優點:
就是對焦,包括快,狠,準;光,暗都對到,選擇功能多。
高ISO可用,就算有啲偏色但都有details.
Buffer 勁到O哂嘴,完全唔使顧慮卡機。
鏡頭調焦方便。
所有AF D鏡返生哂,快咗,準咗!
缺點:
不像好多師兄所講低ISO強過FX機,ISO800以下放大睇可以講同我部800e係冇得比。(但我知道DX就是DX,已經好強)反而高ISO好強。
畫質都係不像好多師所講同FX差不多,我唔識講,但論畫質同800e係冇得比,層次感同立體感。(咁比係唔公平,但以DX來說係一流,只不過是自己諗多咗)
評價:
第一次用,早上8:45同賣家交收,9:30影sports day, 本身gears 800e + 328 & 5D3 + 小白is ii, 突然多部機,好鬼重,但賣家要返大陸成個禮拜,冇計,唯有帶支小黑三夾檔當試機,好彩有locker,但都好鬼煩。之後求其set吓睇吓就用,一用之下,其他兩set嘢都放回locker, 支黑三好似鬼上身咁快咗好多,準咗好多(我支冇走焦,所以多年都冇放,信不信由你),都係嗰句,快狠準冇投訴,收貨,回家睇除了白平衡自己set唔好外,畫質不及800e外,非常滿意。
第二次影鐵人賽,就只帶佢同黑三,室內體藝泳池,好暗,但全程對到焦仲好準,包括打筋斗轉塘(冇諗過黑三可對到,全靠D500對焦性能),ISO用到6400, 1/800快門,完全可以見人收貨,到室外跑步就當然更冇問題了。
第三次用影室外游水比室,都係配黑三,仍然鬼上身咁都好準,但今次帶上自己冇用多年嘅12-24 f4, 及18-200 vr 一代來試鏡,覺得真係冇 800e 配17-35 咁好,(覺得真情冇得比) 但輕好多,以後旅行出街都會用D500+18-200, 啲800e, 328,17-35 ,定焦鏡全放防潮箱,要畫質先攞返出用。