[lamcircle]

第一個問題，因為你係影嘅夜景，所以你係唔係都會落腳架，ISO 100 同光圈 f／4.0 係呢支鏡最理想嘅。因為係落咗腳架，所以快門都無乜所謂(如果你要影拖長光線那種就唔同)。但如果你要影夜景同人像，或者唔用腳架，而你又唔加閃光燈，咁就只有開大光圈或高ISO了！世事係無兩全其美架啦！用咩光圈？就視乎你想要咩效果，如果影單一個人又有時間可以慢慢對焦，我會開大光圈，ISO就唔需要咁高啦。如果係snapshot，我就會選擇高ISO，採用光圈 f／2.8／4.0。

第二個問題，就要視乎你所影嘅景象有幾遠，如你影嘅係對面海，用光圈 f／4.0 就足夠。但如果你影嘅景物只係十幾米遠，咁光圈就 f／8.0／11 適合啲。

第三個問題，上面已經回答咗！係！

[kingkonghk]

暫時未見過有鏡全開光圈SHARP過收2級光圈, 可能我見識少

另外, 全開光圈要注意景深夠唔夠大?

[ChiuChiu1970]

暫時未見過有鏡全開光圈SHARP過收2級光圈, 可能我見識少 X2

[水貨佬]

回nighos:

我講的希望你明.
我唔想用一啲特定的Setting困死你.
否則你好難進步.

相片係得: ISO + 光圈 + 快門

我簡化你的問題為:
低光拍攝

1. 你要先選擇用唔用腳架
- 如用 - 腳架已幫左你快門, 你考慮的是咩光圈(或景深)
- 如唔用- 你第一件事係清楚自己的"安全快門"係幾多, 再考慮是咩光圈(或景深)

你簡單Cap啲"一般"重點比你:
1. ISO當然越細越好, 你要做出Balance的決定
2. 影人, 大啲光圈 (原因:主體近)
3. 影人加景, 睇住安全快門黎收細光圈, 你9成9要閃, ISO取決於背景光夠唔夠 (原因:主體近, 背景遠)

你簡單Cap啲"Advanced"重點比你:
1. 每支鏡的Sharpness有數據的, 咩光圈最Sharp可以睇Curve
2. ISO未必越細越好, 視付咩廠的CMOS/CCD, "多數"質素最好的是ISO 200. (某某廠要有高的Dynamic range係要求ISO 200為最低ISO值)

最後意外答案:
MODEL投訴: 你噤Sharp架, 連我啲印印都睇倒. (之後你..... 執相執到死)

[ChiuChiu1970]

非常認同水貨佬C兄的意見，順便想多講幾句：

攝影時用咩Setting，除咗曝光需要，亦要考慮你對畫面效果的重點要求。

快門除咗考慮手持安全，亦係要考慮畫面的動、靜態，例如想凝固高速的主體，或是要令主體更有動感。

光圈有個重要目的是控制景深，開盡光圈為求更易獲得焦外散景，略為收細光圈可以Sharp D亦同景深有關，因為大光圈景深淺，焦平面薄，略為收細光圈加大景深令原來稍為偏離焦平面的主體都納入清晰範圍。

高ISO較容易出現noise，但每款機身的表現不盡相同，最重要係，每個人的接受程度不同，所以其他人沒法給你作決定。

攝影時的setting，永遠係要當場根據環境、自己的要求(拍攝目的)、手上器材的能力而作出一個妥協，兩個人，兩套唔同的器，就可能有兩個不同的setting。