[E-TIGA]

我想買部單鏡機學影相:
1. 室內外人像相 (如結婚, 畢業相),
2. 室內外表演藝術 (如舞蹈表演),
3. 室內體育 (如體操).
請問應買哪一部機? (D70? 300D?) 哪種Lens? 及哪些其他裝備? 價錢如何? 我想買部抵用又夠用的, 可用上多年不需轉機. 另外, 本人是不懂試機的初學者, 又沒有識影相的朋友, 哪間相機鋪信譽好? 會否代客試機? 多請賜教.

[philip5cf]

大佬，唔係我講反話。初學的話就要從甚楚開始啦。最好有全手動就用全手動。用到300D 或D70你重要學photoshop後制，重要係兩頭唔(算)到岸。你有錢都等第日用R

[kunyu]

要認真學影相就買菲林相機由基礎學起比較好,用菲林影相每一張相都是一個經驗,當累積相當經驗後再買高級機種都未遲,當然買部唔錯o既DC平時用來影o下snapshort都係唔錯o既( ^_^ )

[Philippe]

我覺得用菲林機學影相唔係咁好.尤其係初學,當你以為一切設定都冇問題後到晒出來先發現好多相有同一問題.一次影相可能只得到一個經驗.DC就唔同,一次影相可以試好多好多設定,而且即刻知道結果,會深刻好多,菲林機唔做筆記分分鐘唔記得自己錯乜.

[loveyoch]

我既意見係用DC學基本攝影.

1) 平均成本比菲林平好多
2) 即時知影得好唔好, 唔好影到好
3) 成班friend一齊影, 即時切磋
4) EXIF好有幫助
5) 機仔細小, 隨時袋住, 隨時影, 隨時練

其實話要拍你講果D相 (室內外人像相 / 室內外表演藝術 / 室內體育), 用高級DC都可以做到, 價錢又比得多. 我覺得, 除非真係好講求相片質素, 或者係好嫌DC操作唔夠得心應手, 先至諗D-SLR.

最後講到菲林, 我認為除非你係想o係攝影呢個行業殺出一條血路, 否則, 無謂用菲林......

[kunyu]

點解咁多人否定菲林相機的存在價值o既???數碼相機係好,影完即時睇番,唔好又影過,的確係好方便,但菲林影相也有其趣味,而家菲林以經有點像黑膠唱片咁,要真正識欣賞的人才會用,其實現在的數碼攝影雖然以經有好高水準,但始終未能拍出菲林的那種味道.....

[Philippe]

菲林機質素係好,但係人地係問學影相.用DC學影相快過菲林係不爭的事實.

[yau3yau4]

小弟覺得初學最好用數碼機,皆因初學者通常都有一個心態,乜都影一餐!用菲林的話,菲林加沖灑加相紙,影36張四五十蚊無走雞!但如果一開始就用到300D,D70就好似不太適合,一來貴(八九叉野),二來重,大部又不放便携帶,若是初學者(未接觸過DC),寧可買部普通DC但又可以調快門光圈的就最好,二三千有交易!又可以學,質素一點都不比DSLR差!!

[neoneo]

i think the canon a series are good for beginners.

[philip5cf]

剛想起另一個唔好處用DC學影相你會是旦影隨便影，唔鍾意delete！唔同用菲林要比錢買，沖又要錢！你會先想清楚各方面條件再影，有構思先會有進步，開頭係會失左先機錯失機會。咁又係一種訓練呀！

[Philippe]

我見好多人用DC係會隨便影,不過認真的都唔小,用菲林機年代邊有而家咁多人影相都咁掂.
就係因為菲林貴,又麻煩令人提不起興趣去練習影相.一次要諗36個問題先夠試晒一筒菲林.結果就梗係好得閒先試啦.部機要來欣賞多過真係用.用菲林機要兩三年先學到的經驗,DC三個月就掂.

[yau3yau4]

用film機,有時影相影到半筒唔影,真係唔知沖好定唔沖好,都令人幾頭痛,而數碼機就沒有這煩腦,更可即時看結果!而我覺得若果用心,有要求去影的話,數碼機一樣可以好好!若論反應,film機就比數碼好!不用等它慢慢save,過片時那種清脆爽快感覺,等侍沖灑結果時那種期待心情,這是數碼機沒有的!

[kelvin123]

過路...............如果用慣單鏡菲林相機影相的人,一定會感覺到單鏡菲林相機按動快門聲音,是數碼相機沒有的...........這就是所謂的<質感>

[toyotaAE86]

依你既要求
Cannon A series就係最岩你
1.平
2.鏡頭合要求
3.有MF
D70, 300D個D級數唔係個個玩得起
同埋，張相影成點主要係睇你既技巧
DC，Film分別唔係咁大(to 初學者)