[nana1127]

早排影性感相發生了一件事,



當時的我跟中介人說的赤度去到不露點,也不會以雙手托胸,



中介人亦說明只需扮NUDE, 有打底,



而影到一半既時間, 該名任職紀律部隊的男影師話佢比既價錢係影NUDE, 叫我除衫,



而且表示自己有生理反應,我堅持我赤度, 咁佢就叫我再換衫,



後尾有影到好似我黑白的NUDE但不露點,



之後佢多次講笑形式要求性行為, 我笑著拒絕,



之後佢車我走時一直話覺得唔抵, 比左影NUDE既價錢,



又再次要求性行為,



當晚佢SMS我, 話比我搞到佢好HOT,



搵左個女人發洩云云,



之後幾日, 我問佢拎相, 佢只係SMS我問我同唔同佢做,



我話唔做, 佢唔再覆我, 我問佢係咪唔同佢做就唔比返相我,



佢話可以咁講, 佢堅持佢比既錢係影NUDE, 所以我做錯左,



我話都冇可能要同佢做愛黎補償, 問佢唔同佢做佢點先比相我,



佢要我退錢比佢, 之後經中介人傾, 佢答2中介人會比相我,



點知我EMAIL佢佢話張咭壞左, D相冇曬(佢做咩工, 係邊度守我都知, 依家有同佢同局既朋友幫我問佢拎相)






比返d相我啦......好冇....?唔該曬

[kenleelee]

最憎這些扑街,係都扮影C,其實想搵女,令D有心影相的model及影c 被人以有色眼鏡來講. 樓主可叫佢如果想做愛,叫佢去叫雞好啦,學物人去影相....垃圾

[jchan112]

Model影相時, 發現佢有咁的要求, 其實可終止拍攝, 但model仍繼續拍攝, 無他是為了報酬, 而不計較佢的行為, 既然報酬已得, 何必追人相呢, 我覺得model都有點貪得無厭, 攞彩攞咁盡, 都唔係一件好事.

[nana1127]

係我有能力確保我安全既情況下, 我只想完成我工作, 而唔係唔計較佢既行為,
問題係佢之後再3要脅我要同佢做先比相我, 我先開佢名, 我有叫佢搵小姐/CC,, 佢話佢唔要果D.

[jchan112]

口口聲聲話保護自己, 講到尾又要收錢, 又要相, 仲係要D唔合格做影師的相. 真係唔明, 對住呢D人, 收左錢就算喇. 仲要追人相.

[jchan112]

從故事內容中, 講到要脅, 你要議價能力仲高過佢, 唔明佢點可以要脅到你喇,

[nana1127]

我同佢既約定工作內容就係我做佢MODEL比佢影, 而佢就要比承諾既薪酬, 而佢亦一早講明比返相我, 唔好理佢影成點, 亦都唔關你事, 我做左我約定要做既野, 就要得到我既酬勞. 唔係淨係果少少錢, 你眼裡睇得好大咩錢, 我睇係好少, 影師同MODEL之間既信任同承諾比較重要, 你覺得我又食又拎咩?你好似唔記得左想又食又拎既係邊個, 又我講哩件事, 唔係要講比你哩種閒人聽, 我只係講比 其他 MODEL聽, 世上有哩種人存在, 下次有MODEL遇上, 都知對做好, 我好有議價能力?多謝你讚賞, 我哩種人最常做的, 就係唔比D貪得冇厭, 食過返尋味既人再傷害其他女仔


我唔知你點解咁肉緊, 可能你係同一類人???講笑JE, 唔好嬲, 我個人就係咁直/串


請各MODEL自己小心, 我仲知道有D活躍影界既影師迫女仔影裸照既事...

大家影相真係帶多個人去好D~^^

BLESS

[koheiji_R]

我都覺得NANA講得對,無理由做左野唔收錢!!如果事先講明有相, 咁亦都是報酬之一, 咁點解唔可以囉!!

[nana1127]

佢之前一相都話比相我, 係我SMS拒絕同佢做愛之後佢先話我冇做足野要退錢同唔比相我

[koheiji_R]

NANA 支持你!!

[nana1127]

thx, 今天下午, 係我既議價能力之下, 佢比返D相我朋友, CD未到手, 我未知佢係咪比返曬D相我, 但係 POST一定要出, 以警效尢

[ET_001]

我都見過呢d人... 不過我無影sexy相

[Petliu66]

我都是攝影師 , 亦有一些模特兒朋友 , 從我的朋友口中亦知道影界中有一些害群之馬 , 借影相為名, 欺騙一些模特兒拍一些所謂Sexy相, 做出一些不應該做的行為 , 有一些更在msn交談中最初要求拍一些所謂sexy相 , 當你拒絕他們的時候 , 便會用錢引誘你, 露出色狼的面貌 , 有些更直接了當提出特別的要求 , 其實在我們攝影師的眼中影相是想影一些漂亮或有風格的相, 影sexy相亦都只不過是以唯美為大前題, 不是為了影暴露的相片, 所以我一般都提議我的模特兒朋友 , 如果要接一些有sexy拍攝的工作時, 一定要堅持有朋友陪伴 , 如果對方不接受的話, 多少會有點問題 , 最好不要接, 避免出事 , 因為一個真正的攝影師在攝影時是會忘我的 (我自己就是這樣) , 就算在大街大巷, 人來人往的地方亦會一樣, 所以點會介意模特兒有人陪, 除非是有特別目的....

所以希望模特兒在接工作要小心, 了解清楚 , 因為有時所謂sexy , 大家的角度會不同, 如果溝通不清楚便會產生誤會 , 而且要說清楚自己的拍攝底線到那裡 ,如果不放心便要求朋友陪伴 , 會安全一些 , 如果不幸碰上這些害群之馬 , 請不要客氣 , 把他們放上網上, 可以給其他模特兒知道防範

[XeonPC]

nana 去紀律部隊投訴科,投訴佢灠用職權恐嚇及性搔擾,對呢D人渣唔駛比面.比呢種人影衰D正常的攝影師,我同意你的堅持攞返屬於自己應得的.
撑你撑你撑你撑你............撑你

[jchan112]

點解話你議價能力高, 一個紀律部隊的人, 會比你呢D說話嚇到, 跟住交相, 我諗除非你錄左音喇, 口講真係無憑, 唱衰都係無謂. 講到尾, 都係要求, 你拒絕就無問題. 你仲為呢D人糾纏咁耐, 仲要呢D相做乜, 唔通D相真係靚D咩. 你相簿的相, 都激過佢的百倍喇.