優點:
1.om 以呢部Pen-f 作為80週年機,以精品級打造,成部機一粒螺絲都唔會外露,係我見過外型最討好嘅一部機
2. 採用新sensor, 雖然20mp 唔算多,但起碼唔再用塊出咗三十幾部m43 bodies 嘅16mp sensor
3. 高iso 有進步,iso5000 打雀仍可數毛,不至於一pat 油畫,以咁細sensor 黎講算做得好
4. IBIS防震起碼四級,配有防震嘅自家鏡去到五級,連video 防震效果都好得
缺點:
1. 只係越南造,若追求MIJ 嘅話可以忽視,不過叫做好過先前果批MIC, 無咁多QC 問題
2. 對焦能力一般,環境夠光唔會有問題,暗D 就差D, 衰D 講連我部em5 一代都比唔上,不過又未至於室內影唔到,一般餐廳嘅環境都ok, 只係去到落bar 果D 咁暗就麻煩D
3. 千祈唔好攞黎影運動,追焦係廢,影運動用em1 mk2 就好好多,起碼都八成中
4. 前轉盤只係攞黎轉art filter 整色整水,若比用家自訂就會好好多
5. 手感一般,始終扮復古旁軸機都係會有呢個問題,同女士着高爭鞋一樣,貪靚嘅代價係會無咁舒服,我知,我都係貪靚嘅人
評價:
去到2020年先post 一部2016年出嘅相機用家心得,你都估到我用意一定唔係sell 機,事關你想買全新都幾難,我只係想講事實,我用om 相機超過十年,底細係原罪係事實,但亦無一個品牌係最好,canon, sony相機我都擁有過同用緊,只係睇你要乜,要平要輕揀m43 係唔錯嘅選擇,尤其中至長嘅鏡頭,對比135底嘅話m43越長係越着數,貴嘅a7r系我都玩過,畫質係較好,但135無反最多都係得機身輕,鏡頭只有好幾枝f1.8 定焦或細光圈zoom 先係輕,要一機三鏡或配好D 鏡頭等都係重,Sigma 新出咗好幾枝135 嘅正嘢都係1kg, 我係有錢買,但真係嫌重放棄。
手機攝影發展至今對相機業界打擊係大,而家一部手機都幾個鏡頭,坦白講我自己近呢幾年用手機影相係多過用相機,但我係工作上有function 或去旅行等都會用返換鏡相機,玩開攝影都知有D 相係手機影唔到,有需要咪用囉,而家黎講我都唔說人買相機,真係熱愛攝影先好入,唔係買咗都係得個擺字。