[hkskc]

好鬼死嬲呀!!我之前8月尾發現部a40 zoom到大概到3x~digi zoom出現左d怪相,日頭影相變over,夜晚影相超級under+怪相,主要有下"快門"聲冇左!!
好奇怪,冇zoom到大概2.4x都冇事,都仲有下快門聲
到左9月1號,我終於上左canon整機
一開始............
話7至10日整好,到第十日如果冇打俾我就可以打去canon問。
到第10日6點,canon都冇打俾我,我家姐打上canon問,竟然可以話俾我家姐知師父收左工!!話聽日(第11日)覆我家姐
第11日..........2點幾果時我家姐仲未收到電話,之後就再一次打上canon,話俾我家姐知,等緊零件到,兩至三個星期有得拎番!!
到第廿幾號到左第二個星期,我打去canon問,仲等緊零件!!!我問仲要等幾耐,應該就到ga啦~心諗"大佬呀!canon甘大間公司竟然可以甘!?一d都唔專業!!"
之後就cup收左線。

到左今日,已經"等"左一個月喇,心諗乜都整好喇!!頭先就到5點再打俾canon,竟然都係
同一個答案,"仲等緊零件"
同一個問題"仲要等幾耐"
又同一個答案"零件就到喇~"
心又諗"大佬!!乜鬼公司黎ga!超級唔掂,員工草草俾個答案就算!!嚴重不滿囉!好鬼死賤,大佬呀(又一次叫大佬)乜野零件都環遊世界都送到啦!"

好鬼死嬲!!!!!!!!

哼~如果我有錢都唔買canon,我買nikon都得!!!

多謝大家睇我篇發脾氣文章

[zico82]

唉!我都領過野, 部10D focus 問題比佢地整,打親去問,永遠都話叫師父(姓鄭的) 覆我,但永遠都冇reply,追左四日呀, 日日都話覆,一係話師父講电話,試緊機,...,終于忍唔住,妈差佢地, complain to customer service manager ,個師至打番電話比我, 個答覆係現在測試緊你部機, 過三,四日應該可fix 到. 大佬,個陣時部機巳整左兩個幾禮拜,而家至話試緊,都唔知呢兩個幾禮拜做緊乜....

三,四日後, 緊係冇覆我啦..... 詳細唔講啦...最後話我部機冇事.....我接受唔到部機係同一point focus 可以out focus, 一時又冇事, request 佢換機, 佢又話只可換一次,有冇事都冇得再換, 有冇九両菜! 最後我要求refund .......唉! 攪咗兩個幾月.....現在冇機用....

[nctse99]

賣多左機, 壞機率會相應增加, 做生意不能只顧賣機, 也要顧及售後服務。大公司更應有工作程序, 要有應變, 有甚麼方法可讓可以話事的人知道?

[軍佬]

Canon 香港維修部要上去當面俾壓力佢地至會快架，由期係鄭師父，我換 10D 兩次，總共都只係兩個星期。

[vaworld]

>>>Canon 香港維修部要上去當面俾壓力佢地至會快架，由期係鄭師父，我換 10D 兩次，總共都只係兩個星期。 <<<

咁樣就更唔掂, 唔係冇能力而係不在意, 得過且過嘅表現!

呢Ｄ表現絕對唔應該起一間 vendor 嘅subsidary中出現!

[zico82]

我邊有咁得閒可以office hour 上去,只可以星期六上去, 個條鄭師父,又依樣個樣, 初初都吾肯咁順攤refund, 又話要睇下上面批唔批, 跟住我話, 我唔同佢講,我會寫信比Canon complain, 佢面口即刻唔同哂, 又話refund 應該冇問題 ..........

[bobbybird]

各位朋友:如不能親身上去,也可以 e-mail 或致電去香港Canon總公司,說明問題所有,如回覆不滿意,再玩大一些,
e-mail 到日本總公司,我不相信日本那邊不跟進及回覆。
試試

[zico82]

請問有冇佢地大粒佬既email address, 佢個web 得呢個cmhkwebm@chk.canon.com.hk, 似乎太general............

[yck]

Waiting parts is not only happened in this comapny, please check with other brands !

[samho]

間間代理都係咁架啦，天下烏鴉一樣黑

有朋友係攝影行做呢類CS工作，日日對住D客對到悶，夾係公司policy同D"衰客"中間就更煩，成日呻做客都唔係大哂，人地打份工，日日受人氣都唔知為乜。我諗俾著係我，我肯定會做到無哂癮lor。

[vaworld]

>>間間代理都係咁架啦，天下烏鴉一樣黑<<

This is not a distributor, its a subsidary of canon.

Most vendors have performance review system of each staff. As a service technician or engineer who must complete a job within a specific period if there isn't any special reason.

On the other hand, nowadays, many companies, especially a vendor, can trace the order of each parts, therefore they will know the rough delivery time ,... etc.

As u said customer may not always right but customer satisfaction is extremely important for each company. U may use months and years to get a customer but u will loose he/she by a day or even a minute.

Customer should not accept any unreasonable excuse!

Company should not make any excuse to herself!

[zico82]

Agree with vaworld...

"日日對住D客對到悶，夾係公司policy同D"衰客"中間就更煩，成日呻做客都唔係大哂，人地打份工，日日受人氣都唔知為乜。"

唔知為乜 ? 咁你個friend唔好做呢份工囉....
以Canon 嘅services, 受氣嘅係我地D客......以Canon 公司規模, 此等service level 係唔合格嘅,... 你可以對比銀行嘅service level ,在branch d teller 對客多過你幾倍啦.........

[pl1]

講句公道說話, 唔單止係 Canon 會係咁, 我試過在 NEC 修理電腦, 二個月都話未整好!! 去 sharp 修理攝錄機電池, 同一樣野壞完一次又一次, 結果到保養期結束之後都仲係壞果樣野, 咪一樣係咁. Canon 相對來說已是比較好旳公司. 你駡他的 customer services 也沒用的, 唔通佢有貨唔比你? 給你駡完他也是無能為力的, 大家都是打份工吧了. 反而你寫信去投訴, 等上頭知道他們自然會想辦法處理. 我只會對那些態度太差的員工發火, 否則還是不要難為別人吧, 現在的香港人實在太燥了.

[pj1101hk]

會員戶口已被刪除，資料已被標示為不顯示

[zico82]

呢D咩心態..., 唔通一班學生考試個個肥佬, 而你又肥佬,係正常合乎標準......