[ew515]

我個Friend見我玩得咁過引(又12倍zoom,又wide angle<+Wcon08),決定放咗部P記F7,想要部FZ1(指明要黑色)


一早知佢停產,存貨唔多(永X/萬X得番銀色).
喺旺角3間豐X都冇貨,check到又一城仲有一部,拿拿林搭地鐵過去.點知攞出嚟原來係銀色.XYZ#$!...都好,佢拿拿林揾人去鑽石山攞過部...
一小時後..開盒...LCD有紅藍死點各一...梗係唔收貨啦,之後check到大埔有部,於是落$300訂,兩日後再試...

兩日後,去到試機,一切順利.攞定錢俾尾數,點知"砰"一聲!個Sales跌咗部機落地...花哂! 個Senior走出嚟say sorry,又話同我入沙田攞過部.又等一粒鐘.xyz@%^*....呢次試機正常,不過個鏡頭入面(唔係表面)有條1cm長嘅白色毛...掙扎咗一輪,個Friend都係過唔倒自己...個sales話再入沙田班多部,呢次佢仲叫沙田啲同事check好哂先好攞出嚟...又一粒鐘

第4部卒之ok,俾錢走人!

小小意見:
雖然花咗好多時間,又俾佢哋點咗兩轉,但都要讚一讚豐X. 我諗唔係咁多間Shop肯陪你搞咁耐,試咁多部機(又有咁多部機俾你試). 試過有shop check到部機有問題,佢會話:咁冇貨啦,下次先啦!(下次鬼同你買!!)

p.s. FZ1@豐X $2796 with 128M sd & one extra battery