[element_2]

法例規定著褲返工唔得？如果唔係，衣著當然有自由，否則上司無理由因此畀壓力人。

同樣來講，其實女學生規定要著裙，係咪又可以算係歧視呢？我覺得都算係架！祇不過學生哥唔識運用人權法啫！

[王迦南]

絕對讚成女學生唔著裙返學！

[神枱貓]

絕對讚成女學生唔著褲返學！

[element_2]

>絕對讚成女學生唔著裙返學！

天氣熱問題都無咁大，得果十幾度，都無自由要學生有自由可以著私家褲返學，呢樣真係咁多年來香港教育制失敗的其一。

基本上，一間學校有無規律，笨唔靠校服去確定，外國大部份學校都係自己的便服之嘛...，之前有人提過，如果有人著得特別靚，咁其他人就會跟潮流，會形成其他人會自悲，其實呢套思想都幾落後架喇...

講真，出到來社會做事，返工都係咁架喇，早d 成熟，學下點用最平的成本去打扮，或透過便服去認識這個世界，都係教育的一種。

最後一提，衣著唔靚，但年年考第一，都吹人唔漲的。

[element_2]

＞見工時講明

＞最基本嘅discipline都會冇哂

唉，以上兩樣都係將道理歪曲...

１）見工時講明係唔同的，果種係職業所需，而家係講緊人權政策，用同樣莊重的衣著無不妥。

２）差人、巴士司機、護士、神職人員.....，這類需要制服可以視之為係一種識別。中、小學生係咪需要識別呢？如果需要識別，係咪有一件外套笠住自己件便服就可以呢？

咪將個藉口推落去，一味刻意要同人拗餐飽吧！

[kingkonghk]

座郵船要著禮服去船長g夜, 算5算?

[element_2]

>座郵船要著禮服去船長g夜, 算5算?

當然唔算喇。

其實同立法會衣著一樣，莊重，唔好下下牛記笠記係可以理解咁啫。

有時出席某些頒獎會都一樣。

＞如果校規內冇寫明係要著校服嘅話又另作別論。

其實我咪係話緊校規本身係有問題囉....，我淨係指校服咋....，事關我年少時都好憎著校服，明明三幾十度天氣都要著長褲....

[神枱貓]

試下着牛記笠記入高級扒房, 實比人告你歧視塊牛扒...

[element_2]

無端端諗起讀中學有個同學，因為無咩錢買真皮黑鞋，於是買咗對帶點深灰的假皮鞋，於是被糾察拉出來話佢唔合格....

灰膠鞋呢個幾個字畀同學笑咗好多年...

[kingkonghk]

算把啦, my3鋪分男女john部, 都俾人話奇事

[pongyee]

要一個女教師著裙返工, 梗唔算歧視。

問題係要個女教師只可以著裙返工，又唔係見客，有咩必要？

[element_2]

>問題係要個女教師只可以著裙返工，又唔係見客，有咩必要？

見客一定要着裙架咩？@@

[kingkonghk]

不如話發明女人著裙條友性別奇事啦

香港小姐1定要著比堅尼又係奇事

奧運跨欄要著短褲又話奇事

[element_2]

>不如話發明女人著裙條友性別奇事啦

KING 蛇，講緊係晌學校返工硬性要求人家著裙喎...＠＠

運動著短褲係有特別需要，港姐係表演丫嘛，你有無見過表演國術著西裝呀？

[pigpig2000]

法例冇規定女性一定要著裙。
家吓年女驚都著褲，覺得要求女教師著裙可能別有用心。 <_<