳聞S110不是用背照式CMOS, 而是採用自家高感CMOS, 難怪1/1.7" sensor的感光能力和P310的背照式1/2.33" sensor差不多, 雜信是少了, 但是採光能力不及背照式sensor. 一分錢一分貨, 賣得比P330便宜, 一年不到降價那麼多, 肯定有原因.

在旺角買, 行貨, 2390圓再加30圓屏幕保護貼, 白色版本. 之前已經有一部Nikon P310, 但是自己又想拍攝RAW檔, 而且Nikon P310已經用了差不多一年, 便換機試試Canon Powershot S110. 而P310就留下當後備機.
相比起P310, S110確實雜信少些, 而且可以拍攝RAW檔. P310不能細緻地調整白平衡色溫, 但是S110可以. 不過, 總體來說, P310的拍照設定比S110稍微較多, 例如對焦, 色調等設定.
Nikon P310的照片色淡一些, 比較柔和, 銳度低, 適合拍攝人像, 膚色比較柔和, 不需要過多地調校設定. 反而Canon S110就色水比P310深一些, 銳度高, 拍出來的面孔較深色少許, 真實一些, 不過與P310差異不大. 我覺得Nikon和Canon拍攝人像都不錯, 似乎Canon較為真實, 而Nikon就美化了肌膚. 不過不要用自動模式, 一定要用M模式, 用自動或半自動模式容易過暴. 但是不是代表S110人像拍攝不好, 不夠需要手動拍照, 自行調校許多設定, 才能拍攝出好的人像. 但是也方便那些想用自動模式輕易拍攝出雪白肌膚的女士, 因為會比真實膚色白許多, 尤其在白色燈光下, 同時面部細節比較明顯(因為膚色白襯底). 而Nikon P310就面部細節不明顯.
還有就是, ISO可以微調, 反而Nikon P310就必須兩倍ISO調校.
坦白說, 相機直出RAW, 再經電腦轉換JPG格式有好處, 就是相片細節以及色調可以比相機直出JPG更好. 相機的CPU運算量有限, 通常用壓縮了的算法來處理相片, 如果相機直出JPG, 就意味著相片可能會失真, 而JPG本身為壓縮的檔案格式. 但是, 如果先出RAW再在電腦轉JPG, 由於電腦的CPU運算能力比相機強許多, 轉換軟件就可以用一些更複雜的算法來轉換出JPG, 因此影像將會更真實和細緻. 我在電腦轉換一張RAW to JPG照片, 雙核心full load, 都要10-20秒. 而現時相機一秒不到幫你出JPG兼儲存落記憶卡, 你可想而知相機出JPG省略了多少的轉換算法的過程, 相片會失去多少細節.
以前我用Nikon P310, 直出JPG, 總是無法出到某只顏色, 例如紫色(會變偏藍色), 甚至畫面細節不夠多. 但是用S110可以直出RAW檔後, 只要拍攝的快門夠高, 許多細節都可以在電腦上看到. 但是拍攝RAW檔也有一個問題, 就是無法影印日期時間, 而且無法調節銳利度, 飽和度等設定, 至少S110是如此.
如果你問我拍攝人像該選Nikon還是Canon, 我就覺得Canon和Nikon不相上下. 只是看他們相機的顯示屏的影像是很容易比較錯誤的, 相機個monitor色不准, 一定要電腦顯示屏上比較. Nikon拍攝出來的面孔比較柔和, 白平衡也比較準確; 而Canon就貼近真實, 不過如果白平衡不準確, 就會影得差. 當然, Canon機也可以透過手動模式解決這個問題, 但是不適合快速人像snapshot, 尤其燈源複雜下, 會影到怪怪地. 最近Nikon新出的P330也可以拍攝RAW檔, 和S110一樣sensor大小, 不知道P330效果如何, 但比Canon S110貴4百元左右.
我目前主力機用S110, 副機用P310, 主要貪S110可以出RAW檔. 而P310出JPG細節不夠多, 由其暗光下.

