[man0691]

有好多野都唔明 想問下各位大大:D

慢速同步有咩用嫁?

對焦果度 如果較去 中央對焦 係比較適合影邊類形既相?

同埋我o係室內影 用閃光燈 影出黎張相 中間會較畫面兩邊光 點先可以改善呢個情況? 我想成張相d光平均d

室內唔用閃光燈 部機會顯示震動 但係唔係防震咩? 唔用flash 室內d相好唔掂:(

佢入面有微距 同 數碼微距 有咩分別嫁?邊個好d?

太多唔明喇 唔該各位大大幫幫手:D

[manpo79]

你一次過問咁多問題,要答晒你,好辛苦
只答你第一條,其他留返其他師兄答

慢速同步有咩用嫁?
多數是指"後簾閃燈",例如當你要在夜景+人像時要 2秒 曝光
相機便會曝了2s 先開閃燈凝固影像
簡單原則是d人一閃完就行,如果曝2s,咁人物就好易蒙晒

[pongyee]

>>慢速同步有咩用嫁?

閃光燈根據距離，對主體射出正確光量，主體後o既景物就會唔夠光，甚至漆黑一片。慢速快門容許感光片(CCD，CMOS 或 film)吸收後方景物較暗或微弱的光線，令相片不至太單調。

>>對焦果度 如果較去 中央對焦 係比較適合影邊類形既相?

任何形式都合用。

>>同埋我o係室內影 用閃光燈 影出黎張相 中間會較畫面兩邊光 點先可以改善呢個情況? 我想成張相d光平均d

閃燈在中央，力量唔強，中間自然較光亮。可改用強大的照明，或多支燈，又或反射光源。

>>室內唔用閃光燈 部機會顯示震動 但係唔係防震咩? 唔用flash 室內d相好唔掂:(

防震是有極限的，顯示只是係提醒你。

>>佢入面有微距 同 數碼微距 有咩分別嫁?邊個好d?

並不是每一部機都一樣，何不試一試？