[Jackson821]

到實地視察個個影會都會做架la, 你唔係計埋落成本呀, 行到口乾飲汽水又唔計埋?

[owsc]

其實作為一個消費者，我真係無興趣亦唔會關心你成立一間公司的過程有幾辛酸。可能你仍然未明白問題所在，覺得放左咁多心血落去搞一個 function，到頭來食白果，好唔甘心，認為係有人惡意搞局，或者係大家唔明白你o既努力。

但係我睇返你Ｄ post，的確係比唔到信心人地。一開始就將自己放o係所有影會o既對立面，語氣上講到好似非牟利影會比唔到好o既服務比人，而只有你間公司能夠提供到周全服務咁。其實講真，任何影會都唔會比你放得少心血落去搞一個活動，唔係求求其其起個 forum，請兩個 models 就有錢袋落袋。中間好多籌備過程，正如樓上 jackson821 所講，你所做o既野其他影會都有做，而且可能比你做得更多。搞唔成個活動，係咪應該首先自我檢討下呢？

老實講，你咁多個 post 真係比唔到信心人。唔好講話活動詳情一改再改，咁只會令人覺得你地冇諗清楚就 put 個 function 出街。而且你每一個 post，其實都係不停咁話比人知，你地完全無搞人像外攝的經驗，竟然要個活動臨出街前，先去參加其他影會活動，觀摩人地點搞。咁點比到信心人，話你地真係搞得出一個有聲有色，超過普通影會的活動？

再者，當你地話要保護影友o既時候，又講唔出有乜野實質措施。相反，我見到o既係你地連 model 都保護唔到。每一個 post 都不停地講 Tish 乜乜，Tish 物物，將成個活動o既號召力放哂落 Tish 身上。咁做無疑係將 Tish o既號召力押哂落個 function 度賭一鋪，而家冇人出現，咁以後叫 Tish 做 job 果陣點叫價呀？我真係好少見到一個 function，賣廣告果陣大叫有某個 model 出席呀，忠實 fans 快Ｄ黎啦咁o既。

另外，唔知點解你地回答問題o既時候，好快就會覺得人地係雞蛋裡挑骨頭，特登為難你地咁。我見到你地出 post 話某影友係?賊、某影友係影會寫手果陣，真係幾反感下。姑勿論佢係唔係真係一個?賊，但係你咁開個 post，多少都破壞貴公司o既形象。我諗其他影會無必要打壓一間新成立公司�影會，就算打沉左你地，Ｄ客仔都唔一定會去佢地o既活動架啦。(p.s.先此聲明，我打咁多野係表達下自己感覺咋，唔係影會寫手。）

最後，我無質疑過你地o既努力同埋誠意，亦都相信你地想搞個比普通影會加高質o既活動。但係在此之前，請虛心Ｄ睇下人地點做，有乜野不足o既地方然後改進。並唔係自己匿埋諗一大堆野就話自出比人好，咁係搞唔到個高質活動架。

希望可以吸取今次教訓，以後做得更好啦。

[loveu1314]

算喇 ! 呢D 咁既攝影團公司, 邊有人信架
呢頭話尚餘少量名額, 個頭話冇人黎...............唉

仲有呀, ??有間 " 每?照片\" 影會既 function
Model 都係 Tish 只收 $120咋, 仲係影樓添

....................唉

[peter173]

其實影友睇一個活動有幾點，就參不參加。

1.模特兒及數，tish出道 無一年，張焦點放在她身上，沒有吸引力。除非你找叮叮180/2小時我一定會去。
2.如果有好主題一定會留意。
3.報名時間最好給一個月。
4.活動比例30:1? 最好8:1 如果10:1 價錢比8:1平d


以上4點是我?不參加活動的因素。

如有任何不明，去參加其他影會點搞

[iris_sniper]

都話D Model 貴啦 !

[iris_sniper]

owsc

人個寫

[iris_sniper]

owsc

唔好話我你呀，人做寫手，你做寫手，諗請楚先寫啦 !!

人地已經一早話有拍攝證啦，仲有，其他影會點保護影友先，有沒有比張備案紙你看先

你叫人地虛心看看別人如何，不如你話明你邊間算啦

仲有，一係妳就是 Tish 的忠心 Fans，如果唔係，Tish有沒有野做關你咩事？你係唔係好心痛Tish先
，心痛的話咪溝左亞 Tish，娶她個老婆，養她成世 law

你條友仔，成日話人地沒有信心，人地沒有信心就唔會什麼什麼相關法例啦，唔怕比人笑咩?

Tish有沒有野做關你咩事？

[owsc]

iris_sniper，

對唔住，我太多咀勒。我真係唔知道原來要係寫手至可以o係呢個 forum 出聲。

我都只係比Ｄ意見，希望 sugarhk 以後可以做好Ｄ o者。如果令你唔高興，咁頭先我講o既野我全部收返哂啦。

sorry again~~~~