1.夜攝和室內效果十分好，去到iso 1600 依然滿意，出raw就更好，怕手震可用內置的夜景模式
2.made in japan
3.要咁輕巧同時有1/1.7 cmos,24mm,2.0光圈好似係得呢部同s100揀
4.可以全手動，操作user friendly，set 嘢好方便，唔駛睇說明書都識用
5.拍高清片好靚，可邊拍邊zoom
6.load相影相反應好快.touch screen 反應都快，睇相方便，最緊要方便阿媽操作
7.色準，對我嚟講畫質好好，而且有好多色調可以揀
8.隨機附送的edit raw 軟件好用，方便唔識用photoshop的朋友
9.可自選的有9個場景和11個濾鏡, 其中夜景/雪景/人像好啱旅行影人+全景用,去旅行試過哂雪景/普通日景/夜景都影得好好
10.黑色加磨沙面好靚，手感好好
11.可以set 閃光燈強弱,有nd 濾鏡

1.用auto 好容易過份曝光，不建議日光下用auto，有時間儘量用其他mode
2.wifi 如要直接upload上fb,twitter等,設定複雜,而且wifi都幾食電。也要download咗canon既app 先可以用手機connect，不可用手機本身有的DLNA去connect相機.
3.如果有多啲filter 和場景就更好，例如一掃全景，食物mode...auto有32自動detect場景(跟9個自選場景是不同的)，可以手動選就好. canon 機一向比其他brands都少嘢玩, 介意勿買
4.影足一日要帶後備電
5.所有相機預設mode出唔到raw,包括auto,濾鏡,場景, 最想夜景場景mode影到raw
6.手帶點解要係左邊? 因為呢個外觀設計我俾唔到10分
7.搵人幫你影相要叫佢地小心閃光燈位, 因為佢係按快門時先會彈出來

見到樓上有人話睇相鏡頭唔會自動收，其實係鏡頭收縮set 做0秒就ok

部機係我突然要去旅行買的，要求係輕巧而係各方面都有平均的表現，影日夜景和拍片係唔需要太多設定下都ok，因為旅行團走馬看花最緊要快。臨急抱佛腳在網上爬了很多文，三千蚊內的選擇比較過xz-1/p310/lx5。想買LX5無哂，LX7超出預算，而且諗諗下有鏡頭蓋麻煩，放入衫袋亦有啲勉強。XZ-1 拍日景好但夜景和片比較弱，P310 sensor 細但像素推到千六萬，made in china都係concern。比較過畫質，p310 較淡，xz-1 較濃，我還是選了處於兩者之間的s110，canon 的日本製也是信心保證，上一部canon 卡片機用咗五年依然運作正常。如果唔驚lens error 風險可買s100，慳返300，但我要去旅行寧願俾多少少買個安心。總括嚟講呢部機適合貪方便怕煩，只需一部相機傍身的人用，因為無論影相拍片都好滿意，但如果玩開幾部相機既攝影愛好者，你可能會想揀更高階或偏重玩味性或係某一方面特別突出的機。

http://www.imaging-resource.com/IMCOMP/COMPS01.HTM
大家可以去呢個網睇下，可以比較不同型號相機的照片
睇完之後完全無後悔取S110捨LX7，但如果可以afford 3000+既機而唔介意pocketability，我會建議大家買x10/G15
如果你要陽光機而完全不需要拍片/影夜景和室內，我會建議xz-1

1. 有wfi, 可以直接上手機. 雖然而家好多機都可以用wifi sd 上網, 但好似要set 好多野...所以都係原本有wifi gae 機比較方便

2. 畫質其實好ok (以dc 尼講) , iso 到1200都接受到. 雖然同大機唔可以比...但咁細部算好ok la.

3. 影相/睇相操作都好方便, 佢前面個操控圈可以任你較用mei 功能... 真係好user friendly ....我第一日番都尼都識用. 睇相就更正, 同我用smart phone 睇相差唔多咁方便.

