johnykw
註冊: 2002-09-07
上載我的肖像
|
 分享我用一年我用富士S602的心得 Post time: 7 月 12 日 |
|
|
第一Part:
我已經買了富士S602一年之久,還記得買富士S602之前,我已經睇過唔少相機雜誌及網頁,一年前,曾經有一本雜誌介紹<富士S602,Sony 707,Nikon 5700,Minolta 7hi>,那時,我很頭痛究竟買邊隻機好,當然,我最終買了富士S602!點解我會選佢,因為當時我問我個friend借o左部機玩o左一排,o的相都幾清,不過o的色就好淡(注:各花有各眼),有o的人會話佢o的顏色真實,但我覺得比真實環境淡好多,要係Photoshop調彩色度20以上才似真實顏色,至於Nikon 5700,Sony 707我無買到的原因是因為那時非常之昂貴,超出我預算之外,但我知道呢兩部機o的相會好靚過S602,不過我無後悔,因為呢部機令我認識到怎樣用相機才正確影出靚相!
第二Part:
雖然我影相工力不算甚麼勁或者不懂怎樣構圖才美,但我已花了一年時間測試怎樣發揮此機推至極限,如果有甚麼講錯的地方,還請見諒!希望對說初買S602回來的同好或者未買而想買的人,再或者未摸透呢部機既人,又或者對富士SuperCCD抱著疑問的人,希望這篇文童給你們一個答案。{我很長氣,哈!}
一年裡面經驗話比我知如果你用600萬像素(注:由機內的SuperCCD300萬插值到600萬像素)拍的相片會偏向柔和,而用300萬像素拍出來的相片會銳利一些,光暗位表現都會好過用插值600萬像素的相片,意思即是看出來的相片會有立體感的感覺,如果你想拍風景照,我會建議你用300萬像素來拍及調教相機裡的image為hard,哂出來的相片會銳利點及光暗位很分時,除非你要哂大相,否則映景時最好用300萬像素,相反用600萬像素拍的話,畫面會偏向柔和,好像有些留言版曾有人話拍照的時候會有層霧面唔清,相裡的細節也會減少些;但如果你拍人像或團體照可用相機內插值600萬像素來拍,一來拍人像時通常有少少偏向柔和畫面,尤其你拍女生時常常會話你映到佢唔想睇到的畫面如面上的暗瘡,除非你想保留那人面部很多的細節,二來拍團體照時會方便你可以哂大相,不過有樣野可能用開此機的朋友都會知,用300像素哂出來的相片有少許爛(注:係非常非常之少,可能係本人對哂出來相片的非常嚴呵),用600萬像素哂出來的相片非常之幼細,但會放棄了一些細節,但我大多時候都用300像素來拍照,色彩非常之豐富,I like it!貫徹一向富士的
作風。
第三Part:
總括富士S602的優點:
- 機身握感好
- 色彩艷麗
- 多功能<對於一般入門級的人可以學多數碼相機的知識!>
- 白平衡算很正確
- 閃光燈輸出力剛剛好
- 有雙插記憶卡支援(Smart Media及Compact Flash I&II)
- 49點對焦,S602對焦非常準確
- 好慳電,當無電的時候,可以隨處買到2A電
- 拍反差大的照片非常之出色,層次分明
- 拍人像照色彩絕好
- 云云300萬像素相機中,它的功能及畫面最齊,最美。<注:本人覺得>
總括富士S602的缺點:
- 晒3O0萬像素的相片邊緣看似很銳利,但睇真o的有少許爛,鏡頭唔夠銳利
- ISO最細只得160
- 只得F2.8光圈,拍人像照唔夠用
- 稍為黑的地方很難對焦,手動對焦亦非常因難
- 對焦唔算快
- 唔鐘意富士鮮艷顏色之朋友來講,佢既顏色過於艷麗或誇張
- 拍夜景始終都唔係S602的強項,映像會比較濛及長時間曝光比較多雜訊
- 比較重
希望能解答到你們對S602的疑惑!
~待續~
最近,我購入了Sony 717,它拍出來的映像真係清淅過S602<尤其物件的邊緣很銳利,但論到顏色始終都係S602比較艷麗,本人覺得7l7拍出來的照片偏淡<注:本人覺得717比707顏色較接近真實顏色>,但可能之前看慣了富士鮮艷的顏色,所以現在很不習慣,但717哂出來的相片非常似以前的傻瓜啡林機的味道!不過拍反差高的的場景時S602層次感比717好,S602拍出來的光暗位很分明,有立體的感覺,而相反717就比較平淡些,或許我未睇慣,亦或者我還未懂得717的操作,如果看到我這篇文章的717前輩可以指點本人怎樣拍才發揮到717的極限!
|
|
HWC
註冊: 2003-01-30
上載我的肖像
|
| Re: 分享我用一年我用富士S602的心得 Post time: 7 月 12 日 |
|
|
既然你喜愛鮮艷的相片, Fuji 就合適你了, 它的色彩比真實的還 鮮艷得多, 好與不好就見仁見智, 但本人就喜歡 F717 and QV5700 的真實感, 就算 G2, G3, G5 都唔夠 602 鮮艷, 所以有很多人會歡, 亦有很多人認為 602 "角其人工, 不合自然", 用來拍寫實照就不合用. 不過, 自己喜歡咪 OK 囉. 理得人點睇, 色彩美感是很主觀的, 例如這裡的日出日落照片, 顏色多過真實環境, 連紫色都有, 冇錯, 看起來很靚, 但失去了自然美, 所以, 一幅平實得來而又有feel 的照片才是難度, 所以黑白相難玩過彩色相, 你試下找近期佳作 -- icbear 的 Desert Life, 連我的攝影家朋友都話不錯.
至於 F717 , 可以用 photoshop 加點鮮艷, 應該 OK 的.
|
|
