[crh]

本人和朋友於2004年4月10日到位於旺角波鞋街近先達方向的科X視聽電器公司(新愛美神卡拉OK夜總會樓下)購買Canon A80數碼相機,售價為港幣$2,580,售貨員(老闆)說是行貨.試機後沒有問題就付錢,出到門口才發現沒有保用証,於是立刻返回商店詢問.老闆竟反口說沒有說過該貨品是行貨,並說帳單已經輸入電腦,不能退貨,更提出加錢以港幣$3280換行貨.經過一番交涉底下,老闆都堅持自己沒有說過貨品是行貨,我提出可否把帳單刪除,他的態度惡劣,並拒絕加錢換行貨,更說消費者不是大晒的,去消委會告我丫笨!他更以粗言穢語向我們問候,我警告他說粗口可以告他性騷擾,他竟說報警丫笨!後來,經過長達半小時去求他,他都不肯換.最後,我們在無可奈何的情況底下離開.
同日,我們到其他電器商店問過同款相機的行貨價錢,百老匯的售價為港幣$2980,再加送64Mb Card,其他上樓電器商店沒有Mb Card送的,行貨價亦不過是港幣$2700.據科映視聽電器公司的老闆聲稱行貨價錢為港幣$3280,並沒有任何附件加送,即比其他公司貴了港幣$580,差額之大,令我們不能接受.除此之外,在付錢之前,老闆明明說得清清楚楚,貨物絕對是行貨,如今卻變成價錢平了一截的水貨,令我們有被瞞騙的感覺.再加上,這間商店的服務態度實在十分惡劣,從未試過出外消費竟然給售貨員以粗口大罵.到後來,在我們求了他很久後又突然拒絕換機,使我們感覺到被玩一般!
請各位網友留意,這間商店的經營手法與街頭騙案無異,大家千萬不要幫襯.事件已交由消委會處理,此乃真人真事,請各位將本訊息Forward,並告訴所有親戚朋友,以免更多人受害.
以下是該商店的資料:
中文店名:科X視聽電器公司
英文店名: PHOTO-XXXX A.V. & ELECTRICAL CO.
中文地址:九龍旺角花園街8X號地下
英文地址:8X FA YUEN ST., MONGKOK.
TEL:2787 212X
FAX:2787 272X

[benson_wmt]

lee d 咪就係 百記成功既原因 lor~~
比多少少... 買Service 同 信譽...

[crh]

係囉
大家都要小心呀

[philip5cf]

其實你都寫左科影啦。再講寫晒個名出來都正常呀。黑店哦。不過平時多D行下街格下價點都好D!

[ak2004]

灣仔298 電腦特區二樓 :“ Shop 133A Digital City ”店、同樣係黑店 : 1) 舊機當新機賣 ! 2) 買時講好有問題7日內包換、但我的機第二天就壞左閃光燈、佢就推三推四不換! 最后要自己跑去代理換 。

[terrylamnet]

都叫大家如果真係要買一o的唔係好識的貨品時最好去大公司啦!!
數碼相機必定係去" dcfever、永成、萬成、雷射、百記"，ne個世界點會有免費午餐........。
所有黑店唔會次次都出手，他們多數會同你好fd講兩句，睇下你係咪識貨，如果你唔係大識噤你大獲啦，他們一定開天殺價，唔見骨唔會停!!
但係做乜做消費者都要有風險??如果我地一早去" dcfever、永成、萬成、雷射、百記"買機咪無事囉!!
我好希望以後唔好有人又係到講那裏唔好那裏黑店，大家以後請去" dcfever、永成、萬成、雷射、百記"買機!!

打多兩個字：大佬你唔係買菜，你係買二千至過萬的數碼機，用多幾蚊坐巴士去旺角(銀行中心出口，唔係入龍、av同荷理活)行下，一定幫到你!!

[philip5cf]

不過講開又講呀，我25號果日就係dcfever shop買個 Lowepro Topload Zoom 2 時就有D唔好啦。我問個女店員個袋用係300D加左電池盒咁大得唔得，佢話得到返去試就好唔得。咁我就只有將佢平賣囉。唉！都怪我唔帶架機去試啦，冇計。大家記住下次無論去邊度買野都好，最好清楚全部資料先比錢啦。

[philip5cf]

又再講，最緊要係買乜野之前都先做好功課。大公司都唔係一定ok架！豐x就成日賣demo舊野，雖然會話比你知在先，但係果D機有D真係有皮冇骨架唔詭你。

[crh]

科x個x好似唔係呢個影喎

[Ben Ko]

甘L賤?鬼唔望D社團大佬幫親佢

[crh]

呢間野個老板真係成個社團大佬咁既款架!

[terrylamnet]

hahaha
做得ne行多數係出來行的啦!!
你地有無見個旺角av同荷理活o的sales個樣個個都係好像社團人咩??

[panasony]

科 X 嘛... 我都試過佢地... 0個時我想買部 20D, 0岩0岩出0左冇耐就冇貨0個排. 雖然我冇心買, 不過問過佢價. 問到同出面貴幾百蚊. 個老闆就好得戚咁講係行貨, 出面斷晒貨. 我話佢不如去搶啦, 佢乜癮都冇晒.