[dcnut]

剛才有網友話響美國的online網站買機平過香港好多，5060都係賣USD480....
其實外國一樣有黑店，手法大同小异，所以唔可以單憑喊個價出來就係實價。況且，其實香港好美國好都有個訂價，如D70美金999，港紙7980，算返咪又差唔多，不過就梗有人賣得平過訂價ge，連鎖店都有得講價啦，你唔要分期唔簽卡殺埋Ｄ禮品分分鐘平過出面Ｄ細鋪。不過事實美國果邊都係平過香港ge，無他，人地市場大，間間shop的出貨量都大過你凶宅百老會，bargaining power梗大啦！

講開美國黑店又令我想起十年前一件真人真事（無改篇）。話說我女朋友（而家係我老婆）帶班大陸佬出差去New York，其中一個人部菲林傻瓜機無電（果陣重未有Digital Cam），咪走入響Times Square附近的一間電器店問下有無得賣囉，店員一看，二話不說，開左粒新電，同佢換埋，盛惠59.95！甚麼﹖美金呀，唔係港紙呀！我女朋友梗係同佢理論啦，點都無理由禁貴，香港最多咪賣三四十蚊粒，你估個Sales點講﹖佢話呢粒電係lifetime guarantee永久保用喔！你聽過未呀﹖感咪同佢拗囉，點知跟住幾個大隻佬出來，有黑有白，加多件響大門口，你重拗唔拗丫﹖比錢走啦。當時班大陸佬個個企晒響鋪頭出面，因為佢地唔識英文，見到入面隘緊交，重彈得遠Ｄ。後來走左之後條氣都係唔順，見到個差人伯伯，咪同差人投訴囉，不過差人聽完件事就話呢Ｄcase都無符，因為賣野賣得貴唔係犯法，有幾個大隻佬店員都唔犯法。後來差人都有跟佢去黑店了解事件，女朋友問佢點解會話lifetime guarantee，答案就梗係：你邊隻耳聽到我講呀﹖