[merlin]

係咪直向拉動既變焦鏡一定有大d機會入塵ga?
又直向拉動 同 橫向的 ,在成像方面有何影響?

敬請各大師獻句指點迷津

[Maison]

merlin,

我估你的標題嚇壞了大家，冇人够膽答你的問題。下次用"各位朋友"會否更好？

越係有成就的人越有內涵，也越謙虛。有名氣如潘先生(水禾田)都不會自認大師的。

事先聲明，我不是大師了，對鏡頭設計的認識也很皮毛。^_^

變焦鏡分單環及雙環設計的，單環設計即係你說的直向拉動式，雙環設計則係你說的橫向式了。

單環設計係變焦及對焦共用一個環，前後推動為變焦，左右扭動為對焦。有變焦快速，使用方便的優點。特別係手動鏡頭，變焦對焦幾乎可以同時進行。玩變焦拉爆效果也更易。缺點係當仰拍或俯拍時鏡筒容易滑動，而且鏡筒用耐了也會鬆；變焦後也往往同時導致焦點偏移，需要重新對焦。

雙環設計係設有兩個環，一個負責對焦，一個負責變焦，兩者互不相干。優點當然係冇了單環設計的缺點。缺點係因為對焦及變焦要分開操作，操作速度會較慢，也較麻煩。不過現今多數相機都係自動對焦的，操作上的缺點並不明顯了。

關於入塵，有說單環式設計會帶動更多的空氣流動，所以較易入塵。不過個人使用經驗仲未發現有此情況。鏡頭是否易入塵和它的密封程度有關，德系鏡頭會比日系鏡頭密封，所以較不易入塵。

關於光學質素，主要都係由鏡片組設計及所用的鏡片種類決定，相信單環及雙環設計的影響應該微乎其微。

現在市面有售的變焦鏡頭基本上已經全部係雙環設計的，單環設計的幾乎沒有了。

希望能解開你的疑惑。

[philip5cf]

掌聲鼓勵！唔該晒。我也得益良多！謝謝！

[cable711]

Appreciated for sharing, I got the same query somehow I found no difference between on both performance, apparently way of machicolation design. Bloody dust fool around anywhere!!

[merlin]

多謝Maison兄指點

小弟獲益良多!
thank you so much

[waterng]

解釋得非常好~
thank you 你~
Maison 師兄~

[Maison]

philip5cf, cable711, merlin, waterng,

只係些經驗及常識吧，冇甚麼特別了。Internet真係偉大，以前我想找人問少少東西都好難，知道有幾慘。所以能幫到大家就好，不需言謝。只望不會比錯毒藥大家就得啦。^o^

cable711: 我的朋友中都有你說的情形，但相信都係支鏡密封度低所致。單環設計比雙環設計較難做到精細及密封係事實。不過merlin問："係咪直向拉動既變焦鏡【一定】有大d機會入塵ga?"，答案肯定不是。

[merlin]

其實我發問此問題既原因,係事源某日看到<>有介紹pentax 既某兩枝經典鏡頭,佢地都係用直向拉動既設計

我覺得此設計在機械相機黎講十分方便 ,好有興趣想知佢既橫向式既分別
但係找個一些web site，佢地explain so briefly,所以先ｐｏｓｔ請指點迷津

Maison兄既指點令我了解兩者之分別，但得知此設計已不普遍，有感可惜
，但如何如此，在此再謝！

[cable711]

事實兩者小弟都經常使用，在設計上各有好處，感覺推筒式或叫單環式在操作變焦時會比較快，以拍攝一些高速動作時大部份時問就得心應手，小弟較喜歡這一顆，但需要堅固材料才可及要經常回廠'洗塵'！而雙環操作焦環時則比較容易，這个設計可能針對人類的手婉動作，用料較輕便，更配合現今工業成本。

[cable711]

請参看小弟大作 :p

[jclubaap]

我剛買DSLR時買了一支舊推拉ZOOM(CANON的), 發覺有2點問題導到我賣番出去...
1.是與我以前用開的SLR(NIKON)的拉遠與推近是動作相反的
2. 當我拉埋機身時,次次好似打樁咁,撞落機身到,我怕日子一久對機體造成問題,所以都係換番枝扭動變焦的.....
希望大家比D意見