[doglun]

會員戶口已被刪除，資料已被標示為不顯示

[200448]

　
要把合用的人體藝術照體藝術照正正經經地放在看香港報紙雜誌上。

要看看那是什麼內容了，真的需要放一張人體藝術照，來加添內容的意義嗎？

人體藝術照在一本報紙雜誌裡，功能上同一張插圖差不多。

一張體藝術照不會喚醒讀者對藝術的興趣。因為多少關係於本地報紙雜誌不是在說藝術的。



另一方面：我看到樓主所指的情況：
「意見一係:唔錯呀.影得好好皮膚好白....二係:頂.死變態佬..」

人體藝術照上面見的個三點，我個人覺得是廢物。

唔會因為多左三點，個body 會靚左，反而多左三點是很外眼的！


當你或其他人見到模特兒除左件衫的時候，係想影個body，定個三點先？

兩種個構圖已經好唔同。這一點好重要，打後攞角度，晒好相，給人看等等。

第一步，這一步，也是第一步劃分藝術或者色情了。

因為拿相機的那個人決定了自己是想影藝術定想影色情。

張相唔會自己識轉軚，明明攝影師係想表達色情，無可能ｄ人會看到藝術。



到將張相給人看，觀眾看到係藝術就藝術，係色情就色情。

本身張相只是儲存影像，實際張相係中立。

但到影像過左眼到大腦一諗，好主觀。佢話係色情又得、係藝術又得。

不能排除ｄ人習慣先看胸部，

就一諗係色情。并否定其他可能性「這張相是藝術」。


或者「條件反射」，一諗到係人體相就會聯想到色情相，

因為方間的人體相多是色情相。

根深蒂固了人體相的意思就是等於色情相。

[hktsoi]

朋友，

你可能少看我們的攝影世界，在早兩期刊登過香港攝影師Alan的人體攝影作品，香港的人體攝影水平比國內的其實不差的，只不過你不知道。

[edoxli]

doglun兄,
你已經走出第一步,攝影是無限,什麼題材都可以影.色情與否在世界不停地爭論.最奇怪劃掃描人體一定無人話是色情,在香港很多人總是用奇怪的眼光去看人體攝影.但又真是有這種人,用人體攝影作招徠.混水摸魚,什麼地方都有這種事,是無日無止.
攝影有時是自己的事,影什麼都是"除心",有時就為世人而影,要照顧世人眼光.有一次問一位前輩,影了的發表照片時第一件事要考慮是什麼...他想了一下說:是道德...???這個道德就是我我們心中的品德.
攝影都要"同聲同氣",有時你會覺得"曲高和寡",有時會"孤獨"
有時要要太過介意別人眼光,
我都有影人體攝影,在香港我都有一兩位模特兒朋友可以影.始終都是少數.但不會發表,有人問,我都直接答有影,但要比你看就不會,(最少我認為他們心態未正確),
國內確是比我們開放,他們進步比我們快很多,而且專業同開明,有一張相,一個人體模特兒就企在田中,其他農家只顧工作,真是利害.
攝影是人滿足感的最高層次"自我滿足".努力努力,有可能大家交流交流,

[vk35]

人體攝影根本無咩特別, 任何藝術都有人體題材....

但係香港, 的確幾特別, 因為...

1) 連攝影果個都覺得特別, 咁人地點唔會覺得特別.....

2) 香港人唔知係咪睇得日本A片多, 拍D人體照一D都唔似係藝術, 就算唔係色情都充滿性o既內容。 (就算拍d泳裝照都拍到毫無藝術水平, 睇落似日本寫真..:~_~ )

3) 拍o既開放、睇o既開放, 惟被影o既唔開放, 搵唔到d figure好o既 model, 任你點拍都難有好o既作品, 不過問題可能因為數(2)。 (當練習就得..)

4) 唔明香港或國內人體攝影師大多拍女, 男性線條無藝術咩? 大衛像都不知幾靚.....

一句到尾, 唔好淨話人點樣點樣, 社會點睇點睇, 所謂攝影師唔做好自己, 甚至自己根本心術不正, 最衰o既係睇A片睇到思想洗腦, 好D o既就明鐘意睇女性銅體不過係用藝術為自己包裝, 咁樣叫人點認同?? 其實最唔明有d咪最多開宗明義話自己係"erotic"咪得, 就好似電影三級片, 連解要連累真係攪藝術果一班??

[Gowest]

明明係藝術照,俾d咸濕佬睇,佢地都會諗埋d咸濕野,所以呢d題材一向都好敏感,冇番咁上下道行真係唔好學人拍或者學人欣賞,分分鐘俾人以為你係咸濕佬就唔好啦,我自問道行就未到家

[fat_chai_wong]

會員戶口已被刪除，資料已被標示為不顯示

[cub]

市井愚見：

有彩色：色情
黑白：藝術

有眼神接觸：色情
冇眼神接觸：藝術

一般show figure pose: 色情
非一般 pose: 藝術

以胸部或下體為重點：色情
以身體除左以上兩處為重點：藝術

面部表情歡愉或有挑逗情：梗係色情啦！
面部木無表情或有幾分憂鬱：藝術

有兩個人…色情！
只有一個人：通常係藝術

冇燈光設計：色情
有燈光設計：藝術

房內或野戰聖地：色情
冇背景或大自然：藝術

刊登在一般雜誌報紙：色情
刊登在專業攝影雜誌：藝術

攝影師唔出名或匿名：色情
攝影師出名或用真名：藝術

在動漫展影著少衫? show girl… >_<

[sugarhk]

會員戶口已被刪除，資料已被標示為不顯示

[panerai]

>>>香港的人體攝影水平比國內的其實不差的.......

