[cfkin]

大家好小弟想買個防潮箱,做過功課後,見防潮箱原理大致分兩大類,
小弟知到針無兩頭利,希望大家比下意見用過又好未用過都歡迎,
最後希望能幫小弟找一個合用"防潮箱"

1.收藏家-
利用乾燥材其毛細孔本身的凡德瓦爾力牢牢抓住水分子吸濕，不需耗電而且可以長期循環使用,
好處--->係斷電仍可繼續吸濕,不會反潮(吸濕卡原理)
壞處--->例如设定 M 位置期望保存湿度约為40%RH, 當濕度到达时 , 控制系统 無法令干燥劑停止吸湿，湿度會繼續下降至 30% 以下都有可能,需加热 170 ℃将所吸收水分蒸发，加上应用形状记忆合金控制吸气、排气阀，完成除湿排湿动作，其特性因成本较低长期被大量采用

2.惠通,everone...
利用半導体晶片冷凝除濕,冷凍晶片在通電時造成晶片表面溫度與環境溫度差而結霜吸濕
好處--->電子調效吸濕到指定濕度會停止冷凍晶片通電,濕度調效比準確
壞處-->此吸濕受環境溫度影響，受突然停電影響，如排濕不良有回滲問題，晶片品質及長期結霜泡水可能較易故障。簡易結霜化水沒有精密抽水的排濕設計，導水孔也可能是漏氣(水)孔,停電不能吸濕就泡水反潮有害物件保存

收藏家&惠通大家用過邊隻好,有壞請更正謝謝..

[kingkonghk]

冇所謂, 2隻最終目的都係抽水

[怪俠]

唔同！有一隻抽完水會回水，另一隻 dry 抽水。

[rayleecsl]

我都曾經做過功課，最後買咗恵通

(1) 平
(2) 應該停電機會很微，唔怕反潮
(3) 若怕反潮，有C hing 教放D防潮珠落去
(4) 如果機芯壞，維修容易及只是1百幾十

[iso_ray]

最怕會燒火牛, 後果堪矣

[yung2]

買完防潮箱仲要買埋家居保, d器材一鑊熟的話真係血本無歸~

[kingkonghk]

有人講過用來收藏相機? 用來收埋條女唔得o既

[oly750]

本來買舊野返黎, 都係想將器材保存好些, 影多的相, 但係在二手區經常睇到的人話用作出售既鏡頭都是存放在防潮箱的, 不過又話鏡頭有少塵, 咁即係有無用ga

[yung2]

鏡頭只要有拎出來用就有機會入塵, 放入防潮箱只係唔想咁易發霉~

[~metal~]

>>> 但係在二手區經常睇到的人話用作出售既鏡頭都是存放在防潮箱的, 不過又話鏡頭有少塵, 咁即係有無用ga

d 人可能o係二手店買返黎
用完一陣又o係二手區放返出去

[cfkin]

我果日行過鴨記
見到得2間有收藏家買,其中1間就得一個細櫃,
令一間就有唔同大細,我睇仲58L佢寫特價$950
但得一層板又無得拉,如果買又要加多個層板
唔知各位c兄有無曾經訂過配件呢?煩唔煩嫁?咩地方有得訂?
小弟就收藏家&惠通選擇中...
惠通好似用料都ok又有2層板,但主要睇吸濕機心邊個好?
所以睇下大家用過意見...

[cfkin]

係呀想問問收藏家,加熱除濕果時櫃內溫度會唔會有上升?多唔多?
仲有係收藏家到左吸濕水平係咪唔識停會過度吸濕嫁?
謝謝

[kingkonghk]

>>係呀想問問收藏家,加熱除濕果時櫃內溫度會唔會有上升?多唔多?

唔會好多, 1度都冇

>>仲有係收藏家到左吸濕水平係咪唔識停會過度吸濕嫁?

因個人喜好調節

[leungpuisun]

請問師兄那個牌子可靠和低用？謝謝！

[cfkin]

點先算低用?電子用品好多時都係一分錢一貨?