[lmichael]

話說2007年, 咁我老豆過o左身, 我阿媽其實都有o的錢, 我阿媽係一個七十幾歲,文盲, 連紅燈區都以為係一個區多紅綠燈既人.

咁阿媽問我, 星期三得唔得閑, 我話什麼事, 佢話銀行話佢定期到期,叫佢去銀行搞o下手續, 我當時想, 銀行搞定期, 唔駛我啦. 咁就叫佢自己去......

到星期四, 佢比張紙我睇, 話係個陳小姐(即係銀行職員)叫佢買, 話係好高息, 咁我睇o下是什麼啦, 原來係同股票掛勾既高息票據, 即係ELN!!!我阿媽連股票戶口都無, 我自己都唔敢買ELN或者ELI, 咁我話, 呢個唔係定期來o架, 你有機會蝕錢o架, 佢話, 唔會掛, 銀行唔會呃人掛.....

咁星期日,全屋企人返到來食飯, 一聽到, 慶過火, 簡直係騙案, 話星期一, 一齊殺上去, 唔可以比銀行咁做, 我阿媽話, 你地唔好啦, 咁樣, 陳小姐會比人罵, 會無o左份工o架, 都係二十萬做三個月o者........

最後, 都好彩, 呢三個月係賺錢既, 但係銀行真係賤, 祁福黨都係打盲毛, 呃極都係你手上面既現金, 但係銀行, 係睇住你銀行有幾多錢, 等你到期先至呃你.

不過可能都因禍得福, 因為咁, 我阿媽比我地話過, 就唔敢買任個銀行產品, 所以避過雷曼一刧.

現在銀行, 又有另外一種呃錢產品.

[亞典波羅]

星期一先有單案判左, 有間銀行 - 又係女職員 - 呃左一名年過八十既退休女西醫七百萬, 就係銀行職員要求女西醫先在一份空白的紙上簽字, 而內容就係女職員其後再寫.

老實講, 金融機構, 連銀行都信唔過, 真係唔知信邊個.

[一、二、三四郎]

>>>咁樣, 陳小姐會比人罵, 會無o左份工o架, 都係二十萬做三個月o者........

認為係俾人art緊，但又油佢…好彩最後都賺錢…
大吉利是如果最後衰左，你地又會唔會又上去嘈？

[王迦南]

依家多咗好多financial planners，會睇住你個戶口有幾多錢，然後建議你點樣投資，話係你嘅私人投資顧問。

冇野嘅！你賺咗，佢恭喜你，而且佢自己又收多d；你蝕咗，關人鬼事！蝕係你嘅錢，佢一樣照收交易佣金。

[Douglaschow]

老實講, 金融機構, 連銀行都信唔過, 真係唔知信邊個.
************************************************************

信共慘亞爺!

[王迦南]

啱！全部國有。

各盡所長，各取所需嘛！

全部集中晒仲可收規模經濟之效，就由我抵諗管理得喇！

[lmichael]

認為係俾人art緊，但又油佢…好彩最後都賺錢…
大吉利是如果最後衰左，你地又會唔會又上去嘈？
=======================================
我想又唔會, 如果唔係跌到零, 二十萬, 其實對於佢來講都唔算多......

[lmichael]

現在有一個又係大騙案既, 咁保險相連產品既計劃, 即係101計劃.

又話說, 我個理財顧問, 同我推銷呢個plan, 每年三到四厘, 供8年, 咁佢講o左好耐, 都無同我講到原來如果第一年要攞返, 只係攞得1/4, 要我問佢, 佢先至講, 咁都算啦, 後生仔, 比你呃到, 係我笨. 點知上個月, 中銀又同我阿媽sell呢個計劃, 但係我阿媽都成八十歲, 仲話八年後收錢? 如果呢八年, 突然要錢用, 咁點好?

[王迦南]

其實理財顧問同抓爛腳有乜分別？

[qq809]

銀行
你賺咗，佢恭喜你，而且佢自己又收多d；你蝕咗，關人鬼事！蝕係你嘅錢，佢一樣照收交易佣金。

[王迦南]

抓爛腳都係：

你贏咗，佢恭喜你，而且佢自己又收多d貼士；你輸咗，關人鬼事！輸係你嘅錢，佢啋你都儍。