[balabala]

我想問下佢地有乜分別，除左個樣之外......
另外我好想知佢地o係畫質上有冇唔同呢??

唔該晒啊

[波仔]

咁專業的問題..難答..!
直覺上答下都得...我原先是用7i的.
A1..作了多方面的改良..比7i強了些.
雜訊..好了一點點.
電力..強了很多..又不太熱.
快速..超前了一大步.
實用..防手震是個(非常正)的機能.
質數..好小小啦..要放8R才看得出.

[balabala]

唔該晒^^仲以為會冇人理我tim
其實我下個禮拜會去買機，但係D人成日話A1點唔好點唔好，搞到我都有D動搖。之不過我睇過7hiD相，都ok接受到~~雖然影藍天同夜影天空果陣會有D藍綠紅o既粒粒(G3冇~~).......所以我諗如果佢地畫質一樣，咁我買A1都可以啦~~

不過其實我係想買一部平時影下又得，到我之後想學深入D果陣又可以o既機，所以我想買A1(宜家用緊G3，，映遠D又要tele，景又要wide，去活動果陣帶到一舊二舊.......)；但係我見到300D同A1個價唔差得好遠，所以我都唔知點算好，大家可唔可以俾D意見我呀~~

^_^

[老叟]

A1個價真係偏高好多,C/P值唔抵囉!!
你依家用開G3,計直來講應該選300D至岩架!!

[吾成]

如果你現在用g3，就買300d比較好，你舊電又用得，買枝550閃燈，兩部又用得。

[dcnews]

唔好買A1,個價跌得好快,我用過D7Hi,而家用緊A1, A1個開售價平過D7Hi,但係二手一樣跌得好快,最後惟有唔賣. 你用緊G3都唔錯啦,要轉就用300D,唔駛諗A1同7Hi啦.

[balabala]

其實如果我買A1我就會放左部G3佢架啦，
我買A1o既原因其實係想一機走天涯，我睇返好多post，話300D有好多功能都缺少左，會唔會有D野係A1有，但係反而300D係冇架呢?

[smallhand]

balabala：

事實上A1的創作功能比300D多，調控亦比較方便（大部分在機身按鈕已經辦到），防手震300D亦沒有，但當然能換鏡頭同塊CMOS係300D的好處

我自己都用過7Hi，A1的畫質比7Hi略有改善，一是noise reduction好左，二可能是因為部機無咁熱

7Hi的construction無A1咁好，我以前就成日因為閃燈位有裂縫而煩（我去Minolta都換過三四塊）

我覺得如果你唔係追resolution，為換機而換機的人，你部A1應該夠用最少兩三年，所以而家入貨我覺得都差唔多勒，given你可以玩咁耐；7系我就唔會咁講

我以前都諗過轉DSLR，但一諗到1.6x焦距率仲係度，就表示買鏡錢一定貴，而且到full-frame的成本變低之後，價錢就會狂跌，之後轉其他system亦難，所以都係A1好勒

[波仔]

balabala..
論相片質數..更係300d啦..!
擴展性..都係300d.
但可能會(一闊三大)呀..仲要左換右換..會否是你的原意呢..?
仲有呀...(重)...!
影相很多時是要快速的...方便和實用..A1就有了以上的優點.
兩部都是不錯的相機..最終還是看看自己的喜好..去決擇.
兩全其美..邊有咁理想架...^o^.

[daimonster]

>> 除左個樣之外......
另外我好想知佢地o係畫質上有冇唔同呢??

Hope this can help u to see the difference of image quality between 7Hi and A1 (sorry I dun have either so can't give you my own view).


http://www.okimoto.ne.jp/muray/Lab/Work16/a1d7hi.html

[balabala]

真係唔該晒咁多位大佬，睇黎我更加肯定要買A1啦！
睇完7Hi同A1 D相，我唔係好睇得出個分別，可能我觀察力唔係好夠。
咁我想知道邊度買A1抵呀?最好有分期啦~~
你地又o係邊度買?

thx la~~

[mail2willy]

我今日都買左A1喇
係水貨,$6650
如果行貨就$7050
O係高登33買
價錢比其他地方平兩百呀,抵!