[sfchan]

請認住這個人,dcfever 的 csd3400 = 點點紅 的 hongkongcamera
其實你知唔知你這行為是很可恥及可憎.你自己bid完又唔用,在點點紅bid完兩分鐘唔夠啦啦聲係度放,1580 bid番黎賣成1900,你有冇人性?其實有好多攝影愛好並唔係個個有錢,點點紅正是這班人追求興趣理想的地方,人地bid來希望自己用,影靚相,你就bid來左手來右手去,你有冇良知,希望其他人評一評理.

p.s. 萬成賣aw-300 $650,請勿誤導人$8xx

[lvanb]

我都同意你所講, 但那個人做的事情是合法的, 無人奈他何, 況且, 他未必一定賣得出[以他理想價]卦

[yk]

不要動氣，其實往往在賣我們的攝影器材的同時，你不難發覺當中一定有所謂的"二手佬"。只要你賣的價錢是接近二手價，他們便沒有空間生存啦！又或多些留意買家的資料及往績便可知一二。

[samho]

咪當賣俾二手鋪
總之好價過尖咀就算啦

[ensan]

算啦﹐我試過係點點紅以低價SELL左部PROSUMER機俾人﹐低價係因為條友話自己無麥錢但又想用大機。好啦﹐見大家都係影相就平價賣俾你啦﹐點知一個星期後就見到佢係DEFEVER放機。
唔岩用放機OK無問題﹐但係條友就標高左成千蚊賣﹐有無攪錯﹗﹗

終之﹐有D二手佬同你買相機時扮晒係影相發燒友﹐又扮無錢﹐博人同情。。。

[samho]

扮無錢博同情又衰D既，咁擺明車馬講價囉......haha
唔賣呀，哈哈
總之......你情我願就算啦

[Danehill King]

係呀 ! 我朋友o係呢度都俾一個 w 字頭一共六個位o既
nickanme o既人壓價,個價係無可能接受 !
話說當時只係 03 年 4 月我朋友放部 G3 想轉 G5 ,
跟住 w 君email 佢,原傾定 $3300.-- ,到場時壓到
得番 $2600.-- 我朋友都係買o左3個月, 而現場睇
w君個 look 好似 ... 佢可以無驗個死點, 所有制都
唔會 check o下, 淨係 on 同 off ! 我地都好肯定佢\n係二手佬 ! 佢話我朋友部機舊款喎 ! 就快唔出 ,
還價 $2500.-- 你話點買呀 ?
呢個 w 君剛剛又出動了 ! 目標好多, 唔知G3係唔係
其中主要目標呢 ???

[jammy_2002i]

其實我覺得大家放機o既價錢只要比出面d二手鋪平少少, 已經可以趕絕好多二手佬! 更何況如果比人壓價壓得太過份,你可以唔理佢,只要保持番個放貨價錢合理(又或者唔介意蝕少少,當益下d有心買o既人),那怕有平機冇人要啦~

[Danehill King]

jammy_2002i 兄
你會唔會咁做先 ?
---> "" 比二手舖放低少少可以趕絕二手佬"" ??
即係點 ???? 請指教 !!!!

[wing2010]

Danehill King兄

其實道理好簡單. 任何二手相機在出售時, 都會有二手市價 (你可以去任何二手舖check下價先). 當你想放係網上寄售既時候, 你個價越接近出面二手賣出價, 下一個買你部機既人, 佢想再賣出既利潤就越低. 只要你唔接受任何議價, 咁你賣出既機多數只會流落到用家而唔會係賣家手上.

scfchan兄

首先, 請不要怪我直接. 某情度上, 我並不認同你既感受.

第一, 點點紅係一個商業交易既地方. 你放得上去, 就唔好預期接手果個一定係用家. 如果你不想你的相機變成商品, 咁你跟本就唔應該將部機放上去果度. 所以, 請不要用"可恥"和"害群之馬"來形容對方的行為. 直接d講, 呢個問題同良知無關, 對方只是在商言商. 佢壓你價, 你可以唔賣. 你肯賣俾佢, 呢個就係你情我願既公平交易. 人地之後點對部機, 你都無權過問. (咁當然, 如果佢存心呃你話係用家黎壓你價, 咁又另當別論)

第二, dcfever將個forum分左咁多區, 就係唔想d人係咪都將佢地想俾人知既野放係最多hit rate既地方. 而你呢個topic其實係講緊買賣經驗而唔係數碼相機. 而且你係第一次放左topic而無人回應之後再將同一topic放第二次, 咁既做法其實好有問題. 如果人人都可以自己想點就點, 呢個forum既規舉就會蕩然無存. 所以, 直接d講, 請你都自律一下.

最後, 我建議你, 如果你下次遇到同樣情形, 你不如將部機放俾身邊既朋友, 咁你就唔會再咁勞氣勒! (最後既最後, 如果你覺得我太直接, 得罪莫怪)

[jammy_2002i]

多謝wing2010兄解話.....完全講出左我個意思^^

[一個好人]

咁......不如一齊競投o下佢 post o係呢個網o既
相機袋啦 ! 等佢感受下都好呀 !
我己經投o左啦 ! 你重等 ???

[sfchan]

wing2010兄

我相信你誤會啦!我並不那個賣家,我只是睇唔過眼有啲人過份的行為.
而且我post幾次,目的只是想多啲人留意,小心小心,並非如你所指.
不果,我(個人)認為在現今社會見到不公之事,向人提醒提醒,總好過像縮頭烏龜任人魚肉好.如果你覺得我得罪之處,亦煩請見諒.