[JOEPP]

小弟早兩日拎一啲小兒嘅生活照去沖印，行開屯門市廣場有一間叫(天天沖晒)嘅晒相鋪晒相，佢收費已經唔係比一般嘅晒相鋪平，要成$1.2一張，仲要間日先有得攞相，算啦!一心想慢工出細貨，只要晒得寶貝啲相靚仔啲，耐啲貴啲有咩所謂，如是者我過咗兩日去攞返啲相，返到去一睇發覺好多張相都唔清晰，我以為自已對焦唔準起初，我再放入電腦度再遂張睇清楚及放大睇，張張都清晰無比，跟手我就攞啲相去返相鋪度問一下點解會有咁情況，我亦同時攞部手機出嚟比返啲原相佢睇，問佢可唔可以幫手再沖晒得好啲呀?點知個坐櫃台個人兄一句就話"無得攪喎!你比咩我咪晒咩囉，呢啲係你啲相問題，唔關我地事，而家晒相已經無咩錢賺，人人都只係晒幾十蚊嘢，我地生意都好難做啦!"我聽完後登時著晒燈，我話:得!你咁講即係我迫你做生意啦?我搵槍指住你叫你晒嘅?我無比錢?你打開門口做生意唔係咁呀嘩，唔通你只係想人幫襯你一次，放心!我以後唔會再幫襯你，亦會叫啲朋友唔好幫襯你，係咁，唉!經過今次之後，我寧願以後幫襯快圖美好過，起碼佢地有得退相都好啲啦，其實啲晒相鋪已經越來越少㗎啦，仲要咁嘅服務質素，難道真係搏摺咩??

[麦当当]

系甘的啦

[ivanivan2]

條友咁嘅服務緊係生意難做啦
同樣係屯門。。我試過地下個間快圖美
自助沖晒都要排隊等。。
攞相又係。。幾個人攞又要等
不知幾好生意

[JOEPP]

所以以後都唔好搏啦，雖然快圖美$1.8一張，起碼唔掂佢肯跟手攪返，有時唔係錢唔錢問題，走來走去仲要攞氣受先火起嘛!

[Billy377]

如果曬4R, 就算原相少少濛, 看起來都會幾清至正常啊~~ CHing 唔好彩.
行過少少, 市中心馬會方向天橋底, 有間老店叫 "X珠"應該OK的.
最近亦試過景峰站間"X信"都OK, PPS 好後要求原梳直出就更好一點, 不過這間就釣腳點.

[thaishan]

屯門德政圍間x彩都吾錯.&x珠以前好多龍友都經常幫襯喔!!

[JOEPP]

因小弟學淺,其實哂相鋪最拿手應該係哂4R,但咩因由會哂到濛哂呢???