[pigpig2000_]

呢D人最鐘意比麻煩人地,剃拒點收科

http://the-sun.on.cc/cnt/news/20090716/00405_001.html

有「名牌溶解王」之稱的法國街頭藝術家Zevs，縱橫各國「粉飾」各大名牌，卻在香港首次惹上官非，更可能付上沉重代價。Zevs日前在遮打大廈 GIORGIO ARMANI（GA）旗艦店外牆髹上法國名牌CHANEL（香奈兒）商標，被控以刑事毀壞罪；他昨日在東區法院認罪後，得悉GA方面報稱未能清理外牆油漬，要整幅外牆換掉，維修費達六百七十多萬元，他驚訝花費之巨，拒絕承認該部分案情，法庭遂將案押後至周五再聆訊，之後才判刑，期間准Zevs以五百元保釋。

本名SCHWARZ Christophe Aghirre的Zevs（三十一歲），報稱職業為藝術家。他承認於本月十三日，在中環遮打大廈地下外，無合法辯解而損壞屬於Giorgio Armani Hong Kong Limited的外牆。

或需拆換整幅外牆

控方案情指，事發日凌晨三時十分，一名的士司機途經遮打道時，見到一名身穿黃色雨衣的外籍漢，用黑色顏料在遮打大廈外牆髹上一個符號，之後登上一輛輕型貨車離開；的士司機遂報警處理。警方到場調查期間，碰巧該輕型貨車折返，惟車上僅司機一人，車廂內則找到雨衣、帽、鐵梯及顏料等物品。

該貨車司機稱，他受僱於荷李活道一間藝廊，負責接載外籍男子及一名男攝影師到上址。警方再帶同的士司機到該藝廊，將被告及攝影師認出。攝影師報稱自己是受僱於被告，替對方拍照，而被告則坦承犯案，又指司機及攝影師事前並不知道其計劃。由於證據不足，司機及攝影師二人終未有被起訴。

案情亦提到，事後GA派人洗刷被告所畫的商標但不成功，需要將被塗污的外牆整幅拆下換掉，但相關工程費達六百七十四萬六千元。不過，被告表明不能同意這部分案情，他向法庭強調，當日使用的顏料只是給小朋友用的水彩，可輕易去除，而且他塗畫時已特別小心，故應該不難清理。

惟控方未肯退讓，指GA方面有報告支持。法庭惟有就這部分案情召開聆訊，屆時控方會傳召負責證物的警員、清潔公司職員及公證行人員作證。法庭在解決這部分案情後，才會對被告判刑。
庭外稱獲GA理解

滿手顏料的Zevs在庭外指稱，其實只要用高壓水槍，僅清水就可洗掉顏料，他曾試過在外國一幢舊大廈外牆作畫後，即使牆身較脆弱，亦能以此方法成功清理而不造成損傷。他又聲稱曾與GA方面溝通，並已告知有關的清理「秘技」，對方亦甚大方，理解他的行為屬藝術，若能清理油漬便不再追究。他表明願向GA提供協助，並說：「我工作嘅其中一部分係清潔！」 案件編號：ESCC 3293/09

[一、二、三四郎]

>>>在香港首次惹上官非，更可能付上沉重代價

我又唔信係首次官非…我估最後最係Bug烏烏G....

>>>呢D人最鐘意比麻煩人地

冇乜所謂啦，都係麻煩"人地"姐，人地藝術家係有中指既，只會挑戰大才團，又唔會攪我地呢D Sing斗屎文....

[pongyee]

佢係世界各地塗鴉都冇事。

名牌黎左香港，馬上採用本地標準。

一間澳洲公司，總部個個五點鐘鬆人；香港分公司日日做到零晨。

[d2c]

會員戶口已被刪除，資料已被標示為不顯示

[d2c]

會員戶口已被刪除，資料已被標示為不顯示

[pigpig2000_]

如果個外牆係麻石就未必抹得甩，因為會吸入去。。。
條友重要用高壓水槍忝，有排搞。 ~_~

[pongyee]

>> 個 招 牌 logo 5 夠 1 年 就 甩 色


照計換個 logo ， 應該要 19幾萬。

[pigpig2000_]

>>>照計換個 logo ， 應該要 19幾萬。

========================================
因為係名牌，所以斬多D ^_^

[d2c]

會員戶口已被刪除，資料已被標示為不顯示

[oly750]

以前曾灶財塗鴉, 我見過佢o係中環東呀銀號d墨水真係洗唔甩

[一、二、三四郎]

>>>以前曾灶財塗鴉, 我見過佢o係中環東呀銀號d墨水真係洗唔甩

皇上可能係貪平買左D左山寨廠做既墨水，所以洗唔甩~

[element_2]

>>>以前曾灶財塗鴉, 我見過佢o係中環東呀銀號d墨水真係洗唔甩

NO...曾生用果d 係油漆，親眼見過佢寫，以我所知，最大的傑作，係晌牛池灣安老院，整幅過百米天然麻石牆壁連鐵閘，曾遭佢戲謔一番...

而現時大廈外牆的戶外噴畫，都已有保護層，如果真如佢說，係用兒童水彩，確係用清水都可以抹掉。

其實大公司唔追究，未必係等於大方，因為告佢都無用，呢類藝術家根本無錢賠，告來做乜呢？

[~metal~]

典解唔可以睇成 crossover
ARMANI X CHANEL
有睇頭

[oly750]

>>>NO...曾生用果d 係油漆，親眼見過佢寫，以我所知，最大的傑作，係晌牛池灣安老院，整幅過百米天然麻石牆壁連鐵閘，曾遭佢戲謔一番..

咁你有無幫手洗過先, 我見到dont 呀 d 清潔亞叔亞嬸洗足幾日, 好慘, 最後都係揾建築佬圍住慢慢搞

[Nailimixam]

＞＞＞當日使用的顏料只是給小朋友用的水彩

落雨點用水彩？