[joystick_tam]

呢個問題其實係好小一件事,只係'原則'0既問題,大家可以比下意見!
話說本人在2月份買左一部 P990i 手機,到今個月部手機邊果個 MS card 入口個蓋關唔到,所以上左去'合和'度整,整完有野要做好急咁走左,無 check 過機,點知比佢整到連機則邊果個彈弓 Keylock 掣到卡死左,咁第二日又要去整過,都唔算大問題,係自己無為意.今次取機時 check 清楚成部機所有掣都無問題先走.近日因為用多左電話,所以買多左舊電以防萬一,早兩日岩岩無晒電,咪打開個機蓋換電喇,點鬼知一開個蓋,......點解張機身保養 Label 唔同左架 ???? 原來係比佢地 CS 撕鬼左,換過一張用手寫0既 Label 落去,寫返你買機張單0既日期 + 一年為限做保養期,依家搞到部機身 Label 同跟機電池兩張 Label 唔同晒日期,古靈精怪,咁我咪打電話去問佢地,點解會換左我張機身 Label ,而又唔話比我知0既呢?點知佢地答話:[color=Red]任何 Sony Ericsson 0既產品,只要你拎上維修部,佢地都有權更換你任何野,而唔需要話比你知![/color].....一聽到呢度已經火都黎埋,咩野道理?比左錢買左你 d 產品,既然可以比你任換而無得投訴......哈哈.......真係一個寶貴經驗,大家以後買機時請三思!
1)原廠跟機身張保養 Label 一般都會係比你買機果日,多左一至二個月保養期,佢地換左佢,只係唔想比人用多左個保養期....[color=Red]小家[/color]
2)如果你拎機上去整,話唔左張單又點呢?佢地會幫你 check 機身 no.係咪行機,再由派貨日開始計你個保養期.(舉例:如果你部機張 Label 係印住..31-3-2008,而佢地電腦個派貨日期係 31-01-2006,咁你部機0既保養期就係 31-01-2007,以佢地 d 電腦資料為準.)
3)佢話換左你張 Label ,只係方便第日可以 check 返你上次整過咩野,同更改返個保養期,怕出錯喎.(你上去整機果時都已經拎埋張單上去,佢都第一時間會 set 晒入電腦,咁又何來會錯呢又?)根本就係廢話,
4)Touch +3個月保養,只限特約經銷商如下:白蘆薈.....胃信.......兇宅.....黎射......電鈴......cat cat 店.......蔥元........C M K.......過尾......東信無限......C i r c l e.....sound vision.......太霖........3 c........永定.........流x世界.......等等......所有上台機及一般街邊電話舖買機者,一律只得一年保養,無左果3個月.果3個月可能係 Touch 自己比你,並唔係 Sony.大家買機果時記得問清楚 d.