Leica CL

我用Leica超過半個世紀啦，擁有M3 M6 M7 M8.2 M9 M240 M-Monochrom M10 SL等機型，近排心血來潮想買部TL 2玩吓，貪靚仔！點知老友話不如買CL啦，因爲有電子景觀器唔使再買，OK！即刻去到熟鋪一試，原來部機比TL2靚仔，仲要係MIG！德國製應該唔會差去邊卦？部機仔個樣好似M機，同以前菲林年代部CL好似！對我都幾有感情，加支kit set 18mm2.8試咗吓，唔錯啊，自動對焦好快，又可以玩吓“篤mon”，街拍好方便！呢方面見到萊廠都係用心跟上潮流的，畢竟m機手動對焦對於依家攝影界的“速食”文化有點落後，而且可以吸引一d用唔慣手動的年青人。
畫質方面有接近M10八成的功力，不過用全畫幅相對比又唔多公平～哈哈
支kit鏡表現中規中矩啦，加轉接環玩返m鏡先係王道。
換自己支0.95試吓，雖然焦距要乘1.5，但係出黎效果好正，有味道，玩開Leica朋友應該會感受到！特別係呢部機個高對比黑白直出調較得好好，好似我唔多鍾意影完街拍用後製d人好方便，呢部機仔黑白調色係有一手。
Iso6400可用，12500都免強算ok，因爲保留細節係萊卡強項，咁就俾錢買部新機玩吓啦，買咗個連summilux－tl 35mm 1.4 asph set，支tl 35mm其實好打得，呢支鏡我自己覺得係呢部機仔的必配，成像一流，當然你願意用萬幾蚊換支m機無得用的決心先得！but真心係好鏡一支，呢支應該係呢個系列唯一的德國製鏡頭，如果有錯請各位朋友糾正。

當然有啦，同日本三大廠先進的無反相機比肯定落後唔少。
但係萊卡的色彩還原，圖像的立體感都係獨有一派，呢方面係日本機俾唔到你的，你可以話我係萊卡死忠，但係幾多大師選擇呢個品牌就知萊卡自有獨到吸引之處，除非你咪入坑，一入便中毒一世！呢個坑係要用你的一生去填補的。我現在73歲用在萊卡上的錢已經係用幾多間屋去計，因爲我亦都係一名萊卡收藏家。

如果十分係滿分，呢部機仔可以值8.5分，暫時用咗半年，出去玩必帶的機之一。
如果你係鍾意萊卡的fans絕對值得一試，M全畫幅機一半價錢換M機享受，好抵啦！就算加kit set都唔貴。
但係切記要買就要用m鏡或出支tl 35mm 1.4，唔係部機發揮唔到。
另外部機cmos要影大約3000張相之後，畫質會有好大進步。個情況同240相似。
推薦俾嘗鮮老玩家或新手，好機一部！

造型靚仔造工紮實
內置EVF
用Leica嘅M鏡有優化
L mount 鏡頭越來越多

Aps-C
電池續航
太細部手感一般

其實RF相機未必人人都啱玩，不過要體驗Leica，呢部可以話係入坑嘅好選擇，特別係有咗Panasonic同Sigma兩大盟友，玩手動鏡同自動鏡嘅選擇都多咗好多。

相比於日系品牌的復古機身，個人更鍾意CL呢種簡潔而適用嘅設計；
機身睇落好似無咩掣咁，但係兩個轉盤加一個FN掣已經令用家好方便咁Set好光圈、快門、ISO及白平衡。

男朋友在我生日時送了一台leica cl給我做禮物，真的是太開心了，因爲他知道我要做新聞攝影工作，有時需要小巧安靜但又不失質素的相機去拍攝，這一台的相機剛好滿足了所有的問題。
關於第一代LEICA CL的誕生，有兩種說法，一說CL指的是Compact Leica的意思；另一說則認為是Compact & Lightweight的縮寫，無論如何，這一台新cl
是屬於專業級別的便挈無反相機。相機在德國製造，機身以鎂合金打造，堅固耐用，防塵防水滴。他的外型尤如一台迷你版的m機，非常精緻漂亮。拿在手上一手便可掌握，機頂只有三個轉盤按鈕，分別是快門，曝光補償與自定義轉盤按鈕。基本上你要選擇的所有拍攝選項都能在這裡快速設定。而他的菜單選項也保留了m系的簡約，可以令你在短時間內便掌握好。我的禮物是kit set， 裡面包括了一支leica vario elmar tl 1：3.5～5.6鏡頭，鏡頭雖然是日本製造，但是造工精美，成像也非常不錯，拍攝出來的成像品質有小女子m機 m10的八至九成功力，而顏色則是接近m10的顏色，比較鮮豔，清徹透明。黑白照更非常討喜，有著不輸m機功力。圖像立體感不錯，說成mini m一點也沒有誇張。iso也可用到6400或12500都在能接受範圍，在晚上拍攝可換上m系大光圈鏡頭再配以較高iso拍攝，而且還有對焦準確提醒，輕鬆簡單。
對焦則是一按即中，沒有任何遲緩，更沒出現走焦問題，可以給你滿滿的信心。而連拍也不錯，一秒有十張連拍，拍攝運動也是可以有點作爲的。新的觸摸屏幕也很靈敏，不過要小心誤碰情況。
有人說cl是tl的兄弟機，因爲我朋有也有tl一台，便讓她一起接上m鏡接環進行拍攝，拍設的鏡頭則是同樣選用LEICA SUMMARIT-M 50mm f/2.4。在同樣光線的房間里，光圈一致，iso一致的情況下對模特進行拍攝。cl成像顏色會比tl真實自然，白平衡也來的準確一點，有著接近m10的質素，如果騙人說是m10拍攝，除非是品像大師，不是超認真的比較，難以用肉眼看出。看來廠商還是有區分cl與tl的決心的。

