[old4]

想請教一D經常出門旅行既人士 : 其實去旅行拍風光片, 用 "單腳架" 究竟係咪真係有實際幫助? 定係無x聊多此一舉? (先排除 : 不討論pan鏡或接片的情況)

話說個人喜好問題, 我自己出門旅行 (唔係指去大埔大嶼山長洲果d) 一定唔會帶三腳架(總之係個人喜好問題, 或者好多人肯帶住去, 但我接受唔到, 如果接受到就唔會有呢條thread), 但係出得門多, 慢慢發現即使日光日白, 有時一味手持, 硬係出黎唔係好滿意。但係始終唔願意帶tripod, 單腳架係能夠接受既極限。

囉左支普普通通單腳黎試, 室內manual試左一陣, 由於係屋企冇乜好方法模擬, 就用半秒黎測試極限情況 (最初用1秒試, 試完自己都覺得無具體意義... 用到1秒幾乎已經係 "夜景" 了, 影唔到都屬於打死無怨)。

0.5手持:
http://www.dcfever.com/photosharing/viewphoto.php?category=0&view=text&photoID=412993

0.5單腳:
http://www.dcfever.com/photosharing/viewphoto.php?category=0&view=text&photoID=412994

冇錯用左單腳點計都係有幫助, 但係我無法回答自己既係 : 究竟呢個 "改善" 有冇真正意義? 假如係外地對住同一個scene、同一個大景, 我手持黎拍可能"預左唔掂"; 但係好大機會即使我使用單腳, 出黎冇錯係改善左, 但係依然係一張廢相。咁我走去帶住支腳架就會變成一件無聊又 "on nine" 既事情。而且某d唔準用腳架既地方, 一樣唔準用單腳。

唔知有冇慣於出行既朋友有相關經驗分享。不過叫我「疊埋心水帶三腳架」之類 "意見" 就多謝先喇。

[Laza]

冇話是否無謂?....於一般的外遊觀光, 我自己就寧願推高ISO(最盡去到400)去拍啦....或盡量練習手要定...最盡應可去到1/15s...有IS之下, 更可去到1/8s.

除非是攝影團, 或自由行, 如過唔係好難畀你慢慢落腳架set機影相的. 所以旅行其間的夜竟相真係貴精不貴多.

請參看我的拙作

http://www.fotop.net/larrysuen/20070130macau05/IMG_0324A
http://www.fotop.net/larrysuen/20070130macau05/IMG_0334A (0.6s)

一張是手持, 另一將是放在欄杆上在用自拍掣(等同腳架), 你能一眼分出來嗎??










答案:
IMG_0324A 是手持的, 快門1/15s, ISO200.
IMG_0334A 是放在欄杆上在用自拍掣拍的, 快門0.6s, ISO80

[JSmith]

你用無意義既比較方法，結果當然係無具體意義
你用超出單腳架既應用範圍去測試，你點會覺得佢有用？

既然樓主你唔喜歡三腳架，連單腳都覺得冇乜用，咁都唔駛煩啦，忘記世界上面有呢D野啦，繼續手持羅。只要你喜歡就得。

>有時一味手持, 硬係出黎唔係好滿意
>但係始終唔願意帶tripod, 單腳架係能夠接受既極限
>即使我使用單腳, 出黎冇錯係改善左, 但係依然係一張廢相
>不過叫我「疊埋心水帶三腳架」之類 "意見" 就多謝先喇

其實你想其他人可以俾乜野分享？

我會帶三腳架，所以我選擇要輕要細夠實淨。想影夜景、自拍、慢快門，冇三腳架點影？
單腳能增加機動性，但犠牲左一部份穩定性，唔係冇用，不過0.5s快門.....過份左D....除非用繩扎住支單腳落D柱度
有D地方，風好大，連人都企唔穩，手持點影？即使用三腳都要加重量去墜住部機增加穩定性
concert、各種典禮儀式，在坐位中開唔到三腳架吧，但單腳就可以。

[JSmith]

分得出

[yung2]

咁疊埋心水轉攻防震機/鏡囉,
&保持每日至少做30分鐘運動,
身體好手都定d~

[kanji]

在下一向的習慣是, 拍攝旅遊風光的作品, 我零可不帶靚鏡, 但一定要帶三腳. (單腳小弟覺得沒有用), 三腳的作用不止可以拍攝夜景咁簡單, 而是當相機架在三腳上後,個人的集中力不會為手持相機而分心, 可以100%集中在景物的構圖上.
當然拍攝夜景,三腳更是不可決.

