[kk666]

.

..................政情：平叔促港台擱建新大樓

香港電台早前要求喺將軍澳興建新大樓，點知建築費由不足十六億元「三級跳」至超過六十億元，立法會工務小組委員會上周開會就有二十名議員輪流炮轟，搞到隨時流產。

曾經管過港台嘅前工商及科技局局長王永平尋日就喺報章撰文，質疑港台「一句話就算解釋了八倍的增幅」，並列出三大理由要求政府擱置興建新大樓。連平叔都出聲話要煞停「大花筒」，港台又係咪應該要知所進退呢？

平叔話，港台冇比較本港幾間有線或無線電視台同樣設施規模，唔知根據乜嘢標準、要達至乜嘢要求，「一句話就算解釋了八倍的增幅？」

佢質疑港台身為一間公共廣播機構，係咪需要提供五條電台頻道同三條電視頻道，又認為港台唔考慮政治同商業因素，節目應該係貴精不貴多，更加唔應該同商營機構作無謂競爭，建議港台先搞清楚本身嘅服務範圍同定位，並進行公眾諮詢。

.....................................搞清楚定位先

平叔警告，立法會批准興建新大樓，其實等於同時批准未來港台經常開支倍增，認為議員咁樣做「說得嚴重些，是不負責任」，要求港台撤回申請，搞清楚定位先再作決定喎。

..