[soonerorlater]

聯絡了一位featured model 作戶外私影，對方索價$1000 二小時，請問是否合理市價？小弟沒這方面經驗，煩請告知，謝謝

[paulcezanne]

塊臉鑲金咩 ???

[soonerorlater]

謝謝師兄，那麼我要向她還價了。

[charliebobo]

我個人
$200/hr= fashion單人
$250/hr= 2hrs 影會
如地鐵上不連著藍線
+$100車馬費
幫吾幫到你？
P.S. 小女有雜誌拍攝，廣告拍攝等經驗

[LIWAIHANG]

在這裡, 向我報價最高紀錄是$800/hr, 拍背心短褲, 如果泳裝$1200/hr. 女仔是用手機拍相板,無經驗的. 塊臉有冇鑲金我唔知, 我冇本事請得起佢. 而我個makeup就話佢可能有妄想症. 而最平的$100/h 都有. 有名氣的女仔 3小時時裝收過千是好正常的了. 我在這裡也看過一pose話, $500可拍sex, 加多$2000更可快活消遙.
幾錢也好, 全是影師認為值唔值. 無所謂標準.

樓上的妹妹好鬼醒, 馬上進來推銷自己. $200/hr唔係貴, 不過我憑甚麼會拍妳呢? 你幾高唔知, 是肥是瘦又唔知, 樣貌呢, 都唔知. 你唔好話PM比條LINK我睇呀. 幾時會有人去見工對老闆講: "唔知你有冇誠意請我, 所以轉頭先會再FAX履歷比你."
想接嘢做就要大方D. 主動比comcard相片人睇最實際. 唔好第一句就講錢.

[LIWAIHANG]

原來個妹妹仔剛up咗做DCdever model, 咁我要收返以上說話了.
DCfever 有度唔好, 會員A/C 與model A/C 是分開的.

[Tom1314]

你要影咩先?
你估angelababy一個鍾收幾錢!
價錢好看你個人要求!
你要求高一定貴!

[paulcezanne]

LIWATHANG 兄, 第一句就講錢, 我都可以接受, 因為係 pay model 嘛, 唔講錢, 唔通同你吹水咩, 啲 model 最憎人呃水吹 ~~ 不過, 問題亦出係呢個 pay model 身份上, 如果係 pay model, 點解要收車馬費呢? 既然係收費影相, 即係當成一份工作, 或者生意啦 ~~ 有邊個打工仔, 家住天水圍, 去中環返工, 可以叫老闆加一份車馬費呢? 又或者我 office 在中環, 要去觀塘同個 business partner 開會, 我又同佢收車馬費?

[LIWAIHANG]

我都係生意人，都要向客人報價，報價都要講技巧。
客人問你攞件貨睇，你雙手都未遞上件貨，就己經講價錢是大忌。通常要花一輪囗水花，介紹件貨的優點，客人便會先入為主，覺得件貨好，報價都可以高D。而且報左價就唔可以再加，比折扣就係人都歡迎，附加費用只會比客多個考慮的理由甚至惹反感。
小小商場技巧，不旦只model, 人人都啱用。

[soonerorlater]

多謝各師兄寶貴意見，樓上自我推薦的model , 我相信她一開始就列明價錢是因為我的標題是詢問價錢是否合理，所以她才標明價錢來作一個對比而已，都是正常的。

[LIWAIHANG]

哈哈，唔好誤會，我唔係挑機呀！口多咗Tim.
個妹妹仔都唔錯吖。價錢都合理。

[paulcezanne]

其實有時上啲影會網頁睇下, 都可以有個預算

小弟試過聯絡一個影會 model 去自己用開嘅影樓私影, 佢覆咗以下呢個價 :- 時裝300/小時, 晚裝500, 泳衣1000 ~~ 而且係以人頭計, 即係三個人影泳衣, 佢袋3000一小時入袋 .... 嘩, 真係呢.... 佢係某 T 字頭影會影三點式超幼綁帶泳衣, 包場價一小時都只係980, 而且可以6個人包場, 除開每人都唔駛200/小時, 之後佢重要同影會拆賬, 我出埋影樓費用, 反而 model 費用重要比多啲? 真係好奇怪 ~~ 所以, 我再覆佢嘅時候, 不禁加咗句 .... 我地唔需要"特別服務"喎 ~~