[Dericxhk]

上次係度問左好多有關今次指攝既意見,
有師兄提到等我報告, 咁小弟咁得大家幫忙,
無論您地有冇興趣我都應該打小小野既!

上回問到應該買 燈 定買 直度手柄
好多人都話手柄可有可無. 買燈實際
我都覺得係O岩既, 但係果日竟然有變數。

<詳記>

我地一共三個人, 三部350D,
鏡有小小白, 17-40 4L, 17-85 4-5.6 IS, 50 1.8兩支, KIT LENS
兩部機身有直度(包括我, 因為我最後都係買左直度^^")
燈有, 430EX, 580EX, NIKON SB22S, NIKON SB800

應新郎要求, 我地其中兩個七點去到酒店(女家)度開始拍攝, 一個跟男家,
我同我拍檔去到, D 姊妹好驚訝, 因為佢地話原來9點先接新娘, 個個都未準備好。
我同拍檔即時O咀.... 唔明白點解新郎要我地咁早去到。
不過當時新娘子已經著好晒"掛", 化緊妝, 冇得影件"掛"....
我兩個好無奈, 因為佢地CALL攝影師, 但又要怕影相, 成日叫人唔好影...
我地兩個影下佢地SET頭(好勁呀... 佢地化晒妝set好晒頭之後真係幾靚架! 明明set之前....)
影下新娘化妝果D, 又影下D環境, 門牌。
新娘化妝個位係好入, 又有張床頂住, 我地都要係門口ZOOM埋去, 好暗, 好難影到D有FEEL既相。
我地影左件婚沙同鞋, 應該交到貨掛....

兄弟班佢地到喇, 係酒店門口影左幾張懶係型既POST, 影左幾張花車, 我地三個影相仔終於一齊番喇~
果班兄弟係咁問我地上面D"遊戲"係點, 我覺得唔應該講喇, 不過我拍檔講左...

一野跑上去, 迫入去影"遊戲", 當時原來仲有一個攝錄師(佢係真係收錢來架!)
一路玩果時佢不停叫人唔好阻住鏡頭, 又叫人望鏡頭咁(我以前師傅唔會架wor....=,=!)
酒店真係好細呀! 十幾個人迫到嘔, 仲要玩到倒瀉水, 加上拍片果個支300W大射燈令到個個都覺得好熱!
不過多得佢, d環境光靚左好多~hehe
我企係角落位, 點知我一企埋去, 佢地就推左張檯埋來, 一下子簡直"封印"左我..... 我借拍檔部17-85來狂影wide shot。(好熱...)
佢部機有支430ex, 我用唔慣, 成日一打直度, 唔記得擰番向上打bounse, 射到我左邊位朋友眼都盲埋....

* 寫住咁多, 如果見大家睇得開心, 一定寫埋佢!

(待續.....)

[jackyyan]

繼續繼續.............幾時第二集???

[kmlau123]

Hi Dericxhk 兄，有無靚相睇呀？
請 post 出來給dcfever 眾兄弟見識！

[beeboy]

期待！

[野貓]

繼續

[JSmith]

好有趣﹗繼續繼續﹗
拍video係咁架，唔同影相，一有人擋住鏡頭，就變成廢片，斷到九彩
o的人一般對鏡頭唔敏感，成日會用個背脊得住個鏡頭，影出呢唔好睇，個拍既又好慘。

[456789j]

Good ! I m waiting ,,,,,,,,,,,,,,,,,,,,,,,,^ O ^

[展翅高飛]

謝謝您的分享，小弟獲益良多！

[聰豬]

繼續繼續！好想學野呀！

[perrykit]

很期待呢~難得有心寫番 後記~值得學習

[kmlau123]

尋人啟示：「Dear Dericxhk. where are you now?」

[yuikeung]

寫得幾精彩, 好有現場感.
快d出下集.

[ym_y4]

Dericxhk 兄,
好丫,影相就係咁。
不過依家的所謂師傅響婚禮遊戲中成日叫人地唔好乜唔好物,
真係大剎風景, 乜野情趣都冇,
好多相影出黎都唔得自然。
我同人地影過唔少婚禮相,
少有叫人地唔好佇唔好物,
寧願自己走位,
搵最佳角度同捕捉最佳氣氛,
否則係影佈景而唔係影相。

唔知點解最近見用孖機影野多左（一個人揸一部相機一部錄影機黎影）!