[Ches7nu7]

新手想問canon 50 F1.8II點解咁平?? 大光圈定焦喎....

[iso_ray]

點解幾塊爛鬼膠片同普通電路板塞入條爛鐵通度賣人1 萬幾仟咁死貴?

[shing0915]

玩具咁樣想貴得去邊...

[Ison]

師兄一定無渣過上手^_^

[taxi-driver]

not made in japan!!

[dainty]

如果好運, 買到以下3支2手鏡都是 $1650 !!!

EFS 18-55 最平2手價$250
EFS 55-250 最平2手價$1100
EF 50.8 最平2手價$300

[rickwok]

iso_ray講得好

反而係點解鏡頭萬萬聲咁貴，好難想象一支鏡差吾多買倒架新車(吾連稅一定得)。

好多L鏡都買倒架2手車/電單車。

所以我無L鏡，買左架車:-D

[piggyyy]

其實我都覺得只係其他鏡賣得貴，並唔係呢支平...

[Xplore]

>>>> 其實我都覺得只係其他鏡賣得貴，並唔係呢支平...

好精....................讚

[pongyee]

任何人唔明點解鏡頭可以賣到咁貴，請自己動手做一支出黎。

當年有個日本仔都唔明點解萊卡賣咁貴，都係自己動手，咁就創左一番事業。

我真係好期望有香港品牌o既先進相機問世，重要唔好咁貴。

[pongyee]

鏡頭有平有貴，汽車有平有貴，屋子有平有貴，人都有平有貴...

好難越界相比。

[piggyyy]

pongyee兄，我都好明白同一類產品價錢總係有平有貴，呢個係市場定位的問題，唔出貴鏡，又點可以滿足一班有錢或好講求質素的朋友呢~~

不過見chestnut8377兄問點解50.8咁平，只係想講呢支鏡咁平，其實係因為佢set在平價市場，所以賣得咁平，雖然貴鏡成本較高(我以前睇過雜誌講d貴鏡在技術上係較難做到的)，但我覺得按比例計，貴鏡的markup一定係比平鏡高好多的...所以我先會話並唔係50.8平，而係其他鏡貴......

但其實我唔覺得佢地咁做係有問題的，否則佢地點賺咁多錢？問題係我買唔起貴鏡之嘛~~~ haha!!

[pongyee]

piggyyy，我唔係話你，只係對事。

自由商業市場，只要有利可圖，就有新參與者。

其實市場競爭劇烈，如果認為幾塊玻璃唔應該咁貴，咁即係話好賺啦，但係肯入紅海o既企業竟然少得可憐。南韓只得 samsung，祖國尚未起步(連近視鏡片都唔入流)，歐美更加唔使講，很多老牌子以經消失。

我已經老，對光學製造一竅不通，但見過香港都有人自己磨天文鏡，所以真心希望有人創造香港相機品牌(haking 果d唔算數)。

就算淨係生產鏡頭都好，質數ok 的話我一定支持。

萬事起頭難，sigma 當年的鏡差到唔恨，今時今日咪幾好。

發下 lo so 嗟。

[piggyyy]

haha~ 大家都係討論下=)

不過我真係唔知香港有人自己磨天文鏡...= =? 果個係咪陳易希呀？(講笑~)

[rickwok]

香港有人自己磨天文鏡>>>參加香港天文學會就會識倒佢

我已經忘記左佢叫乜名:-P