[chamnang]

我打算係百老匯買，單KIT $4980，雙KIT $6000左右，我應唔應該買埋果枝鏡呢？

懇求意見，謝謝！

[yengshin]

樓主你好

唔知你之前有冇玩過相機, 定係一個全新玩家;

如果係新玩家, 買kit鏡係穩陣, 因為一來你唔駛自己另外搵鏡, 新人多數都唔識, 二來kit鏡都唔係差, 起碼係標準嘢;

不過我都可以以過來人身份比少少意見你, 因為我都係開始玩dslr個多月, 機身a550, 單鏡kit 18-55, 後來自己再入多支50.8定焦;

支kit鏡冇咩唔好, 滿足哂基本需要, 但係如果你影相唔係3分鐘熱度(suppose都唔會, 因為單反機真係好有樂趣, 好易上癮), 支kit鏡好快就滿足唔到你, sony aps機入邊, 有支聖物叫 16-80za, 又名菜仔, 市價大約4千5到5千, 呢支嘢差唔多公認係玩sony aps必備(遲與早問題)標準鏡, 台灣方面有kit set 係跟呢支菜仔, 除非你唔諗住染指呢支鏡, 否則我會建議你放棄支kit, 淨買機身再另外買呢支菜仔(當然經濟問題你要自己考慮), 主要原因係如果你而家買咗kit set, 日後又入菜仔, 你支18-55基本上就廢咗武功, 因為焦段差不多完全比菜仔cover咗, 呢支kit 鏡二手市場又真係冇乜, 到時都唔知點好, 就算唔係菜仔, 都仲有副廠選擇, 不過呢度唔講副廠, 因為啱啱開始玩機唔主張用副廠, 用番原廠好啲(但貴啲);

雙kit係咪指另一支55-200?其實都係同樣問題, 兩支kit鏡都係alpha系列, 你玩sony機冇幾耐就想轉玩蔡司鏡同g鏡, 呢個就係我自己考慮買唔買kit鏡嘅原因, 當然我已經買咗, 因為當時考慮唔到有呢個問題, 以為支kit可以滿足我好耐, 你而家可以參考下慢慢諗清楚先;

[rickwok]

kit set好抵買，如果你無概念將來會點(事實上將來無人知)，買埋絕對OK的

$6000有齊一般攝影需要，夠玩一段時間，新手可利用呢段時間，唸清楚將來點玩。

上網有好多朋友會建議一步到位，因為佢地後悔當時無咁做side $$$

但有幾多吾會上網既「非發燒友」一支kit鏡就好滿足你吾知

又有幾多人玩2玩放低吾玩你又吾知

如果呢2種人當時買左買貴就真係超side $$$

重有機會你勁鐘意DSLR，咁菜仔都滿足吾倒你，好快要轉FF

都係果句「事實上將來無人知」，你自己唸清楚吧！

p.s.我玩攝影2X年了，曾經好後悔花太多金錢玩攝影

[yengshin]

一個新手同老手嘅意見果然差好遠 : )

rickwok 師兄, 你話玩攝影2x年係咪廿幾年嘅意思?好驚人, 咁可唔可以分享下你買機買鏡, 升級同揮霍嘅心得, 等我地聽下注意下, 去到有啲位唔好犯錯;

[chamnang]

多謝yengshin同rickwok兩位師兄既寶貴意見 :D

[hkhawaii]

RIGHT!