[fyfy]

請大家俾D意見：

請各位高手指點指點!
我係新手一名.想用大約$4000-買部二手機，請問大家會買邊一部機 5050,A1,G5 ?其它牌子或Model都得.

Thx!

[samlch]

http://www.go2hk.com/inventory/bid/bid_item.asp?itemId=5017565
A1好 ! 買二手記住堅持自己心目中價錢.唔好比人BID貴個價.買左記住貼相比大家分享下 : )

[mangrovetree]

我都覺得A1最好，如果價錢唔係差太遠的話...

A1算係最快，功能又多(防手震真係好好用)，手感好好(很多人說很有SLR feel)，對新手來說(我都係新手)，真係有排玩~

有興趣可以看看小弟用A1拍的劣作 :P
http://www.dcfever.com/photosharing/myflatview.php?userID=89247

[terencetam]

A1>5050>G5
A1: fast, SLR feel, many functions
5050: good quality

[fyfy]

好多謝各位意見！不過我重想知多D。多謝提供Thx！

[gaiuswong]

晝質G5,C5050>.......A1
A1,A2支鏡解像度較低,manqrovetree兄別怪我直言,D相須然細D,但都睇倒image一般都有些小鬆唔夠實,尤其生態果幾張較顯注.
Config操控對焦反應: A1>G5,C5050
A1確係操控對焦反應最快,config亦係較G5,C5050佳,
要操控對焦反應快定要好晝質就睇你點揀,我係比較重晝質果類所以我一定唔會揀A1.

[a3823]

無錯！講畫質G5 靚過 A1好多，但是操控其實乜很重要，靚相可能會迅間即逝，如果是我，我可能會選A1 ，我覺得能值接操控相機的所有動作才能發揮。起碼有手動zoom 的A1能影拉爆較果，G5就做唔到。我們都不是尊業攝影師，相片質數留返學有所成才談論吧！

[ustkl]

gaiuswong兄別怪我直言，我不相信單靠這麼細小的縮圖能夠判斷鏡頭的解像度。

以下有一個小實驗，以下的四張相分別由A1、G5、EOS 1Ds和Optio S4i所影的(節錄於Steve's Digicams，經過原圖縮小至800X600再CHOP至400X300)。單看解像度你能夠分辨那一張是由那部機影的嗎？答案請在EXIF資料內找。


本人認為A1的鏡頭解像力不遜於G5和5050，要不然A2也不會繼續使用那一枝鏡頭。A1的畫質給人一個不好的印象是在於預設顏色比較淡，NOISE比較多。而NOISE比較多的主要原因是最低ISO只有100(根據DPREVIEW的分析，實際上是ISO160，但G5也是一樣)。所以影像不及其他機種能夠使用較低的ISO般乾淨。影像較差的另一主要原因是因為JPG演算處理不及其他機種，但如果使用RAW能夠得到較佳的畫質。

至於為何Mangrovetree兄所影的生態相給人一個不夠結實的感覺。是因為大部分都是使用TELE MACRO所影的景深很淺，很多時焦點都在花蕊上，所以花瓣會給人鬆散的感覺。這一類相片，G5或5050根本是不能勝任。因為它們欠缺了200MM鏡頭也不能於最遠端使用MACRO。5050雖然號稱可以3CM MACRO，但這會阻擋自然光，而且內置閃光燈根本不能使用。

Mangrovetree兄的相片，顏色鮮艷討好。不知是否經過後製還是只改變了A1的顏色的預設值呢？

A1的畫質是很好的，但老實說，如果喜歡影夜景都是不要選A1了。

[晉華帝]

我要更正這一點: G5不能於最遠端使用MACRO
G5係得既 ~~ 15CM, A1 就13CM

[gaiuswong]

"經過原圖縮小至800X600再CHOP至400X300"須然我話manqrovetree兄D相須然細D,但我都講過之前睇過上一期數碼流動測試四部八百萬像機A2,CP8700,C8080同F828 佢隨書送果隻CD入面D full size影同一景物既對比測試原相,你會睇到A2晝質比其他三部分別都幾明顯,你用得五百萬像八百萬像機你都唔會下下將張相縮到800X600再CHOP至400X300黎睇掛,支鏡中心解像度得果13~14 LPH,唔好同Pro1,F828 中心解像度18 LPH比,CP8700都有16~17 LPH啦,顏色比較淡呢D係小問題,好昜搵photoshop推番,但若係先天不足~解像度唔夠就連photoshop難救.
"但是操控其實乜很重要，靚相可能會迅間即逝"可能我用DC觀點同你地唔同,我用DC只係當佢輔助機,晝質上都要有貨交架,方便但不太要求佢
esponse要好快,要快或影一D較重要既相我一定曾用DSLR甚至film機,好似我有個同事用C5050,成日話佢晝質就非常滿意但反應唔夠快,我推介佢用DSLR,後來佢買左10D覺得晝質同對焦同反應非常滿意,之後佢當左部C5050係輔助機用.

