[hksupersun]

一位女性朋友之前到旺角"國美電器"買左Panasonic DC, 之後發現LCD有死點,
於是今日小弟同佢去換機. (由於已看過這裡的朋友多次講過, DC 有一粒死點都可以換, 所以已抱左"換唔到機唔罷休"的心態)

最初向一位女sales 表明來意, 佢就走去另一邊向一位男上司詢問, 遠看呢位哥哥對女sales擰擰頭, 便心知不妙.

呢位叫 Calvin Leung(從員工証得知)既哥哥同我地講, 只有一點死點冇得換, 之後我話出面其他鋪既practise 都係有一點都換, 佢好寸咁叫我而家去其他鋪問下係咪如我所講咁, 又問我邊d鋪有呢d practise.

咁我話百記, 豐記, 雷射都可以換 (其實我都係吹水, 我本身未係過呢三間野買DC), 點知佢嘲笑一聲, 話旁邊位同事係豐記做左6年, 根本冇咁既事, 又問我有冇睇過 Sharp 出既 spec, 話五點死點以上先可以換.

最憎人扮有料拋我浪頭, 佢講野又寸, 我就越來越興, 我話我地唔係自由行, 唔好大我, 佢竟然話"係你大我先真呀", 講下講下, 佢話可以幫我地打電話去 Panasonic 問下可唔可以換, 下個禮拜一答覆我, 我梗係唔受佢既拖字訣啦, 我問有咩理由要等一個星期. 佢話要等Panasonic 覆信wor, 呢個真係21世紀大笑話!

之後又爭辯左一輪, 我望一望佢個員工証話 "阿 Calvin Leung, 你咁做野真係唔得架wor", 可能佢驚我揚佢個名, 講下講下, 佢竟然話"你一開頭都唔俾我講, 雖然一點死點唔可以換, 但係我地公司有十日品質保證, 可以同你換", 我講"咁你即刻同我換啦!", 點知佢都要寸番我一句"我唔係同你換, 我係同呢位小姐換" (既我朋友, 真正既consumer)



好采最終都換到, 不過我心中都呼一口氣, 如果佢堅持唔換, 我都奈佢唔何\n
唯有嘆息而家d 鋪頭服務真係低劣, 擺明昆你咁款, 弟日都係幫趁d有信譽既鋪頭

[bunny12]

做得好.......百老滙同豐擇實有得換......因親身証實...
人地重好有禮貌

[1986]

大公司即大公司，不是大陸公司，貴一點買服務和信心。係咪，所以大家買水貨過了7日都是預備買過部，因為收理幾個月，問你怕味，小弟的經驗，不過平的就買水都ok，壞了就掉了它。

[mikechutl]

豐澤係有得十日包換的..lcd & ccd 一點任何位置都換..我剛剛買了部d70, 辛好lcd & ccd沒有死點, 不過一番屋企試機 ccd 有塵, lens 亦有小小塵在裏面, 我打去豐澤問, 佢話如果你想換都可以拿回去, 不過算吧, 有邊部 dslr的ccd無塵, 有邊支lens唔入塵, 自己學下吹ccd law. 一係再過多幾個月攞番 nikon 行吹一吹..

[FP196]

hksupersun , 我係 旺角 "國美" 換過機 啦 , 上星期換過部 OM DC , CCD 有死點 , 要放到最大先至睇到 , 態度 OK 無問題 !

[bradley]

我有朋友係國美入面c.s，佢話d電子產品唔多得~~佢會同妳講係進口貨~但其實係水貨~~真係唔好試啦

[hlleung8]

旺角間國美態度真係九流，o的 sales 個個未講野先擺起個寸樣，
問佢想試機，我等左一陣先有人肯"蘇" 下我
(當時佢地唔忙，但又行黎行去扮到好忙咁！)
我問佢拿架 300D 黎睇，佢就好不屑咁擺了出來俾我, 仲要係又冇電又冇鏡頭, 哈哈, 我問佢佢仲話: o的人一買就買o架啦！冇得試！
當時真係慶過火屎~ 大佬，我係消費者黎o架！
我o係百記買直頭當我上賓咁招待啦, 仲要佢又唔係平過人喎,
平過人都可能會忍下丫............ai, 果然係大陸公司..