[kk666]

.........政情：公民講場：大學生講粗口 竟話言論自由

嶺南大學早排舉行嘅學生音樂會，有表演團體大唱辱警粗口歌引來爭議。嶺大學生會外務秘書長李德雄尋日出席電台節目時死撐話，當時明知首歌有少少冒犯性，但相信大學有言論自由，所以照畀樂隊上台，仲話下次搞音樂會仍然會畀人唱粗口歌喎！不過嶺大校董黃均瑜就唔係咁諗喇！佢話嶺大辦學宗旨係「博雅教育」，唔係「不雅教育」，叫學生要吸取教訓。仲爆料話校長鄭國漢唔想討論點處分學生，但佢就覺得輕則發警告信，重則要踢出校添！就連平時好撐學生嘅教協會長馮偉華都話，表演方式有好多，反對用粗口表達意見囉！