[JOEPP]

小弟早兩日前出咗部Sony Z3,發覺影單一白色同單一灰色時候出現一灘一灘紅斑物體，不論自動或手動設定，或是轉咗白平衡都存在，所以今日直接上Sony維修部檢查同事出一份報告進行換機服務，點知不但得唔到滿意解決，檢查同時換來一肚火，攞機時佢話我個mon花咗要換，我一睇就話你連mon貼都無起過你又點知個mon花咗，佢再拎返部機返入去再出來時攪錯咗，係個邊邊框有些微花痕，我叫佢指出邊度花，佢就求其指話個角，我睇之下跟本就用肉眼都睇唔到，我叫佢你用放大鏡睇吓有冇?佢就拒絕回應，話檢查時係有發現咁情況，一直理論不果下我唯有返回銷售商睇吓情況點樣，因單上寫明有花或損毀一概不會換機，但值得一讚係華X影音老闆好好，話無問題唔駛理佢，我照換比你，Sony 一向都係咁，我個個客都反應佢啲維修不知所謂，後來我試咗四部機都一樣出現紅斑，如果唔影單一純白或純灰，旁邊有其他顏色搭配就唔會出現，店員話應該係軟件同硬件有衝突，所以有啲個情況，機件絕對無問題，由於只能換一次，我無奈都要換一部走，我想問其他大大有沒呢個情況出現過?另外有無可以解決方法呢?感謝!