[sinlws]

新手想問
我想買部dc,(有睇中好多..canon a80,ixus430,nikon cp4100/5200,casio ex-z40,olympus az-1...)
不過我十月去日本,係日本用
咁我係咪係日本買會好d呢?
價格,配備(電,case,卡...etc)同香港大唔大分別...
有冇人買過?唔該俾d意見我
thanks

[小小生]

日本買通常都貴過香港
回香港後又冇保養

[kunyu]

在日本買DC,在「さくらや」「ヨドバシカメラ」等的地方,其實都有折頭的,不過就要識得講至得,折左後同香港差唔多喇!但在日本買一般都係買一些特別版,或者最新model,普通款就在香港買方便d,如果真係想在日本買DC,就要問清楚d software,driver,說明書之類有冇英文版本,ok! ( ^ _ ^ )

[suencm]

最好還是不要在日本買，除了會出現上述人仕所提出的問題外，架機本身的display好大可能是日文，而且叉電火牛是110V，返到香港要另配火牛，咁就煩啦，除非你買到國際版，考慮清楚呀！

[kunyu]

日文顯示同電壓這個問題現在以經唔使擔心,而家日本本土賣的數碼相機同手提電腦,DV等都係100~240自動變壓的,全世界通用,顯示一樣有英文,基本上都冇乜問題,最重要係你識唔識講就真!其實在日本最好就係買配件,又多又齊,最正係有些店鋪好大方,賣配件的地方好似超級市場咁,任你自己揀自己睇,相機d說明書又任取,你話幾正呢!!!!

[ooops]

其實在日本買機﹐ 基本上同在香港買水貨無乜分別﹐ 反而保養係重點﹐ 雖然在香港買水貨都係無代理保養﹐ 但係話晒都重有間鋪頭可以查詢/投訴﹐ 或者發現死點都可能可以換過部﹐ 但在日本買就乜保障都無。 而且現在水貨都好平﹐ 在日本買真係無乜著數﹐ 特別版就另計。

反而因為日本D相機鋪係會將D機擺係度任你玩 (係真機﹐ 不是得個殼的dummy)﹐ 就算係貴野 (e.g. Leica M7) 都係任試﹐ 你可以試完試夠再返香港買。

[sinlws]

唔該咁多位
我諗我都係會買左先過去
可以玩多熟d先

[Mike Chan]

我最近係日本買左部CAnon Kiss Digital (300D Black Body), 諗住香港冇先買,價錢貴香港1000左右。點知香港九月中有得賣,領野啦! 奉勸各位除非肯定香港冇得賣,否則係香港買實冇衰！

[kunyu]

其實應該話,係去日本試玩o下d相機,覺得正先番香港買就真!

[HP_HKG]

Mike Chan 話：「我最近係日本買左部CAnon Kiss Digital (300D Black Body), 諗住香港冇先買,價錢貴香港1000左右。點知香港九月中有得賣,領野啦! 奉勸各位除非肯定香港冇得賣,否則係香港買實冇衰！ 」

個人認為啲大路既相機型號如 Canon 300D 都會喺香港有得賣，可以等多一陣就可以睇到香港市場會有。

不過我就想知係唔係不同國家生產既貨品係唔係會一樣質素既呢？感覺上日本製造既貨品會較中國製造或是其他東南亞製造既貨品品質好；包裝會較仔細。都鐘意買日本製造既水貨貨品多啲，唔知啲日本人會唔會多鐘意買中國製造既貨品比自己用既呢？因為同一型號既貨品會有不同國家既生產線，除了日本原產地之外，仲有其他地區供應既，但賣價都會係一樣，哩啲貨品都係跟據同一生產製造過程，品質經檢定，有哂 Quality Standard 或 Certificate (CE) 等等標誌，品質理應冇問題，但心理上總覺得日本製造既係會好啲。

我就比較鐘意喺香港買日本製造既日本水貨多過鐘意買中國製造或是其他東南亞國家製造既日本水貨。

[HP_HKG]

過去都買過日本水貨，全部都冇問題，冇入廠整過，好安全丫。

有次買咗部機後，仲未夠十日就發現支鏡頭一邊有「小陷位」，唔明顯既，對拍攝既影像絶對冇影響，因為實地試過機，我相信日本製造既貨品質素有保證同可靠，都唔係咁想換番另一部新機架。當走番去間舖頭度換機嗰時，又冇哂日本水貨 Stock ，個 Salesman 想游說我轉買部行貨機，因為有 Stock，但我堅持話要換番部日本水貨，就算要等幾日同我訂貨都要個 Salesman 照做，否則要退錢。最後，終於可以有日本水貨 Stock 換番比我，新水貨係全新既，一啲問題都冇，包裝好靚，但唔係日本製造既，但我理解到會有唔同地區既生產線供應，同型號貨品就會有同品質既效果，結果，拍攝出來的照片不論沖曬出來或是電腦上面睇都好靚，好完美，同之前嗰部機既效果一模一樣，好開心呀！

我相信唔同地區既出廠貨品會有相同既拍攝效果，唔係話一定要日本製造既先至係一哥。