[攝徒]

小弟是新手，最近買了支魚眼鏡頭。

由於鏡頭沒有保護鏡，影了三幾次後鏡面佈滿了塵粒，用pump吹都唔可以100%清除，最後用了清潔劑及鏡頭紙去抹。

但塗上清潔劑後頭鏡抹極都抹不乾淨，好像仍有很多水積散佈鏡上，感覺越抹就越污遭。

請問可不可以用清潔相機感光器的抹塵筆去除塵呢？ 不過要百幾蚊一支，好像有點貴。

另外，當鏡換鏡的時候，是不是須要每次用pump除塵，以免有塵進入相機及鏡頭內呢？

小弟覺得自己影的相片不及其他人sharp，不知道是否跟相內或鏡內有塵有關，請師兄們指教，謝謝！

[PCChung009]

係的。如果要換鏡的話，要把相機口向下防止入塵，（最好用手摭蓋好些）。

[vital]

清潔劑 <--- 我個人唔建議用
清潔相機感光器的抹塵筆去除塵 <--- 唔駛
小弟覺得自己影的相片不及其他人sharp，不知道是否跟相內或鏡內有塵有關 <--- 唔關事

[攝徒]

PCChung009：謝謝你的貼士~

vital：不用的話，只靠鏡頭紙嗎？

[vital]

只靠鏡頭紙嗎 <-- 都可以,不過有油的話用皮會好D,最好冇咩事都唔好抹.塵粒在鏡頭對於成像質素是極之極之極之輕微的

[snoopybee]

唔使咁驚, 我用得好粗. 基本上大部份做呢行的人, 比你想象更粗. 有人用兩部機, 影緊一部時, 發覺另一部, 浸左半支小白落水塘入面都係咁.

總之唔好大大力撞到佢, 小小碰撞唔會有事的. 鏡頭有油漬咪抹囉, 因為我有 filter, 冇眼鏡布在身, 我會用衫或 tissue.

兩滴水亦唔會死得人, 只要唔好成部機掉入水就得啦. 出完街, 如果有水漬呀, 多塵呀, 咪用少少濕的布抹乾淨佢.

唔使下下當些 equipment 豆腐咁

[snoopybee]

更正, 我唔係 "做呢行"

[攝徒]

多謝vital及snoopybee的回覆~

可能每個鏡頭對於我黎講都係好貴，所以驚青左一d.....

[kimosabe]

越搞越出事,特別係魚眼...

[lou4love]

曲面鏡頭可用專抹鏡片塵筆(HKD100/曲面筆頭,會無積)或鏡頭除塵布去除塵, 但先要用泵吹走沙/塵粒.

Filter鏡可用鏡頭除塵布去除塵, 但先要用泵吹走沙/塵粒.

當換鏡時候，要背風.

每次用完回家除塵，以免積塵

如果有塵, 相會看到塵點. 成像不sharp是技術問題.

[snoopybee]

唔關你部係貴機定平機. 當然, 若然在你心中係一件很貴的東西, 你會好小心, 這是正常的. 單反在很多人眼中的確係貴野 (包括我). 但係細心諗下, 就算小如一部 DC, 你都唔會特登掉佢落地掛. 相反, "雞" 如一部 DC, 都唔會遇水即溶. 所以, 對代 DSLR, 平常心就可以了.

魚眼鏡另計, 加到 filter 的鏡, 我都會加個上去. 咁樣, 我就唔使驚整花支鏡面. 就算少少碰撞, 花左都只係個 filter, 幾百蚊搞得掂. 同埋, 雖然話沙石會整花鏡面些 coating, 但都唔係咁易整花. 要抹, 咪細細力抹囉, 冇人叫你摔老泥咁大大力摔佢架嘛.

我的日常保養餐單(跟袋):
泵一個 (連掃)
布一條 (chamois 又好, 眼鏡布又好, 總之唔係 "祝君早安")
tempo 一包 (以備不時之需)

深層護理套裝 (家中):
鏡頭紙 + 平頭膠鉗仔一個 (唔識用就唔好用好過)
洗鏡頭水, 求其一隻都得 (一般用清水, 搞唔掂先用佢)
超吸水布一條 (濕左佢扭乾後抹機身鏡身)

[攝徒]

lou4love：多謝你的tips~

snoopybee：多謝你的耐心多享，小弟知道日後怎樣處理鏡頭了！

[snoopybee]

當換鏡時候，要背風. <---- 很好的 tips

仲有就係, 如果有需要泵機身入面, 我會倒轉機身 (即係機在上, 泵在下咁泵上去), 咁樣泵走左的塵就唔會跌番入去.

[bmsmaster]

我近日買左盒乾濕紙, 好放膽咁抺番乾淨塊鏡, 不過, 如果落左清潔劑,我阿SIR教我地用熱水的蒸氣慢慢蒸些水份上鏡面, 之後再抺乾

[攝徒]

bmsmaster：師兄是只濾鏡，還是鏡頭呢？

用蒸氣在鏡頭上清潔，會不會很大風險呢？