香港的 沙龍攝影 在世界上 首屈一指, 但人體攝影 未見突出 ~ !


>>>你可能少看我們的攝影世界

以前看攝影畫報, Asahi Camera, Amateur Photogarpher
e 家看中國攝影家, Royal Photographic Society's web site, ha ha..........

[simonsun01]

香港文化唔同
因為每一個香港人既心裡面只有色情
一本大便是但搵個1x歲女人影下相就可以上
西方日報Dill足幾個星期

我地既政府係無能既
我地既法庭係無能既
我地既大眾係千方百計用色情眼光去發掘任何作品直到可以加上色情既罪名為此...

最慘係根本冇人有良知出來講一句
"每一個人 一出世都唔著衫架啦"
"你老豆老母唔仆野 點生你呀"

[vk35]

Fr: simonsun01

最慘係根本冇人有良知出來講一句
"每一個人 一出世都唔著衫架啦"
"你老豆老母唔仆野 點生你呀"

_________________________________________

講得正確, 但係謬論想變成真理。

仆野同唔著衫係人之常情, 日日發生, 經常發生, 但呢d係性係慾 (有無愛唔知), 唔好意圖將人體攝影藝術混淆。 藝術係藝術, 展示係群眾, 群眾會覺得靚同優美。 至於性同慾, 睇下咩人啦, 至少....唔會有人當街扑野比人睇掛, 雖然個個人私下生活都有機會扑下野架啦, 不過就算你肯比人睇, 可能人地都會覺得反胃。 如果有人意圖用天然行為去為色情解說, 咁就真係謬誤至極, 如人日日都痾屎, 好自然, 咁唔知有無一日有人攪展覽會影住d屎點係個屎忽到痾出黎 。(不過都好似都有人鏡意睇...不過要係女... : ))

就係有d咁o既人, 完全攪唔清兩者 (色情同藝術), 又或刻意混淆兩者, 只係意圖推動色情大眾化 (強迫每個人都接受色情), 咁就簡接將真係攪藝術果班推左向末路。

另同意以上另一位人兄所講, 器官、純人體光暗大特寫唔係人體藝術精粹, 線條輪廓配合環境氣份所創造出黎意境更有意思。

[dcnut]

其實藝術或者色情，很大程度取決於觀眾對攝影師或發表者背後動機的闡釋。

有些照片，很容易便能從表面看出攝影師拍攝背後的動機，甚至其手法等，例如一些報章雜誌上的走光相等。這點並不關乎露點不露點，很多公認的大師級人體藝術照，也有三點畢露，甚至是局部特寫的。

市面上大部份的報章或娛樂消閒雜誌，在一直未有致力推動或報導人體藝術（或甚至其他藝術範籌）的情況下，卻不斷借機會發表一些裸照及性感照，其背後的動機也明顯不過是為了促銷報紙或雜誌，跟藝術難以拉上關係。

最後一點是比上述更具爭議的情況，是由上述報章或雜誌發表一些本來為公認的人體藝術作品，化名為報導某某攝影比賽的得獎作品之類，這點藝術不藝術就由你去自行判別了！

很欣賞cub的見解，雖攪笑但好到肉，也和我的想法很吻合。

[hktsoi]

>>>香港的人體攝影水平比國內的其實不差的.......

>>>香港的 沙龍攝影 在世界上 首屈一指, 但人體攝影 未見突出 ~ !

香港有不少攝影師拍攝人體有國際水平, 例如Almond Chu朱德華早於十多年前已經揚威海外, 作品更成為外地博物館的收藏. www.almondchu.com

[史力奇BB]

hktsoi 弟弟

看過朱德華先生的網頁，也有人體攝影作品，不過，想問下他的得獎得品中，那一張是人體攝影？

而他在攝影上的定位是否一個人體攝影師，從他的網頁的設計，在訊息的表達方向上，表明他是一個多元化的攝影師，更是國際級水準的

不過，他是一個國際級的攝影師，當中也有人體攝影的作品而已，hktsoi 弟弟，請不要混淆視聽！

另外，有人說 " 市面上大部份的報章或娛樂消閒雜誌，在一直未有致力推動或報導人體藝術（或甚至其他藝術範籌）的情況下，卻不斷借機會發表一些裸照及性感照，其背後的動機也明顯不過是為了促銷報紙或雜誌，跟藝術難以拉上關係"

攝影世界正是一個好例子！

在 DCF 找一個用戶的作品出來介紹一下，只是一種促銷的卓頭，但正文內容簡陋，在人體攝影的表達上真是乏善足陳，跟一本咸書沒有分別，浪費了攝影的作品，又低估了讀者的品味，這真是畫虎不成反類犬

hktsoi 弟弟，不要以為找一些大師的名字出來就可以抯擋別人的批評，不肯接受意見，請不要搞雜誌了 !

不過，我對你的雜誌沒有什麼期望，因為你未必能夠邀請得到出名大師執筆，所以買了一次後，細閱詳文，以後真是不會再行購買 !

另外，提醒下你，大家沒有辦法在你的戶口中直接按 link 去到 貴垃圾書的網站，因為，你沒有在 www.www.photoghk.com 前面加 http://

所以，攝影世界連條 hyper link 也打不好，怎搞好雜誌 !