[honyeong]

各位高人，
我是新仔，我現在才看到有關RAW的資料。
我有個白癡問題就是，如果RAW是拍攝得來的最original、最原始的資料，這是否代表我可通過software（photoshop or others）把拍攝的相隨意優化。這情況下，一個不懂影相的人只要懂得用software就可不知不覺地把一張影得十分差的相變成很美，又非常難辨別在網上看到的靚相是因為影相技術好還是?腦software 技術好。

請大家指?下，我想學影相，但對?腦不太大興趣。

[ladios_sopp]

構圖、曝光值、技術同知識差的話, RAW 點好用, PS 點勁都係多餘, 我就成日聽到D人話 PS 可以代替 CPL / PL..................... 殘念 ~_~

retouch 只是修飾, 不是創造

[philip5cf]

冇錯，Raw係留在你相機張CCD上所有暨資料，你係可以盡你能力去改到你滿意為止。但唔好唔記得你係影相，唔係平面設計！唔好無中生有。

[jammy_2002i]

對! 雖然數碼黑房可以代替好多影相之前所做的功夫, 但係一張相的好與壞係好取決於按快門前一刻的部署! 數碼黑房後製的照片, 我覺得就好似一個整客整得好靚o既靚女一樣....

[gaiuswong]

ladios sopp兄,我呢D攝影老餅完全支持你~retouch 只是修飾, 不是創造.攝影唔係美術廣告設計,可以用塊Wacom將幅圖晝乜點改都得.

[honyeong]

多謝高人
我D信心又返來了。

thankyou all

[ladios_sopp]

不過, RAW 都好大貢獻架, 可以後期處理 WB, 唔似菲林機咁要換菲林咁慘, 用 DSLR 搶拍時又可以 set auto, 返屋企先慢慢執

總之攝影技術行先, retouch 只是輔助而已

[cable711]

又是一個老問題
正如小弟所說 "就正如不上粉、不抹口紅的鏡中佳人，難能可貴！當未上粧的白衣新娘，有誰狠手先拍一輯？誰敢？"

[Richard1989]

各位, 我好唔明白點解話影相如果後期用ps制作係創作.
如果用ps改相係唔值得鼓勵, 咁菲林既黑房技術又點解冇人話佢唔岩?
相信各位都有睇dcview.com, 其中有一系列dcvew稱之為"穿越嘈吵的自己"
呢系列既作品, 每一張相都用黑房技術改張相, 改到根本唔可以話係一張相, 我認為呢d只可以稱為畫, 冇資格稱為相, 但點解依然被人稱為大師級作品?
同樣, 菲林黑房技術可以改變張相既曝光, 色調等, 好多已故攝影大師都有用用黑房技術去改善一張相, 同樣地, 今日數碼化年代, 用電腦改相就唔比鼓勵, 你地唔覺得荒謬?
如果用ps改相係唔岩, 咁"穿越嘈吵的自己"呢系列既相應該受你地批評呀, 請你地去睇下果系列既相, 如果你認為冇問題, 就請你地唔妳再話人用ps改相唔岩
不過, 我本人都覺得一張相唔應該有後制, 但太多攝影大師都有後制, 點解我地初學者改相就唔岩, 但一個堂堂攝影大師, 改到一張相似相非相, 似畫非畫就會受人讚揚?

[ladios_sopp]

Richard1989: 這個嘛, 是層次與走向的不同啊

> 穿越嘈嘈的自己( See Through One's Inside)
> http://www.dcview.com.tw/article/readalbum.asp?id=2746
> > 探索「穿越嘈嘈的自己」
> http://www.dcview.com.tw/article/newreadarticle.asp?id=2767

第一, 作者是以良好的技巧與心靈感覺去表達佢自己o既心態, 並唔似一般人係用 PS 去執靚個樣, 呢D係層次問題, 以上o既作品的確係創作, 但係佢係用心去同觀賞者交流, 同一般人用 PS 執到個人好似 SK II 賣廣告係兩回事

第二, 偶而為之係好特別, 不過, 一般用家又有幾可咁樣處理相片??? 情形同繪畫一般, 你愛抽象派, 不過明o既人唔多; 而大多數o既用家都係寫實派, 是雅俗共賞

