Panasonic Lumix DMC-LX9 / LX10 / LX15

實拍照片

－平
－有Leica有F/1.4，適合自high用
－對焦快、準
－3cm微距
－防震效果好
－咩功能都有

－畫質不佳
－操控感差
－電池續航力差

好難講呢部機嘅優點同缺點，因為佢嘅優點正正亦都係佢嘅缺點。呢部機賣點當然係F/1.4大光圈，標榜同級最大光圈，但係有幾個問題：

1. 24mm先有F/1.4，32mm已經得返F/2.8，而且最大光圈時畫質太差，你當佢恆定F/2.8算

2. 係變焦鏡上面做咁大光圈意味犧牲咗畫質，中間位好sharp，但稍為離開咗中間位已經開始矇，邊位慘不忍睹，收光圈有少少改善，但都係唔理想，同埋要收光圈先靚嘅話，咁F/1.4有咩用？

3. 有啲人話大光圈可以用低ISO降低噪點，但降低噪點換嚟唔sharp嘅光學質素？似乎唔make sense。又有啲人話唔聞相就冇問題，但唔聞相嘅話用手機影咪得，買相機就係用嚟聞相㗎啦

4. 3cm微距幾乎可以黐住嚟影，可以影到啲好stunning嘅效果，但畫質好soft同有慧形像差

5. 有啲人話佢散景靚，除咗矇啲之外唔係特別靚，始終支鏡咁細，唔好太多期望

6. 光圈環好多人都話係優點，但實際好難用，太窄會連埋變焦環一齊扭，雖然有個凸出嘅位比你扭，但總之就係唔就手

7. 轉盤放咗係機頂，遠遠唔及十字鍵轉盤方便，而且set做ISO、曝光補償嘅話就會變咗冇得係S mode set快門，係P、A mode下個轉盤都係冇用，浪費咗

考慮埋價錢，水貨價咁平，其實又唔係咁差，不過部機啱新手用多啲，有返少少經驗又想平玩大光圈嘅話，平平哋買部M4/3加支定焦鏡先啱。不過又咁講，而家啲新手直情有錢到直上FF，呢部機應該連新手都睇唔上眼，都難怪賣咁平又冇後繼機

上面師兄已講晒, 我買呢部機, 有幾樣野吸引我
1: 1.4 大光圈, 影夜景同室內真係冇得輸
2. 輕便
3. 可影4K片
4. Panasonic, 質素保證
5. 當然價格都係重要因素之一

1. 影4K片時, 如果突然要對焦 (例如突然有個人大頭出黎), 速度確係冇RX100系咁快, 不過, 又有幾何有呢D情況...
2. 有D拍友會嫌zoom得唔遠, 不過, 買得呢部機, 都會知道光圈同zoom 係二選其一, 如要遠, 大多會買ZS110/220. 我因為主要一般旅行用, 唔太需要太遠, 反而室內同夜景就好重要, 所以, 就買呢部.

用左二星期, 真係, 好滿意.
本來budget $4000左右, 都係RX100 III 或G7x Mark II中選擇, 但一直極希望有4K片可拍, 那旅行就唔使一部相機, 一部view cam, 又重又煩.
同老闆傾開, 佢話如唔介意水貨, 佢會推薦LX10 而不是我起初想要的以上兩款, 老闆話呢款要比較, 係應該同RX100 V 比 (但LX10 - $3520 ; RX100 V, 要$6350), 不過一般都認為RX100 V較好, 特別係video對焦Sony真係快, 至於影相, 就只係各有各好, LX10 都有好多捧場客, 而且影相LX10對焦也極快.
LX10影片, 如有時你突然要變焦, 係慢一點, 但坦白你一般旅行家用又好少這樣, 故影響不大, 而且, 1080同4K, 根本係兩件事, 在4K電視上, 你真係想睇多幾次. 至於影相, 我只一句, 得心應手, 基本上你在任何地方都可以影到你想要的, 而且內設場景也十分十分好用.
三千五, 真係好底用, 瞓身推薦