4.有白色....仲要好靚仔

1. auto mode 係完全不能用, 唔知點解佢測光係光左2 度. 次次用auto 影都會太光. 本來可以用光補償較低1至2度, 但我又唔知佢個EV要點揾出尼....

2. 睇相果時唔知點解佢個鏡唔識縮番入去...要off 左再按play 先得.

3 有wifi 但唔可以直上fb, 只可以係手機睇同dl 係手機度再upload 上網, 佢話可以直upload 上fb 但我set 左成個鐘都唔得, 所以放棄左

4 用wifi 係手機睇同真相係2 回事, 建議dl 左係手機慢慢睇, 因為佢個preview 其實比真相矇好多.

外形靚仔, 細細部, 畫質唔錯, 影完相又可以直接load 上手機... 雖然auto mode 唔係幾得, 但用m mode 都好易..整體尼講算方便(尤其係果d成日要up 相上網gae ching )

wifi dc機尼講尼部畫質都真係算好靚 ...尤其係對比手機cam . 所以都算係一部好dc

如果唔要wifi 就不如買rx100(畫質靚d) or s100 (畫質一樣但平d). 但係如果要wifi 又要畫質ok 就暫時係得尼部.

對於傻瓜機而言，影相係快係靚ge，但係又有lens error problem.

買左新機，打算開開心心試機，點知......

set完日子及時間後，就出現lens error。機身屏幕出現「lens error. will shut down automatically. restart camera」。反覆關機開機多次，都仲有出現這個問題。send左野倖canon問，又全沒回覆。最擔心的是，s110根本就係重覆返s100的問題，係全批有問題 !!!!!!!! 上次事件見:
http://chinese.engadget.com/2012/07/03/canon-powershot-s100-lens-error/

上次canon 解釋相機中出現了「內部零件接觸不良」的情況，認為高溫或潮濕的環境所致。

我好彩就話一買機，而好咁「幸運」撞到lens error出現，仲可以向零售商換機，萬一去旅行才出現故障，真係好掃興 !

究竟canon有無將上次事件擺上心，抑話用返同一間廠，定係學canon咁話係潮濕的環境所致，佢d機根本唔適合香港用 !!!! 總之對這個牌子好心淡 !

一試機即壞機 !!!!!!

1.17 ccd夜晚影相好好多
touch mon 放大睇相方便
外型冇好似S100咁多舊膠唔靚
都算平3千蚊玩部有質野dc仔

冇乜誠意，像數冇加到，只加左wifi同touch mon

本身都用開S95做代機，貪佢細部，1.17 ccd 其實有幾多細機有，同埋佢個出黎既相又唔會差得過入門版單反既kit set
S100冇買因為個款唔鐘意，但S110一出即買，如果有S100就可以唔使換，但佢個touch 就真係好方便，睇相or揀對蕉位都幾好，有埋wifi可以send俾人都d，手機影相始終差d，其實咁細部帶出街都唔會覺麻煩

輕巧,方便,
色水靚,
夜景好,手持夜景都好好,
可以全景拍攝,可惜無一掃全景功能,
外型討好,
有PASM,幾多野玩,
有touch screen,睇相同操控好方便

電量去得好快,如果用touch screen去得勁快,點都要多買粒代用電.
機頂閃燈後面個位,用力按落去會有輕微聲音,感覺唔大紮實.
大光圈一zoon就變小.
Macro只可以3cm,可以1cm會更好.
相機繩位係左邊,唔多就手

好多朋友都用Canon,但我就第一次用Canon,睇過好多相片,覺得佢D色水幾合我口味,而且想要部輕巧D相機,S110正合我意.
都有考慮過XZ-1同LX-7,但兩者個鏡頭蓋都係要自己開關,我大懵,經常會唔記得開蓋就開機,而且好容易唔見左個蓋,所以只好選擇S110.