[elmand]

黑店/官塘地鐵站之”八方社電訊公司” 店舖地址:官塘地鐵站,12號鋪電話: 3422 8211 傳真: 3422 8210 本人於2006年5月15日,於官塘地鐵站之”八方社電訊公司”以港幣$2400購買一部Rollei 20GB MP4 player. 當日店員表示,這部機會由”八方社電訊公司”包一年保養及維修的,而當時店員表示因為佢地其他職員無手尾關係,未能即時提供原廠說明書,游說本人先行買了此機,說明書待同事回來後,再補回給本人.而店員亦有在發票上寫明,”說明書後補.” 當本人回家試用既時候,發現該機,不時會有怪聲發出,就算你將該部機開著,然後放在一邊,不出5分鐘,機器就會發出好大聲之怪聲.本人即時拿回”八方社電訊公司”.請他們代為檢查機件,於6月3日,他們亦有接受本人既要求,收回去檢查.亦有開出維修單據給本人.但經過佢地檢查後回覆,他們都表示機器沒有問題……因為他們都不懂得去修理此機,一直都只是拖延時間…..直到6月19日,傍晚17:45左右我再一次拿部機到”八方社電訊公司”要求他們維修,(因為部機實在係有問題.)本人亦即場在店內,展示機件既問題所在.當時,他們之識員卻以沒有保用証為理由,拒絕再幫本人維修.又話部機係行貨,要有保用証先會幫我修理.他們還以我阻住他們做生意為理由,要求我離開,否則,佢地就會找地鐵站既站長,我當然不肯讓步啦,同意他們找地鐵職員到場.還要求他們最好就報警….等了五分鐘,還未有見到任何人出現,…….(只有見到15分鐘之內,就分別有一個女人,拿住一部摩托羅拉手提電話,表示該手機有問題,充唔到電,以及有另一個中年男人,拿住一部SONY攝錄機,表示部機買唔到一個月,就有問題,並且已經維修過兩次,都沒有解決到問題.)……… 說回本人,再向店員理論,佢以不回應既態度,表示,有保用証就幫我修理,無就無辦法….口同鼻講,跟本佢地就想唔負責任.如果有保用証,我根本唔需要佢地幫我維修.咁我就只好要求佢地補回原廠說明書.然後再去消費者委員會投訴. 點知佢地都只係拖字決….又唔肯回覆幾時會補回說明書比我.只在單據上寫””欠說明書,兩星期覆””等字句……當時我就問”兩星期覆?如果兩星期後你比唔到我咁又點?…..店員就話……比唔到咪再覆.總之就要等,但唔知要等幾耐,如果無又唔會作出任何表示……… 我實在覺得呢間”八方社電訊公司”做生意既手法好有問題,所以終於就找來兩位官塘區既警員作見証人.而當時警員PC 3770亦以一個見証人既身份,要求店方開出一張單據,寫明會在兩星期後,即7月3日,補回有關之原廠說明書給本人.當時店員都答應,並且拿出一張新既發票準備寫,誰不知他寫了兩行字之後,又臨時縮沙,話唔會開過另一張單據比本人. 本人現在提供有關之單據副本,及以下之幾個疑點,希望消費者委員會能夠幫我跟進,亦請各報社幫忙一起跟進,不要讓這些不法商人,再去騙其他人.本人亦得到兩位警員同意,作証,証明”八方社電訊公司”原本是同意開一張單據比本人,說明幾時會補回原廠說明書.及後卻反口,縮沙.(警員編號 PC3770.) 1> 購買既時候, ”八方社電訊公司”表示會包一年保養及維修,當機件有問題既時候,頭兩次,佢地都肯收回機件去檢查.並且開有維修單據,單據(2)上亦清楚寫明…維修機,保用查機…..試問,為何”八方社電訊公司”頭兩次都肯幫我維修?而第三次又唔肯? 2> 如果該部機係原廠行貨,有保用証的話,所有人都知道,如果要維修,係要拿回去代理商或生產商維修,點解有保用証既行貨,會係由店員自己維修呢? 3> 有單有據,上面寫明欠本人原廠說明書.可後補,店方亦承認欠本人說明書,但店方只用拖字決,拖左個多月都未能補回給我.亦一直唔肯比個合理回覆.店員甚至係有警員在場既情況下,出爾反爾.初時答應再開一張單據比本人,最終卻反口.到底佢地係法律上有無責任?如果白紙黑字寫明,佢地都可以唔認帳既話,對我地消費者仲有咩保障? 呢間”八方社電訊公司”賣既貨,來源好有問題,初時本人以為這是一件水貨,所以保養係由店舖自己負責,但店方賣出左件貨品之後,就不原意為本人跟進,但我再發現,該店根本就無另一件同款既商品出售.而我已經查過代理商,這一款機香港係無水貨,我再跟據代理商提供資料,機身編號及機內既軟件,知道本人所買既機係屬於第一代版本.是在兩年幾前出廠既機,才會用這個版本既軟件. ”八方社電訊公司”所賣既,應該係二手機,或者是陳列品,已過晒保養期……但”八方社電訊公司”卻當新機賣出去,而且向客人承諾過野,就算有單,佢地都採取拖字決.就連警察都覺得佢地有問題,但又做唔到任何野,只有叫我向消費者委員會投訴.. 本人懇請消費者委員會,各大報社,幫忙作為跟進,要求店方給予一個合理既答覆及解決方法.不要再讓其他市民受害. 謝謝! 小市民

[ASSAB]

太長..........無心機睇

多謝報料

有無報警呀?

[black_jack23]

香港好奇怪嘅奸商永遠都唔會死

[Banon]

因為一個字...........
.
.
.
.
.
.
.
.
.
貪! :P

[ASSAB]

橋唔怕舊, 同呢度二手區一樣

[cfans]

太長..........無心機睇 x2

此店舖小弟自小每日都經過一次. (因為住在官塘關係) 10幾年一次入去買野都沒有, 原因係, 我看到間店舖D 人個個兇神惡殺,仲邊夠膽入去啦!

[littlefat69]

呢到二手區有什麼問題???

[peterchan04]

全香港 重有好多間 都係噤黑既店 ....

你買 F1.2 鏡頭... 佢俾枝 1:2.0 你.... 呢枝係啦...!

其實應該 1:1.2 先係 F1.2 .... 吾識就中招.

[mk07]

elmand
都係去ｄ可靠大公司買好ｄ，ｅ　ｄ公司食人唔吐ｂｏｎｅ，
間公司真好差，豈有此理，豈有此理！

[mk07]

黑名單∼八方社電訊公司

[cpkwong]

I know some stocks of this store come from Fortress,ie Fortress dead/display stock......

[kinglam178]

奸商!
賤...

[zeusho]

elmand兄：

這間「八方社電訊公司」很早的時候已經知道是黑店 (我是居於官塘的)，為何要在這些地方購買呢？泰林、鐳射、中原等大店都有很多選擇呀…

[zeusho]

elmand兄：

這間「八方社電訊公司」很早的時候已經知道是黑店 (我是居於官塘的)，為何要在這些地方購買呢？泰林、鐳射、中原等大店都有很多選擇呀…