[damage173]

以上幾部都係prosumer dc, 是上D-slr前的重要一步,因此全面性十分重要.但A1的noise 太多,尤其是影夜景.影夜景是攝影的重要一環, 所以會對用家的創作有局限.
http://www.dpreview.com/reviews/minoltadimagea1/page17.asp

[ustkl]

有一點要弄清楚的，這裏是討論A1、G5、5050。不是A2和其他8MP機種。

第二點，坊間有很多對於A2和其他8MP機種的測試。A2的畫質往往會敬陪末席。因為較早期的A2測試樣本由於QC問題引致對焦不準確，令解像度下降。而較近期完成的REVIEW因為QC問題已逐步解決，所以得出來的結果有所提升(http://www.imaging-resource.com/PRODS/A2/A2PICS.HTM 的ISO-12233 (WG-18) Resolution Test) 。在那一張測試圖片還是找到一些artifacts，但這個不是鏡頭解像度的問題。主要原因是JPG演算發略有不足，只要用RAW拍攝便能有大幅改善。

對不起gaiuswong兄，可能我有點冒犯。我只是想指出單看縮圖不能評定鏡頭解像度是不爭的事實。畫質當然越高越好，但也需要看看自己的攝影習慣和相片用途。如果喜歡把自己的作品上載網上和各位網友分享，那麼縮圖是必要的。就算用網上相簿，因為節省空間的關係也很少人會不縮圖便放上網(相機測試例外)。如果要沖印8R以上的照片又或者用來作排版印刷當然另作別論。

A1的畫質和gaiuswong兄的10D當然有一段距離。但絕不遜於G5或5050。本人曾有一段時間同時擁有A1及G2(G5的前兩代，但畫質不會比G5差) 並不覺得A1的畫質不及G2(可能我老眼昏花)，祇是8s以上的曝光較多hot pixel。
可能畫質是一樣很主觀的東西，不同的相機在不同的環境有不同的表現。除非相差很大，便很難得出結論。

很多人對於A1有所誤解，認為畫質很遜。雖然我未能証實，但以下應該是其中一個原因。A1的推出時間和300D相近，價格也差不多。雖然級數和定位不一樣，但少不免很多人會拿他們作比較。論畫質A1當然不敵300D，久而久之便給人一個A1畫質比別的差的印象。

夜景當然不是A1的強項，但並不代表他不能影夜景。夜景也有很多範疇，A1的一項敗北是他容許有30s慢的快門。引致他在測試報告上有不好的評價。其實如果A1還未開始發熱的時候，用15s以下的快門也能得出滿意的效果。在一般燈火通明的燈飾、黃昏景、閃光燈人像夜景應該應付有餘。如果你想影星軌的話，還是用FILM機好了。

在DPREVIEW的測試，A1在NOISE的表現並不是太差的。而市面上有很多NOISE REDUCTION SOFTWARE，能夠有效減低NOISE並保留相片DETAIL。如果不嫌麻煩，用RAW拍攝及適當的後製，A1也能做出很高的畫質。

回應晉華帝兄，對不起可能我說得不太清楚。G5在遠端的確能夠使用MACRO mode，但這不是G5的最近對焦距離。而且13cm@200mm相對於15cm@140mm還是有分別的。

[ustkl]

回到正題，根據FYFY兄的個人資料，他應該不是想找一部DSLR的附屬幾。

相信他也和我一樣， 想由G2 升級至一部更高級的相機。這要看看他覺得G2還有甚麼不足的地方。如果論畫質，5050、A1和G5，不能給他有進步感覺。如果不滿G2的反應和速度，轉用A1確實會有大躍進的感覺。而且鏡頭焦距範圍比較大，功能也多很多，以前很多做不到的現在都能做到。

當然A1的價格是比較高的。

[fyfy]

多謝大家意見,Thx !

[gaiuswong]

Ustki兄,有一點要弄清楚的,A1支鏡同A2係完全一樣,鏡頭解像度上A2有八佰萬像素,理應影像質素比A1五佰萬像高,就算唔較高亦都應一樣,係咪?我絕對唔係單看manqrovetree兄幾張縮圖而舞殷地評定鏡頭解像度果類人,而五部八佰萬像中A2支鏡頭解像度係最低這都是不爭的事實,須然對住個圖測試鏡頭解像度只係得出一D數句,但話明對比明顯分得出有分別都一定唔算係爭小小果隻,鏡頭解像度低引致影像唔清同由於QC問題對焦不準確out of focus引致影像唔清係兩回事黎喎,我唔會咁都分唔出掛,呢類既compare對比相好多worldwide websit都有,而我都睇過唔小,dcprievew compare中Resolution果項佢係"Below Average",佢其他操作config上好正,又惟一得佢有防震,好perfect添,我只係講佢鏡頭解像度低係我最難接受,但若係先天不足~解像度唔夠就連photoshop難救咁解,A1的畫質和10D有一段距離,當然我唔會用佢同DSLR比啦,因質素仲爭好遠,A1叫做有支名鏡同2/3" CCD較 G5,C5050的 1/1.8" CCD大,所以理應級數係高一班,好難比較,但事實上鏡頭解像度係A1既13~14 LPH 對比 G5同C5050既 15~16 LPH 差距,但我會同意可能畫質是一樣很主觀的東西，因我見用pentax smc鏡既機如S4i..S40..Casio Zxx....畫質差,但重有好多fans話so fast so good,可能係我對畫質要求過高掛.