Ricoh GX200

金屬機身,輕细,鏡頭靚有24 wide.

2008 的產物唔好祈望同現代機比較,唔知幾時壞!

早年用過GX100後來用咗m4/3於是買咗.早前見二手區有部很平既GX200機身都幾好以為系壞機一心買嚟擺吓,點知仍然用得.玩吓玩吓以前攝影感覺番晒嚟.機细又輕但好揸手,影出嚟d相少咗現代數碼感啱晒口味.日日隨身機見咩影咩.

GX100有既優點GX200都有，可參詳上弟另一心得。
RAW及jpg寫入速度顯注加快
電子水平儀幾好用
雖然要適應，但上手後容易操作

雜訊問題比GX100稍為嚴重
LCD Mon出現滯後，可能因顯屏大左既關係。
GX100外殼靚仔D (個人喜好)

點解無端會買呢部有9年老的中古機呢？

事緣，呢幾年人生閱曆多左，開始對攝影有點追求，甚至，不甘被一部相機限制我想記錄既畫面。好多人都話，影相係為左記錄時刻。我是同意的，但是我絕不認同記錄的方法是隨便按下快門，然後幾年後看著一堆不明不白的照片。我認為要記錄重要時刻，這一剎那的美與惡的最好方法是：要用不同的觀點、角度、焦距、題材以及快門速度。

但是我很懶，影相隨心無動機。

截至兩個月前，我依未覓得一部相機可以做到袋得入我條褲，鐘意幾時影就影，唔鐘意影時都可帶上身唔成負擔，但又可以有高度手動調控既相機。市面上唔係無咁既相機，只不過做得到上述功能既相機都是半吊子既卡片機、防水機、運動相機、呢類DC既手動功能多是附加功能而非主要功能。要不就係貴到飛起既RX100或GR/GRD。

這時候，某一外國街拍blogger的網誌就出現在小弟的電腦面前，睇完佢拎住部GX200鐘意幾時影就影，乜都可以影一餐既相片集後，不禁感嘆，無錯了呢部就係我想要既相機！！同RX100唔同， GX200雖然整體較長，厚度較多，但是勝在夠窄，放得入褲袋入面。

GX100/200可謂是DC界裡的怪胎，論顏色，佢無SONY Fuji既鮮艷；論畫質亦無當今相機的Sharp又多雜訊；論功能、佢無Wifi過相美顏美膚藝術濾鏡。GX100的自動功能並不出眾，經常都需要手動白平衡及ISO才能正確拍攝且檔案寫入速度也只屬一般快。但其輕盈的機身，具人體工學的操作模式與「簡約純粹」的攝影功能，令到GX100用家不禁體驗到年少時的攝影樂趣。

對於少玩DC既人來講，佢地唔會明GX100/200既吸引之處。但對於我呢種「即興攝影龍友」來講，GX200簡直是Snapshoot界的Wet Dream，可遇不可求。

可能有D人會問，鐘意玩相機點解唔玩定焦機或單反機？
其實我既答案很簡單，因為我很懶，但又很有要求。三心兩意，但認真起來又有無比的專業。今天熱哀攝影的我，明天可能熱衷電玩旅行。所以若有一部機，可以隨時傍身，見到有野想影只需褲袋一抽就可以影過夠喉，下一分鐘又若無其事繼續行程，頸椎不用受罪，那恐怕就只有GX100/200了。

1. 真係夠wide
2. 直出jpeg，唔錯
3. ISO 100 或以下，抵玩
4. 分段式zoom，玩起身感覺爽

1. ISO 200 以上就唔見得人
2. 果D noise 嚇親人
3. 存相唔係一般慢

點解而家先寫心得？
因為部Fuji X10拎去換sensor，上網買部2手機用用；唔知點解好耐冇玩過Ricoh，
就花了幾百大元入部GX200玩玩。DC 仔有咁wide唔錯，出去周圍影影幾好玩；
真係方便，有時候單反太笨重；DC仔掛個腰包，去邊影到邊；樂趣就在這裡。

1.24-72mm焦段好用
2.操控方便,快捷鍵好用,得心應手
3.芒靚
4.室內可以用閃燈+補光+光圈混合使用
5.1CM MICRO
6.外型別樹一格

1.夜晚室外勉強點
2.有點慢

小時候用過一部Ricoh定焦傻瓜機,那時候還不知攝影昨是什麼一回事,祗知道用那機拍攝出來的照片好淵澤色彩好飽滿(那時仍然是用菲林的)!
多年後數碼相機大行其道,我在Ricoh GX200和Canon G10之間選了後者,用了一段時間,可能是我不懂運用G10吧!始終沒法拍出從前Ricoh相機拍出來的感覺,G10拍出來的照片不是不好,可就是沒有Ricoh的淵澤飽滿感,慢慢覺得可能是菲林與數碼的分別了!
最近在網上看到有多部GX200求售,心想不如賣掉部G10買番GX200玩都好喎!多謝上手師兄,部機好新淨,KIT SET仲有LC-1......正!
終於入正題....點解GX200出了咁多年我仲會寫這編心得呢!因為我終於找到了,這部相機拍出來的照片,我不敢說好靚,但就真的給到我美的感覺!我有玩音響的,它給我的感覺就像音響中的原子粒機與膽機的感覺,如果G10能夠表達世間的清晰與層次,那GX200就是為了要表達世間的感情與意境而生!它拍出來的照片有一種生命力,看上去令我覺得很舒服....到此我好肯定這部機我是不會賣出去的了!我好喜歡這部機,這是我寫這編心得的原因!