LX10 機身扎實, 比較富士XE2, LX10 做工很好.
反應快, 比 XE2 快, 對焦快, 就算是RAW+jpg, save相&睇相快, 整體反應都係快.
Panasonics 拍片確實有保證, 機仔細細, 拍片真心不錯, 比手機好得多.
4K 拍片有好多好處, 如你影完, 可以 Chop 到1080p, 用software 做 pan鏡zoom 鏡, 條片冇咁死板.
4K timelapse video, 又係不用電腦就可攪定.
15分鐘4k 片, 如果你用 32g 以上, 個 file 可以超過4G size, 所以只要拍完, 就可以直接上傳 youtube facebook. 好多人不知道, 好多其他品牌, 由於file 大過4G size, 個file 會分開個左, 要事後再合併. 仲有d品牌個file 係唔可以直接上傳到youtube, 對普通用家來講, 要轉檔好煩.
白平衡, 可以調k值及偏移. (這個很重要的). 仲可以調highlight & shallow.(加分)

電力不足, 680mAh. (USB充電時不能用, 可惜)
這部機仔, 拍4仔片是沒有五軸防震, 如你用來做 vlogger, 最好轉回1080p先可用五軸.
一般影相, 日光還可以, 但真心講, 相片富士顏色直出較好.
IS on 拍4k 會Chop (36-108mm), 不夠wide. 拍1080p 會Chop (30-9xmm),
IS off拍4k 會Chop (36-108mm), 不夠wide. 拍1080p 會Chop (26-7xmm),
記住要 active 個 camera preview. 如果唔係, 影時好準光, 但係張相好暗或過爆.
記住要 改不用 step zoom, zoom 會比較自然.
如拍片無時間限製, 就好..

一直用6D多年, 又買多部富士 XE2用來平日影相. 最近想拍下4k(4仔), 見到Panasonic 1吋機仔又有反mon, 又1.4光圈. 所以買來做隨身機, 影下景, 拍下片.(一般用) (十年後, 4k片應該都仲睇得下, 1080p, 到時候應該係VCD質數.

一部用來拍片, (小朋友學校比賽表演好好用), 一般室內好暗, 4K, 1/60, F2.8 及iso1600 以下都可以接受.
一部用來影活動相, 緊係用返6D, 操控及後制較好.
XE2 留來旅行用. (考慮換部 xt20 )

香港水貨, pal 制式, 但係可影, 4K 30fps, 25fps, 24fps. 1080p, 100fps(pal), 60, 50, 30, 25fps

1. F1.4 大光圈（當然是最吸引）
2. 機身輕巧，可放衣袋
3. 對焦快，準
4. 有反 mon，方便與家人自拍
5. 有 touch screen
6. 5軸防震，4K 拍片＋拍攝功能
7. 散景靚

1. 無 evf （但以 24-75mm 無 EVF 可以，只是大陽光下不方便）

世上是沒有「萬能」的相機的，看你的使用需要選最合適的。

先講講，我是一般用家，不是職業攝影師⋯⋯輕便是首要！

FULL FRAME 的 SONY A7S, A7M2 我都有用過，
但最後都係用番 M43，畫質可接受有餘，而且輕便很多。

平日用開 GX85，主要用兩支鏡：
（近）Leica 15mm F1.7
（中）35-100mm F2.8

一般來說，近距離用支 15mm 定焦都好夠用，行前行後就下角度便可。
但總有不方便的時候，所以當初想多入支高質素變焦，Panasonic 12-35mm F2.8 是首選。

但其實想真下，以這支鏡的價錢，買 LX100 不是更好嗎？一樣是 M43, 焦段也是 24-75mm，但光圈更可有 F1.7-2.8, 而且多部機用。所以目標改為 LX100 ⋯⋯

但 LX10 出了後，再細心比較 與 LX100 那部更適合自已用途。近距離一般影風景，影室內，影食飯，食得飯通常都要同家人自拍⋯⋯

LX100 是部好機，但體積大了一點，不方便放衫袋褲袋，而且無反mon自拍
LX10 體積細，方便隨身帶，有反mon自拍，但無EVF，而且得 1 吋 SENSOR，畫質上一定比 LX100 差少少。
RX100 也在考慮，1 吋 SENSOR，有 EVF 又有反mon ，但 SONY 色水不太好，而且 4K 只能拍 5分鐘

