[inter]

精神重創 企跳自殺

與父母及姊姊同住的原告，在記者到訪時一直留在房間內，拒絕接受訪問。她的母親受訪時感嘆，以前一家四口樂也融融，但現在「因為呢件事成頭家散晒」。遭逢巨變之後，原告患上中度抑鬱及有焦慮傾向，更試過企圖跳樓自殺，現時仍要接受精神治療，以及與臨床心理學家會面。

原告的父母稱，女兒讀書時性格開朗活躍，更是運動健將，畢業後任職售貨員，志願有日能往日本學藝，學習造糕餅甜點，現卻已成泡影。原告在事發後，差不多跟所有親戚朋友斷絕聯絡，連男友亦在事發一年後與她分手，她只與家人和一對北京狗作伴。當時她還不吃不睡，後來又變為暴食。家人為免她出事，不惜辭去工作，全天候陪伴她渡過難關，直至最近其情況才稍為改善。

其父母表示，警署應該是讓市民覺得最安全的地方，他們憶述，女兒出事後致電他們報稱在差館被侵犯，起初他們亦覺難以置信，之後更覺震驚：「竟然喺差館發生咁嘅事件？」事件揭發後，媒體的負面描繪以及旁人閒言閒語，亦令家人感到憤怒。


盼獲賠償 離港重生

為了取回公道，家人事後曾向議員求助，對方竟涼薄回應「咁你個女有乜損失先？」現在回想起這句說話，原告母親仍忍不住落淚。直至今年初他們取得法援，終踏出追究索償的第一步。其家人希望取得賠償後，能帶原告往英國跟當地親友暫住，讓她能在異地走出自閉，再次建立對人的信心，融入社會。

本案原告在○八年十一月初，向天水圍警署報失錢包。梁禮仲在電腦系統知悉後，致電請她前往旺角警署助查。梁更叫陪伴她的男友在警署外等候，然後把原告帶到認人室後將她強姦。幸梁後來承認控罪，令她毋須出庭作供。

記者朱先儒、龍偉樑



http://www2.news.sina.com.hk/news/2/1/1/2403680/1.html?l=772270

[一、二、三四郎]

其他點解一定要告阿頭？唔係告成個警務署？

[Lam Martin]

其他點解一定要告阿頭？唔係告成個警務署？
_____________________________________
因為佢係阿頭囉.

[Nailimixam]

個女仔真係好慘:(

[老叟]

而家輪到一哥好慘咯,不過被告大把錢

[Lam Martin]

而家輪到一哥好慘咯,不過被告大把錢
______________________________________
一哥點慘, 又唔使佢揹

[Nailimixam]

>>>>而家輪到一哥好慘咯,不過被告大把錢

佢慘？

[飯窯]

打官司用納稅人錢, 輸o左埋單計數又係納稅人錢, 邊個最慘我唔知, 但肯定唔係一哥

[lmichael]

咁我地政府, 又真係僱用O左呢個PK警察. 我都覺得要賠返比人, 一百萬, 比佢啦. 如果係美國, 十倍埋單都唔知得唔得.

[pongyee]

>>而家輪到一哥好慘咯...

日頭瞓唔著，見到少女就驚，真係橙...

[Lam Martin]

咁我地政府, 又真係僱用O左呢個PK警察. 我都覺得要賠返比人, 一百萬, 比佢啦. 如果係美國, 十倍埋單都唔知得唔得.
______________________________________
我覺得警方係監管不足先至會發生呢d事. 係有疏忽成份. 所以我覺得要賠俾女事主. 但係賠幾多就雙方去傾啦. 不過個人黎講我覺得做成女事主咁0既後果, 一百萬真係要俾.

[element_2]

>一百萬真係要俾.

一百萬濕濕碎，個人認為起碼500萬，但唔係告一哥，而係告政府。

[panasg1]

告警務處長即是告政府，難道警務處長自己付款賠償？