1) 白天, D相真係影得好靚, 顏色分明
2) MY 1,2,3 MODE真係好方便, 可隨時轉個人SETTING!
3) ADJ 都好好用, 光圈大小隨時話轉就轉!
4) 個LCD芒比一般DC靚得多
5) 非常建議比一D對相片有要求, 但又唔想用單反的朋友
6) 可SET一次影3張, 黑白, 彩色, 陽紅, 三個不同感覺的梳片
7) 有RAW檔, 可用photoshop edit 相
8) 電力充足! 唔食電
9) 閃燈都有得玩
10) 1CM MICRO 好得!

1) 室內唔係好得, 幾多NOISE
2) PARTS唔多又貴, 頸帶副廠仲貴!!
3) LC-1.....入塵
4) 開機都算慢

以下係一個對相機認識不多的人對GX200的一點點睇法同用後感 :
雖然GX200已經出左兩年, 終於上個月係MK DCFEVER入手^^
完全合乎要求, 再加上2手購入HA-2 - 可以加濾鏡, 同DW-6超廣角鏡, 非常好玩
事因買了台灣出的一本書"極致的浪漫", 本書主力係講RICOH - GRD的資料, 還有作者分享, 心得, 非常實用! 其實本書可以跟GX其用, 除左GC光圈無1.9之外.
GRD 與 GX 係有一定係分別, 不過最後因價錢而買了GX200...
用左1個月, 完全無後悔, 感覺似用緊菲林機^^

操作爽快，掣的位置十分就手，右手食指調光圈，姆指調快門，按下右手轉盤調WB / 像素/ ISO /測光/ 對焦/曝光補償，加上兩個自選工能的Fn快鍵，操作上跟單反的便利性差不多，玩了這部機兩天，用法上並不是一般DC，而是給對影相有一定認識的人用的，簡單來講就是用影單反的模式去用這部機仔。
電子水平儀十分方便好用，拍風景相尤其好用
優質3X Wide鏡，試過收到F9影風景，張相放大10X都不太鬆
Macro 1 cm，影花，影食物超級方便
鏡頭蓋設計方便(連LC1) ，不擔心個蓋放到那裡去，作Snapshot時不用先開鏡頭蓋，收起鏡頭蓋，然後才影相，所以方便性大大增加
靚Mon

用開單反再用機仔的最大問題是機仔的ISO表現跟大機差太遠，始終是CCD / CMOS的大小問題，低ISO 64 / 100 /200都是低雜訊的，ISO 400雜訊已經十分明顯，其實我寄望的不是像D700 / D3的雜訊表現，但是起碼ISO 400 / 800能用，再高的雜訊怎樣我是接受的。希望下一部GX300能做到這一點。
內置閃燈太強，經常過度曝光，雖然可選擇手動閃燈強度，但調來調去其實都幾麻煩。
無光學VF，在強光環境下好難睇個Mon，雖然有電子的VF，但用得細機就偷佢方便影Snapshot，所以通常唔帶VF，所以光學VF好有用。

買之前做過好多功課，同級對手有LX3 / G10 / G11 / GRD2 / GRD3，選GX200的原因如下
LX3
用過朋友手上的，第一感覺是個Joystick太細(可能是我手指太粗)，用的時間極難。白天畫影良好，ISO表現比GX200好，起碼ISO 400可用，但是不喜歡影夜影時的顏色，感覺太重味精，太誇張。

G10 / G11
未認真用過，只簡單用過G10半天，不敢亂寫，畫質和ISO表理不俗(尤其是降低像素後的G11)，操作上都很方便，但相對GX200來講，G系體積較大多，還有二手G10/G11價錢很貴，G11要$3500，我購入的GX200二手才$1700 (因機身刮花所以減$100) ，剛剛一倍價錢，對於長期活在貧窮線的我，價錢差太遠了！

GRD2 / GRD3
操作上跟GX200差不多，有著極高質素的定焦鏡，但細心想想，我點解有單反的情況下要一部機仔，答案: 方便，既然要方便，何不選擇方便的變焦鏡呢？要畫質，何不帶單反出街？單反加定焦的質素應該比GDR3好吧，還有新的GRD3要$4500左右，這價錢已經差不多可買OM的EPL 1，所以我認為GRD3的合理定價應該是$3500 - $3900。

在做功課時見到很多Sample相，當中有很大部份是黑白相，原來在日本當地有很多人用Ricoh來影黑白相，黑白相加上高ISO的微粒，感覺是很懷舊的黑白菲林味，我自已也有玩菲林機，所以覺得Ricoh真的有點菲林味。
極佳的操作性，輕巧經典的機身，菲林機的味道，低簾的價格，令我十分喜愛這部機，Ricoh在香港的廣告及粉絲沒有Canon & Nikon的多，但是Ricoh的GX & GRD系列是為略懂攝影的人設計的。如果不想天天背住沉重的機身及鏡頭四處跑，想輕輕鬆鬆的想影就影，GX200絕對是上佳選擇。