[hkres]

在上年與PCCW電話聯絡時，被說服安裝NOW TV 12個月合約如下
HK52.00 月費優惠套裝包括 ESPN 體育84台 + 衛視體育85台 + 24小時新聞 24台

在這兩天發覺24小時新聞台突然不能收看，打電話查詢時，有關 NOW TV 電話接待員解釋因12個月合約完結，故此屬於增送的24小時新聞台已不在有關服務計劃內。

我要求終斷整個 NOW TV 服務，但接待員卻說我的合約已自動延長12個月，但不包括24小時新聞台，因此不能終斷服務

NOW TV 未有知會本人和沒有經本人同意，單方面自動延長12個月合約。接待員說這是 NOW TV 合約條款，但當初推廣的職員並沒有告訴我有關條款。

當時合約內是收看三個台，但 NOW TV 單方取消 24小時新聞台，已是譭約整個交易在電話完成，並無白紙黑字的合約和解釋文件，NOW TV 單方面解釋合約內容，做法很大問題。

提醒大家小心。已向銷委會投訴。

[plentyandplenty]

正常就一定會同你講返個合約既條款先既,好少機會會冇講,可能係你當時冇在意聽姐,你當時做得電話登記就預左冇白紙黑字架啦,如果你要白紙黑字就唔好電話登記啦,仲有人地個24小時新聞台係送俾你睇12個月唔係個PACKAGE入面架,睇你都係唔聽清楚又乜都話清楚既人啦~~~
如果佢地真係冇講條款就一定可以告到佢地既,佢地每一個電話都有錄音架~~~

[hkres]

唔會，肯定無講。我係肯定唔會接受o個 d 自動延長合約，因為對我好不利。所以o個 d 電訊公司 乜乜3個月試用，我重來都唔試。

而且有乜理由延長12個月，一年流流長，下年唔記得 cancel 又12個月，又下年唔記得 cancel 又12個月，咁我咪重慘過唔記得老婆生日........

唉~~ 諗住 pccw 大公司，點知都用埋呢d手段

[daniel1234]

大公司咪又要賣:P

[plentyandplenty]

咁唯有得回覆等結果~~

[chow9500]

其他公司都是自動續期唔話你知架la 不過有d只收回正價收費而不是合約可以取消 現在pccw自動續期的是合約唔可以取消 pccw喱樣野真是好不合理

[hkres]

==> "仲有人地個24小時新聞台係送俾你睇12個月唔係個PACKAGE入面架,睇你都係唔聽清楚又乜都話清楚既人啦~~~
如果佢地真係冇講條款就一定可以告到佢地既,佢地每一個電話都有錄音架"

------------------------------------------------------------------------------------------
我有叫佢放翻段錄音比我聽，佢 hold 左我條線成10分鐘，跟住先話 send 個 case 去 marketing 處理，最後都係無比錄音我聽。

我唔 SURE 最初時個 promotor 有無講 24小時新聞台係送的，但呢個已經唔係重點，我亦都無同個 CS 爭論呢點。重點係送 24小時新聞台都係包係大家 agree 合約裡面，佢唔繼續送，我就有權取消個 SERVICE。

我都唔係要大家單方面同意我，但希望大家客觀 D。同埋真係小心D，唔好中招。

[zeusho]

To hkres：

我想你要回憶清楚他們有沒有說。因為以我所知，PCCW電話推銷全部有電話錄音，你可以投訴，但最後如果人家拿出電話錄音，在裡邊對方又有跟你說清楚，那你就~~~

[hkres]

zeusho，
明白，thanks

[ak2004]

向銷委會投訴、不如向傳媒爆料效果大。我之前也有類似情況發生在有線和

九倉電訊的自動延長合約上,怎么搞都搞不掉、有線和九倉電訊居然說你不

出聲就當同意! 我即時駁她: 我叫你老細吳方正來做我的馬仔、他不出聲,係

唔係就當同意呀! 同樣我叫你做我的二奶、你不出聲,係唔係就當同意呀! 罵

到她沒聲出 ! 后來還是靠向傳媒爆料才搞掂 ......

好麻煩,現在的電訊公司有如黑社會大耳隆、入會容易,解約鞎難、一定要靠

傳媒才能搞掂 !!!

[怪俠]

嘩！下次佢話如果唔出聲就自動續約十二年咁........................................

仲有，我試過因為怕左自動續約呢種手法，我曾經試過提早三個月同佢預約取消，佢地話太早唔可以幫我做，但到我約滿前兩星期打比佢，佢又話要一個月前書面通知取消，頂！

好多間大機構都係咁！做生意做到好似賊咁，你試下條氣唔順唔交錢?！
即刻搵收數公司追你呀！

[mochida]

我用網上行寬頻都好多年，岩岩今年試過無啦啦同我開哂d增值服務，好彩發現得早，未夠一個月，打去小到佢爆，最後一蚊都無收，好彩