所以不能混為一談, 很抱歉的說一句, 例子舉得不太適當啊

[Richard1989]

ladios_sopp兄
我同意攝影係一種創作, 但我認為攝影係張肉眼所見景物攝入景頭, 絕對唔係無中生有, 雖然佢既作品的確係表達佢內心感受, 算一種創作, 但每一張相都可以話作無中生有, 已經脫離左攝影既意思, 只係一幅用電腦做出黎既畫,
如果咁樣見攝影, 咁樣一個三歲細路用小畫家畫出黎既畫都可以見攝影作品? 同樣係表達個細路既內心感受, 同樣係無中所有, 同樣係用電腦創作出來, 但又有冇人會話小畫家畫出黎既書係大師作品呢?
我唔否定 穿越嘈嘈的自己 係一系列優秀既藝術作品, 但如果稱之為攝影作品既話, 請恕我不敢苟同, 我心中, 呢系列作品只可以稱為畫, 因為如果用電腦創作, 無中生有既圖畫都可以稱之為攝影, 咁樣基本上任何電腦既圖畫都可以稱為攝影了.

[honyeong]

聽到你地對攝影和用ps retouch 或改相的不同睇法後，我呢个新仔越呢越有信心。相信大家都同意 ps 可用，但不要把相變成唔似相，明明影了下偉姐，但出了過Gigi；白日又變成夜晚。睇見相都不知道model是乜。

雖然介定攝影和用ps的最為適合的程度是很難，但各位大老對介定攝影的努力和執着已令我非常安慰。雖然還未有答案—相信根本不可能有通一的答案，但看來我們都知道怎對ps 的所謂retouch LA.
衷心感謝你們解開我呢个問題。

[Maison]

honyeong,

我沒有六尺高，又冇一眉道人個Look，所以不是高人了。^_^

講返RAW的問題，無錯RAW係相機的CCD收到的原始Data，但要搞清楚這些原始資料是怎樣來的？這些原始資料應該是記錄了在你按下快門前的一系列決定：決定要拍些什麼(主體)、決定如何安排這些東西在畫面中的位置(構圖)、決定焦點應該在哪裡(對焦)、決定以何處的光度為準及需要進行補光嗎(曝光)、決定清晰度要幾深(景深控制)、決定用快快門凍結運動中的主體定係用慢快門拍出俱動感的畫面...等等。

其實RAW可以俾你事後調較的東西不太多： +-2EV的曝光(約等同負片的寬容度)、顏色修正(WB)、色域選擇...

有否留意到？在你按下快門前的一系列決定，除了曝光之外，在事後都係無法補救的。曝光雖然可以補救，但也有限制的。拍攝時曝光不足，事後調光，會有Noise增多的問題；拍攝時曝光過度，CCD根本記錄不到高光位的資料，神仙難救矣。

你或者會話："構圖都可以事後用剪裁方式補救的!!" 我可以話你知剪裁只是輔助技巧，是否能用此方式補救構圖不足之處，完全看你拍攝之前有冇作適當構圖。而且剪裁也不可以太大幅度，否則會影響輸出尺寸。

況且如何捕捉人的表情、貓的神態、花的嬌柔、山的險峻、令人振奮的一刻、令人失落的時候......，這些也要看你的功力了，也是在按下快門前的決定，事後一樣冇得救!!!

關於Photoshop, 可以視它為數碼黑房，為你的作品錦上添花，放心及大膽地利用它吧。如果你拍的是廣告相片，或者係Fine Art之類，任何Photoshop的Funtion都可以用，利用合成技術也不過份。但如果你拍的係圖鑑、新聞圖片之類，就應該信守力求傳真的精神了。

結論都係： 攝影技巧及技術要在按下快門前就要運用出來，否則事後也難補救。Photoshop也不能將傷心畫面變成快樂的畫面。

[philip5cf]

唉！老問題，你有架法拉利唔係要下下開到極速架，係咪？法拉利係你暨武器，有時愛呢防身，有時要呢健身！點用係你做主。