[aghostman]

nokia一直打住以人為本的口號在香港發展10幾年, 我本來都係佢死硬派fans,

由6110開始用到今時今日都成6, 7部機都係佢, 不過最近令我好失望。


前幾日聖誕節我唔小心整到部機浸了水, 咁吹乾佢之後第 1 件事拎去維修部啦,
跟住無耐有位職員打俾我報價話部機如果要整就要收2400, 唔包電唔包機背蓋, 建議我買過部新機, 咁我緊係唔整啦, 拎返屋企後就email去問佢地點解收咁貴, 我知浸水唔係保養範圍。

但係一部手機, 零件貴過部機, 咁我係咪買多幾部機賣零件出去就有賺呢咁。

過兩日有個「專人」覆我, 都係講同一段官方對白:「部機濕水我地唔整, 個價錢建議你買新機.....」, 我問佢點解零件要2400, 部機只賣2299, 佢話係公司個價, 出面百老匯果d 係平d, 我咪話佢呢個係佢自己門市個價, 跟住佢check返至答我係呀, 個價 11月改了 =,= 咪係囉, 自己公司個價唔同都唔知, 維修標高價迫人買新機, 咁維修部呢樣唔接果樣唔接, 淨係識format人地部機之外可以做乜? 如果我有錢買新機我就唔駛搵佢維修啦。