[anson_426]

於"Yahxx" 拍賣網購買二手"Dimage 5" 被騙$2000,
一星期後即壞, 各路英雄請幫幫忙 !

本人攜機至先達 數碼交X坊維修, 但師傅表示部機做過手腳 - "換過底板"
"搭過橋", 著唔倒機冇得整!

但我試機時樣樣試齊冇問題!

其後致電賣家, 他表示唔關佢事, 一副過左海就神仙的態度, 仲扮好人話賠$100 Check 機費當了事. 我梗冇要佢D錢! *** 冇品 ***

本人仍打工仔一名只想學攝影, 喜愛Minolta Dimage 系列 !

大拿拿被騙$2000, 真不甘心! 各路英雄請幫幫忙 ! 查實有冇得整?

**** 仲有我所知佢都係dcfever 嘅會員各位小心! ****

打工仔

[hyl]

你買二千~~~!? 不多多付數百買nikon f80啦~~~~~~~~~~

二手機是無得賠的呀.....................惟有下次小心點...............
買時找識的人去check清楚...............

[kyohsey]

要bid去 ebay, red-dots Go2hk 這一類有問題都可以投訴
yahoo 過左海就係神仙乜保障都冇

[6x4.5]

都好想幫你,不過二手既野機係要講彩數

如果你真係想追,不妨玩大佢.
係拍賣網站(Yahoo,ebay等)買賣,甚本上係合約一種,有法律效力. 而拍賣網站對於物品既discription與實物付合與否,有small prints嚴格規定.

你有兩個方法追返錢.

第一,睇清楚你部D5,出左乜野問題,而discription又無講,咁你你應該向yahoo投訴,challenge佢賣既野有問題. 我係ebay用過此方法,一般黎講會由中介公司 (ebay係square trade)出面同買賣雙方傾.事態嚴重既話拍賣網站可以取消佢account,同blacklist佢.

第二,既然你有賣家電話,起佢底應該唔難. 佢唔肯賠既話,你可以出律師信,甚至真接入稟小額錢債法庭, 費用唔會多,你可以去法律援助署問下,或者寫信去壹週問李柱銘.

追返幾多都其次,最緊要條氣,支持你

[levinng]

小額錢債費用 $85 元

[阿▁▂㊣▂▁]

Anson , 有關你於 DC fever Forum " 買二手"Dimage 5" 被騙$2000, 一星期後即壞, 各路英雄 - 幫幫忙 ! " Topic , 我想在此對你回應，一向以來，我不論在任何 website, Forum 作買賣都是守原則及按常理處事，如知道是有壞的產品我是絕不會出讓、有關你 03-12-2003 晚上致電通知我你曾於 14-11-2003 於 Yahoo 投得之 D5 相機當日(03-12-2003)於山頂影影下沒有反應，並拿去旺角相機店維修，維修人員對你講話底板出問題......你於是向我了解底板是否更換及改過，我即是便向你表示不知道，因這部 DC 我是於今年 11月於DC Fever 的會員買入，試後完全正常而且操作也很就手，因此我亦很滿意，但基於 D5 之雜訊頗多，最後決定立即放番出去，而你同我買時是以around $1800 to $1900 左右買的 (我仲以$50平售 canon Bag 比你) ，而且你在 12-11-2003 check DC 時是有另外２位朋友幫你 check 過完全正常，我也指出此機之缺點是雜訊頗多，之後約用了 二十多分鍾跟你講解及教你使用、並介紹此機優點是手動 7 x Zoom及操控很強，你仲問我部機是否一手買入，我話[不是] (而事實上賣給我亦是 DC Fever 綱友我也跟他不只一次交易) 如果我是存心騙你，跟本不用 在 DC Fever post D5 相片分享啦、對嗎？ Anyway 、至於你在電話中要求我以原價退還你 bit 的錢然後比番部機我，這個要求會否合理？因此我是拒絕的，我之所以當日主動建議給你$100 元作檢查 or 維修補助只是出於好意，但竟換來是你的所形容為[扮好人]，我只是將事實及買賣二手DC的[規則]跟你分享並希望你易地而處去想想，這並不是你所指的 [過左海就是神仙]的不負責任形容，而是實我亦一直跟據 yahoo 之守則作買賣，如你有不滿是可以向 Yahoo 投訴、對於你此次不愉快之不好彩之經驗我只能說:不好意思！請了解！

[阿▁▂㊣▂▁]

更正，交易日期為 14-11-2003，報告壞機當日日期: 03-12-2003

[manbmanbmanb]

其實阿正都有好多二手野放 , 只有心騙你一個 ? 我不大相信 , 阿正可能也是被騙者之一 , 但相機不好彩賣至你手便壞了 , 改機者該是之前的用家,
再老實講 , 三 , 四手的相機 , 壞是預計之中 , 既然你check 過, 又你情我願, 唔好話人騙你羅 ..... 佢都冇想到會用唔夠一個星期就壞架 ? 拿去第二間睇下有冇得整好過啦 :]

[RaymondYuen]

會員戶口已被刪除，資料已被標示為不顯示

[dcnews]

RaymondYuen
你以前是不是在樂聞工作?認識VR2ZID嗎?

[mail2willy]

~.~
部d5係我放俾呀正o既,由我一手行貨買入,部機買左咁耐未整過,點會換過底板........
你搵過第二間鋪check下啦,有d鋪會話你部機咩唔得咩唔得屈你俾錢換野

[superjackie]

如果你報警警方一定受理,會以炸騙幫你開個file

[superjackie]

不過你要清楚係部dc俾你之前有問題(但佢無列明),定俾你之後你整到有問題(如跌過,濕水等等)

[anson_426]

致 manbmanbmanb

唔通同人買嘢要拆開黎驗 ?! 下次買二手機真係要找你高人指點啦!


* * * 仲有你覺得係咪買完二手機, 影唔夠 50 張相 "即壞" 都可接受? * * *


** 師傅表示部機冇得整, 你仲可以冷靜? ** 可能你火都黎啦!

Post 上黎只為找幫手, 我冇點佢名, 亦冇想過要咁做, 算係咁!

我冇迫佢賠, 係朋友亦唔一定淨係講錢,
但係冇心握我嘅, 總可以介紹D 維修師傅俾我掛? 當幫幫忙呀 !

打工仔

[anson_426]

*** 本人乃錫機之人, 買機後絕無人為損毀 ***

我唔係要$$$, 只部機只要用得番, 要還神添啊!