[Gowest]

已經厭倦同d"民主流氓"爭拗,所以開多個topic

請大家唔好再用d乜野屎尿屁,乜野中國豬中國狗之類侮辱自己侮辱同胞既字眼,咁大個人知唔知乜野叫負責任?講得呢d野出黎就預左要負責,唔好當講過就算

咁既思維咁既質素就話去爭取民主?不如首先學下乜野叫做尊重別人先,大家應該由徐步高呢個悲劇故事之中汲取教訓,我地唔要有第2個咁既人出現,累己累人,大家應該心平氣和反省一下,點樣去聽取別人意見,凡事包容,呢個世界唔係你岩晒,有錯咪認囉,自己冇錯咪搵理由解釋點解自己冇錯囉,用屎尿屁還擊算點先?用"流氓"呢個term已經算俾面

引用左派人士有關香港民主之意見就即刻被定性為反民主?呢d係乜野氣量?連聽都唔聽人講,咁小家種點講得上民主?標新立異,急於求成,亂開空頭支票,嘩眾取寵呢d下3流手法,只會令大眾市民反感

[怪俠]

咁標示自已o既學識高而差能廚別人的中英文能力，睇人唔起呢D係第幾流手法？用唔用得架？

[yung2]

香港人喜歡美麗的謊言, 香港經常將民主掛口邊的那批人,
他們所要求的"民主"就是人人唔洗做, 香港唔準有有錢佬,
唔要政府話事, 要全民話事, 政府要派錢...

以前d人話官字兩個口, 兩個口都只係二揀一啫,
依家吓吓都要人民參與, 即是七百幾萬人一人一把口,
只有無了期o既爭辯, 搞到現在香港乜都推行唔到~

[怪俠]

事情唔係咁架，雙方都因為爭拗而將立場極端化左嗟！

[Gowest]

我唔係法官,不過話人地英文水平低都係唔好,相信佢係因為一時火遮眼想教訓d牛皮燈籠先至會咁

我自己講野都要好小心,因為要時刻提醒自己要尊重別人,不過有時自己都會火遮眼講左d人身攻擊既字句,就此謝過

切記討論要持平,對事不對人,否則只會淪為臺灣式議會~~~郁d就講手,好羞架

[vickycheng]

我好認同 Gowest 及 yung2 的觀點，
你地文筆好過我好多，
算係代我宣洩了，
謝謝！
.
唉！
我覺得現今香港人的特質係.........
.
1.
對別人的行為........要求又高又多，
對自己的行為........要求又低又少！
.
2.
有乜事就係人地唔對，
自己就永遠係對！
.
3.
自己的觀點就係民主！

[怪俠]

唉！你仲係唔明，你地一路都係爭論而唔係討論，

爭論立場梗係企硬，佢一軟弱就會比你切到隻野咁，

當時你又有無諗過退讓先？

[ken1081b]

=口="

民主.....我唔知係乜.....

我只希望人人有工開,有合理工資....

[怪俠]

唔知唔奇，講真我都搞到亂晒，

因為唔同地方o既民主都有唔同方式去理解。

[MN56]

十分同意Gowest既講法！尊重別人，先至有討論既空間！

[ballawong]

香港人喜歡美麗的謊言, 香港經常將民主掛口邊的那批人,
他們所要求的"民主"就是人人唔洗做, 香港唔準有有錢佬,
唔要政府話事, 要全民話事, 政府要派錢...

香港人要求的民主只是普選特首及立會議員
從來冇人話過香港唔準有有錢佬, .....
從來冇人話過唔要政府話事, 要全民話事, .....
從來冇人話過政府要派錢.......

`人民參與`是民主的其中一個重要環節
缺少人民參與,有選舉都冇人投票

七百幾萬人一人一把口,只有無了期o既爭辯, 搞到現在香港乜都推行唔到~

無了期o既爭辯=香港乜都推行唔到??
沒有爭辯=乜都推行到??

推行與否是政府的責任,並不是泛民/民主派,反對派可以單方面做到。

[ballawong]

「民主.....我唔知係乜.....」

我只希望人人有工開,有合理工資.... 」


民主，在這個年代人人都有需要知係乜
民主有很多模式，不在此詳述。
當然你贊成與否又係令一件事，冇人迫到你。


「我只希望人人有工開,有合理工資.... 」

人人有工開是無可能，也是不切實際
這只是`扇`情的口號。

世界無一個國家是可以零失業率。
汶萊也是，古巴也是，美國也是。

[yung2]

好o既野可以拉攏民心果d咪民主義士爭取得來,
唔好果d就全部都係政府同有人錢搞出來,
我看到的所謂民主義士口中的民主是這樣.

以前有甚麼基建都是做咗先算,
現在市民一邊叫著要多點基建推動就業,
但又不記得不斷阻止基建工程計劃的又是誰?

[怪俠]

嘩！你都一樣好偏激嗟！

[d2c]

會員戶口已被刪除，資料已被標示為不顯示