[aznable]

我用canon 350d, 正常既安全快門係1/焦距.
但係dslr 影相 鏡頭焦距 (如55mm) 要x1.6. 咁個安全快門係 1/55 or 1/88

同埋我想問我支kit 鏡己有uv filter, 可唔可以再外加cpl. 定係要除左個uv filter 換個cpl 上去呀?

thank you

[kingkonghk]

安全快門係1/30, 1/60, 或1/90都得, 睇你手家唔定啦, 冇所謂正常, 亦都唔駛x1.6, 不過因為corp左1.6x關係, 曬相出來手震都會明顯左

[MysterI]

kingkonghk 兄:
對於你的見解...小弟唔完全認同呢
"安全快門係1/焦距"...這是最簡單方便的計算方法
但我也知道不是百分百準確
在安全快門下拍照並不代表一定不會手震
低於安全快門下拍照也不一定會手震
分別在於每個人手持定力不同...要睇個人情況而定
但安全快門計算法答案只有一個...並不是1/30, 1/60, 或1/90都得
安全快門的答案可作拍攝時參考使用...所以不可含糊的
而1.6x的問題...由於拍攝時的實際焦距已計算了1.6x...
所以我覺得當然要計算埋1.6x
所以最後如果你拍攝時鏡頭焦距係55mm...安全快門應是1/88s
仲有UV + CPL的問題...加是可以這樣加的...但多個香爐多隻鬼
加太多鏡片對成像不太好呢

以上只是我的個人見解...並不一定完全正確
有錯的話請各師兄指正...THX~^^

[Omega]

唔需要x1.6下嘛﹐只係crop factor﹐實際焦長無改變wor...

其實所謂安全快門標準 xx mm = 1/xx sec
只係一個參考﹐你用慣支鏡﹐手夠定﹐肯定可以用一個
更慢的快門去拍到清楚的照片....

我見過一位師兄用D70 + 85mm 1.8 手持1/30 都完全唔震。

[kingkonghk]

手震唔係要x1.6, 之不過corp左, 相就細左, 如果用FF機曬4R同APS-C曬4R, APS-C就即係要放大啦, 所以手震會明顯左囉, 情形就好似曬4R好靚, 8R就見到手震一樣.

[Omega]

唔係wor..如果你唔crop, 500~600萬像素直出 4R﹐
少少震係唔覺的...我試過啦﹐mon睇1:1有震﹐晒出黎又唔覺.

當然, 晒大相就無得偷雞了。

[kingkonghk]

我講aps-c手震情況會明顯過ff少少, 基本上唔理都得, 因為都係少少

[micros]

最實際都係自己去感覺而唔係紙上談兵 。
唔同機唔同鏡就算係同一焦距都有分別﹐70-300 f/4.5-5.6 同 300f/2.8 都差好遠啦。

[kingkonghk]

講還講, 影o個時用連拍, 都有d幫助

[telee]

答返個問題: 安全快門要乘 1.6.

[aznable]

多謝各位高手既回答, 我對攝影又多左一點了解.
我也明白安全快門那條equation只作參考. 我自己也試過影28mm(焦距18mm), 快門用1/15 都無乜問題.

關於加filter, 加左filter (如uv) 會唔會減少光進入ccd? 如果我外加cpl... 咁咪又再暗d?

[man1492]

"唔需要x1.6下嘛﹐只係crop factor﹐實際焦長無改變wor..."

焦長只係其中一個factor.
你試下用 1/1.8" DC (wide open 35mm) 1/5 sec shutter 震唔震
雖然佢實際焦距都係得7mm..........

[wtfgary]

我之前看過本攝影書講，安全快門係要take crop factor into consideration.
之但係，安全快門又好睇人。心跳虛弱、手定腳定的心臟病肥人就易辦好多(如我) :)

[beancurdbean]

安全快門同實際焦距有關, 所以要乘crop factor
同一個人, FF用50定焦, 安全快門如果係1/40s; APS-C用50定焦 (50mmx1.6=80mm), 安全快門可能要1/60s

[kingkonghk]

鍾意就加快少少啦, 唔一定要x1.6