[philip5cf]

請問邊個國家最謀殺菲林？謝謝發言。

[pigdog]

全世界每個地方都各有特色, 總之值得影就盡量謀殺菲林.

[jammy_2002i]

歐洲美景處處有,只怕冇好器材同好技術將美景留下吧~

[M1A1]

歐洲每個地方都好靚，各有特色，到時你唔會再問呢個問題，反而你會問點解得咁少時間影相，點解帶咁少卡.............

[philip5cf]

我知度度都正，不過我 Lum 住問下參加 D 團種有分別呀嗎，例如去端士邊個山呀，德國邊間古堡之類咁姐，點睇呢？

[philip5cf]

總之多謝晒各位暨意見先！

[M1A1]

如果你喜歡影相，不如參加一些行程較輕鬆的團，時間最好係夏天，因為冬天日間時間短好快天黑，不過都要講運氣，歐洲的靚景要有陽光D相就靚好多，如瑞士，不過有陽光的日子不多。意大利古建築、英國大教堂、瑞士湖光山色、法國街頭浪漫、希臘迷人愛琴海島加白色小屋...........講都講唔晒！

[philip5cf]

死啦，撞著你地班專家去慣梗係度度天堂啦，我等左成二十年，今年先話立定決心要去，又剛買左數碼機先想搵深入 D 之馬。最袞我又鍾意 行街哦，又想影山水。當然係最好大把時間啦。但係……冇兩存其美暨呵！anyway，多謝晒意見先。

[M1A1]

你去歐洲，一個wide angle鏡係必需品，最少都要28mm，24mm就更加好，因為果度的建築真係好靚！歐洲根本靚到你唔想走，所以歐洲去一次唔夠咖，你始終都會再去多次，今次去完知道自已最鐘意映咩，下次自已去慢慢計劃行程慢慢影啦，唔使心煩喎！

[philip5cf]

唉！你有所不知啦，我好衰架！剛剛學完潛水咋！今次去完歐洲，再呢就係去外面潛水架啦，都唔知幾時再去歐遊架啦，所以先咁緊張想去到盡咁囉。