優點說了一堆，缺點一樣有，電池的續航力讓人淚顏啊～一顆電只能拍攝兩百多張圖片。在外拍攝一天的話沒有三顆後備電是下不來的，這也是電子景觀器最大的缺點吧？暫時這是我最不滿意的地方。

Leica CL絕對是一台誠意之作，作為需要安靜與便捷的新聞攝影或是街拍的不二之選！他比m機更便捷，有著接近m機的畫面質素，對於沒有接觸過他的朋友就妄下邈論，真的蠻可悲。德國人向來以嚴謹的匠心和高質素的產品為基本，為何自己不去試一試此機的功力呢？如果你熱愛攝影，leica cl絕對不會讓你失望。現在小女子的背包裡只有兩台leica，一台m10，另一台就是他～～他們可以讓我每一秒都投入在攝影的樂趣當中。

1.好細部
2.好輕
3.調色好靚（jpeg直出比其他廠好，懶人必備）
4.LEICA
5.神級building quality（部野比我虐待式咁用，花都冇花，我攞住行山同埋行澗）
7.可用Leica M 鏡(可以係鏡頭列表到選）

1.貴（好用就唔算貴，所以我唔覺貴）
2.ASPC
3.好快冇電
4.冇咩制比你㩒，搞到好多野要去Menu整

老實講，依部野冇咩理由賣，一黎傾佢夠輕同細部，二黎個色好靚。即使有其他機比依部仲好（M9M10畫質上比依部野好好多），但依部機係一部神級後備機，行山都唔覺有重量，行街更加冇問題

1）輕巧
2）使用簡單
3）顏色吸引（直出可用，方便我這些懶人）
4）黑白好實色
5）機身做工一流（一上手就愛不釋手）
6）可以配M mount Adaptor變化好大
7）重中之重Leica 紅色標誌，唔好諗錯，唔係因為虛榮心，而係咁多年都好保值

1）用佢自家的TL鏡好Q貴
2）耗電量勁
3）原廠電好Q貴
4）太靚唔敢粗用🤣

而2017年出品到今時今日都一樣贏過好多機，我最初好怕影人或者小孩子會唔夠快，當我用上佢的Leica Elmarit-TL 18 mm f/2.8 ASPH.成部機好似翻生一樣，加埋佢的3.2 fitmware，直頭可以媲美2019年的APSC（因為我無買2020年出的相機🤣），2017年我會嫌佢大貴，2020年水貨賣14000幾，如果二手更平，我真真真心本意諗住買X100V及Pro 3，但現時買實在太貴。所以經膠攝XX介紹，就胆粗粗買來試，當日交收我唔得閒，我拜托了我的朋友去交收，佢試過都贊不絕口，如果朋友叫我介紹相機只作家庭、街拍、旅行。我一定介紹這部相機📷

同丅L2 M10基本一個系統，你當用半價買M10囉！買部一樣質素機，畫質乜都一樣，效果笑死你，唔信自己去試！乜TL2 CL畫質都係一樣，因為唔係全篇所以平左嘛！生意唔好肯定穩d所謂平價機賺錢！Leica歷史上出現過啦，係個心唔順超姐。

你洗48000買M10個朵！我使一半米買個CL同M10畫質基本一樣部機！仲要有朵，唉～～～
有機會請自己對比！可能呢個係Leica新市場策略問體！
真係除左M10 SL係全幅，其他TL 2 CL基本就係一樣！換個殼去再搵錢！畫質係一樣嘎！

係好機一部，用M鏡出黎d相絕對靚！只要你唔係用早期老M嘅Leica死忠就一定滿足你！靚仔 輕巧 有得換鏡 有Touch，咁個價你仲要乜？同你講真，M機靈魂早就無啦！