優點:
45點對焦點範圍好用,配Dual Pixel CMOS AF對焦,快、狠、準,Full Frame 6D 一代行埋一邊,甚至比 6D II 的淺窄近中央 45點對焦強。
80D 測光系統係非常之強及準,呢點其他入門及中階舊型號,都未必係佢果皮!
大家名參考下呢篇文: http://photo.popart.hk/newweb/archives/118624
我由影菲林機械機、到菲林電子機、及早年擺低左好多年冇玩攝影,近兩年玩番都係由 APS-C 數碼單反開始,配 EF 舊鏡玩都覺得非常滿意。
近年成日系網上,見好多人話非 Full Frame 不可,講到唔係 Full Frame 就冇可能影到好作品咁,我自己十分不認同。如果真係咁講,即係DC仔、半幅、殘幅都要被唾棄?! 都要被歧視?!
手機都可以影到好照片,主要都要睇自己構圖、走位、角度、及對焦等個人經驗決定! 我十幾年前揸部傻瓜到唔傻瓜嘅幾舊水菲林機,婚宴幫親朋影 Snapshot,咪一樣影到好多令人讚賞照片。有時攝影重要係記錄一些回憶,唔需要每張都要利、要聞相、要界手、要放好大都唔朦嘅! 家下要影巨型放大結婚相咩...要咁大幅做乜先? 現在一般人咪又係上下、 Facebook、Instagram、whatsapp 等等,上傳後又咪係壓縮左,唔通你會下下拎去相鋪印照片咩?
我覺得除左唔係Full Frame,呢個價都冇咩缺點,反應快、對焦點函蓋範圍足夠,如果影動態、絕對好過你亂聽人講買部 Full Frame 6D 一代、但係二代除外。如果買 Full Frame 6D 一代、影家庭細路成長生活照片,相信除左啲細路企定定或坐定定、你根本對焦上都好難追蹤得切,必定炒相炒到飛起、或主體都離開你所理相位置!
缺點:
我覺得除左唔係 Full Frame,呢個價都冇咩缺點。
評價:
年幾前我用 APS-C 700D 機,配 EF 非紅圈舊鏡,同一班用 5D 級數及紅圈朋友外影,事後由其他朋友評價,佢哋都影得唔夠我好。所以有心玩攝影,唔好成日諗住非 Full Frame 不好! 有心玩,就算傻瓜機及手機,一樣影到好照片。
我有 Full Frame 機及 80D,睇場合需要我都會選擇帶邊一部機。動態多及距離較遠、我會帶 80D,其餘先帶 Full Frame 機。
好多人話 80D 好塑膠,呢樣我揸上手唔識分,我個人凈係想越輕越好,因為單反出動、好多時唔止帶一支鏡,所以我唔需要摸落涼浸浸金屬感。防塵防一般小水滴都好足夠,我亦唔會好似網上好多人講,成日話怕成部機跌落地,或被人猛烈碰撞,始終呢類意外,在我嚟講極少發生,所以呢個價我唔會要求咁高咁奄尖!
你話 Full Frame 係咪好好多...我話唔係、但如果要事後放大裁切、或要沖印放大照片,咁就一定係 Full Frame 機優勝。否則一般用 APS-C 80D機,唔放大聞相的話,一般都唔會察覺到用咩機影! 如果非 Full Frame 就影唔到好照片,咁近來 APS-C Fujifilm,就唔會咁多人買,作品就唔會咁正啦! 所以我對成日掛系口脣邊...非 Full Frame 不可果班人,真心有少少頂唔順! 即係揸車唔揸靚車貴車,就連細馬力家庭房車都唔好揸呀? 唔住大面積豪宅、就連有瓦遮頭細房屋都唔好住、不如瞓街?!
我第一部數碼相機,係十五年前 CANON Poweshot A70,係一部擁有 AUTO / P / AV / TV / M 模式功能嘅數碼 DC 而已,我就係貪佢有整當年一般電子單反功能,所以先買佢操練及熟習基本功,呢部 DC 數碼只係冇 B mode,但我一樣用佢加腳架、及用計時器加長時間曝光,影到天空閃電,當然需要極大耐性及運氣啦! 但呢部數碼 DC 仔,令我對日後 CANON 單反數碼機操作上,更加容易熟習及得心應手。所以話用乜嘢器材都好,先有自身基本技術及經驗,先會較容易影到好照片。
80D 機身同 6D一代機身上、我覺得體積及重量差唔到幾多,80D 影活動真係爽、對焦又快又準,炒相機會較少。6D 一代係中央單點對焦可靠,其他10點對焦都係多餘,如果你影靜態照片多,又想高畫質又要放大聞相,咁買 Full Frame 就啱你。
題外話,仲有 CANON APS-C 新機 77D 及 800D,係不支援直倒電池手柄,如果想部機望落專業啲,有機會用大支少少、重少少鏡嘅話、又需要直倒手柄電池續航力、及與鏡頭重量平衡,咁買 77D 及 800D 前,就要諗呢幾點問題啦!