[pongyee]

>>>究竟呢個 "改善" 有冇真正意義? 假如係外地對住同一個scene、同一個大景, 我手持黎拍可能"預左唔掂"; 但係好大機會即使我使用單腳,

既然有"改善"，就已經有意義。

>>> 出黎冇錯係改善左, 但係依然係一張廢相。

十張裡面都有七張唔係癈相o卦。

[入門漢]

這是數年前在埃及博物館內的兩幀拙作。一如其它博物館，光綫極其昏暗，冇帶三腳架等同冇帶相機。

[old4]

先向咁多位兄台講句多謝, 各位既意見對我好有價值!


to Laza:
你呢兩張都好掂, 比著我手持 0.6 秒已經唔知變成點了...

to 入門漢:
埃及博物館準許落腳架? 我未去過, 以前d同事去過話唔比, 不過唔記得幾耐之前啦。anyway好可惜係好多 (唔敢話大部份, 但比率唔會小) 博物館都唔會比落腳...

to JSmith:
無意冒犯, 畢竟你都係認真回應; 但係大部份野我只能夠咁回答:「鬼唔知咩」...。

你問我想人地比乜分享, 就係希望呢度曾經有人試過、曾經有過我差唔多既想法, 而佢實行之後發覺, 「嘩! 真係有用喎, 出黎d相升一級」; 或者發覺, 「妖, 徙x氣, 帶住支野冇幫助不特此, 仲無端端多舊野落行李」...。當然, 最大可能係呢度從來冇人試過 (或者試過, 但冇打算答), 咁既情況我慣的了。


不過暫時綜觀各位既睇法, 似乎囉支單腳去旅行應該都算係on nine行為。搵日近近地帶出去真實體驗下先, 希望到時仲有心情上黎做返過事後報告。

[入門漢]

可能外國地方(同埋胸襟)比較大，冇明文話唔准用腳架的，用腳架沒有甚麼壞處。祇有寫明不准用閃燈，因強光會破壞文物。

當然，使用腳架時亦應識做，勿對其他觀賞者做成太大的不便；否則，館員便會前來勸喻了！

[mochida]

我覺得單腳架用主要用途係for長焦，而唔係for慢快門

[fokkp]

帶三腳架較好，如遇到人多或地方狹窄，可將三腳架變單腳架，好穩定，好好用兼好靈活。

[Philippe]

我都覺得單腳用來支撐長鏡用途大D,要慢快門用防震比較彈性得多.
其實樓主的相改用iso 400,f5.6即使單腳架或防震應該都可以拍出清晰的照片.

[ing]

樓主用350D, 又唔鐘意用腳架, 推ISO大光圈咪得囉, 350D ISO1600仍屬接受範圍(日間室外), 手持係要試係要練, 有時係街凍啲你手定都無用, 所以靚夜景三腳一定要有, 小弟唔鐘意用Flash, 早年用R1苦練手定, 改善手震問題, 現用350D二個月影左五百左右手震不足1%, 所以樓主不如主力改善持機手法, 方為上策, 善哉~

[Gowest]

如果帶得單腳架點解唔索性帶三腳架?

不過近幾年去旅行都冇帶三腳架,就算係碳纖都係咁話,因為拎下拎下你就知辛苦,所以就算幾靚景都好,我都係放棄唔用三腳架,如果唔係成身裝備真係好難體會旅遊樂趣。