比較了很長時間，最後選了 LX10, 因為：
1. 有反mon，需要自拍
2. 雖然無 EVF，但以 24-70mm 這個焦段來說，無EVF 問題不大
3. 雖然得 1 吋 SENSOR，但因為有 F1.4, 散景表現同 LX100 （M43) F1.7 是差不多的。也因為有 F1.4, 所以室內 ISO 可以低一些，幫助了 1 吋 SENSOR 的畫質。（以1 吋 SENSOR來說，ISO 800 以下OK的，ISO 1600 可以接受）

由於畫質上有 F1.4 幫補，而又夠細部可放褲袋，又有反mon，所以最後選了 這部 LX10

用了1個月，感覺真係無買錯，散景靚，室內畫質好，很滿意。

另外，有人說支鏡 光圈 跌得快，我個人認為，以 24-75 這焦段來說問題不大，因為在廣角段時（例如 24-40mm），都可以以 24mm F1.4, 推前推後一些 來取角度的。而在望遠段那邊（40mm 以後），基本上部部機都一樣跌到 F2.8了, 所以支鏡 光圈 跌得快，其實問題不大的。但光圈有 F1.4, 便不是其他機有的。

另外，以DC來說，機身轉盤很足夠，很方便

加上可以 3CM 微距，而且支 LEICA 鏡真係正，夠shape之餘，散景真靚。


玩得相機，都知道 鏡頭 比 BODY 重要，以部機的價錢，有支 Leica 24-75 F1.4-2.8 鏡，有 F1.4 玩，又有 3cm 微距⋯⋯ 水貨價 $3XXX，物超所值！

1) 1.4 大光圈 畫質好
2) 外型簡約
3) 對焦快、準。不論人面或觸控對焦成功率都很高!!
4) 有內閃亦有反mon
5) 自定按鈕多 方便set到自己最就手
6) 有防震，而且效果顯著
7) 自拍模式有美肌有廋面 女仔至愛
8) 全境模式超昜用
9) JPEG直出、顏色、自動白平衡 都比我想像中好
10) ISO1600以下好好，3200可救急用(但高ISO有時會有油畫感)
11) Wifi 傳相同短片算快 Panasonic Apps 寫得幾好

1) 有D setting 怪怪地。
例如: 用AV模式時，原廠係後轉盤冇pre-set到係曝光補償，你要先按一個十字制上方的獨立曝光補償制，後轉盤先可用到曝光補償。當然，你可以pre-set後轉盤為曝光補償 係AV模式時就完美解決。
但當你pre-set後轉盤為曝光補償 係M模式時 果後轉盤會變成全完無功能 咁點算?? 你又要將後轉盤pre-set番原廠設定 就可解決。真攞命!!
幸好，我只常用AV mode。
另外，如用Touch Screen 對焦，每開一次機就要再重新啟動一次!
2) 4K拍片限制多
例如: 對焦會慢D，而且會冇左防震功能
3) D 電去得好快 USB 充電時不能拍照

對上用既 Panasonic機已是幾年前既GX1。
Panasonic 係Jpeg直出、顏色、自動白平衡 都進步了不少。
另外，我之前用過GR Olympus Epl7 fujifilm X70作隨身機。
GR X70 畫質 自動白平衡 都一定比LX10好 但對焦同拍片LX10比佢地好好好好多，而且Zoom鏡更方便。
LX10畫質與Epl7 配12-32 差不多 光圈大D既LX10更方便 ISO 我只用過一次3200 平時都1600以下，而且係電腦睇D相都OK!!
之前亦有考慮Canon G7X Mark II，同事借過Mark I 比我玩過同埋有去門市試過Mark II 除了顏色同自動白平衡 G7X Mark II 可能好過 LX10，其他野包括畫質我都覺得LX10好D (以上只屬個人感覺，並冇試過AB Test!!)

我買水貨，有中文顯示亦有中文manual，價錢合理好多!!