[ivans]

請教各位大哥,小弟新手,正想買部數碼相機,心儀SONY F828, Fujifilm S7000 , Panasonic Lumix DMC-FZ10,那個心較好,用來影山的,請給意見小弟,謝謝!

[kunyu]

剩係用來影山咁齋???

[Woooo]

剩係影山，搵部最平就得law，

[goldfish0606]

下個月開始出新機啦~~~你急用嗎???
不急用就等下先啦...開減價的.....

[Woooo]

因為山唔係綠就係啡，影時一定係在日間，唔需要夜景，又唔怕顏色偏差，要求簡單，最平dc可以應付得黎

[kunyu]

其實影山都唔係咁簡單,影山即係影風景啦!鏡頭o既解像力同反差要求都高好多,咁揀d以鏡頭出名o既機種會好d ( ^ _ ^ )

[fishseller]

影山唔易嫁,幾伸苦嫁,正所謂不識驢山真面目丫碼
其實影山 一樣可以影夜景,日出日落

[ivans]

多謝咁多位大哥意見,說真句真係只為影山而用,(是連環拍的),所以正考慮FZ 10,因為它說防震,同埋鏡頭出名.而S7000看到成600萬象,價錢又平,而F828好型仔,好像功能好多,但又似好複雜,有沒有呢個必要,所以好頭痛,問問各位意見,邊種實用,多謝各位.

另請問各位那些機鏡頭靚D,大概$6500以下.

[fishseller]

ivans:

點解影山要"連環拍"呢?
(純好奇)

[ivans]

我們通常影山時是不是soon埋個山影,因為一座山來說由肉眼可看到的一端拍至看不到的最後一端,是需要很大範圍,即是說要影下整座山是需要連環拍下,再用軟件連接,那整座山便可清晰完整.沒什麼,只是喜愛看不同的山形,不同的美態,因為山是不會有相同的,留為紀念.

看到kunyu提及說要揀d鏡頭出名d,以我所知好像是LEICA最為出名,不知是嗎?這系列可以嗎?謝謝!

[Philippe]

咁駛乜用連還快拍呀,慢慢一幅幅影唔得咩?個山又唔會走咗去.

[dcnut]

其實ivans係話用全景模式，即photostitching，山頭影到山尾，再將幾張相夾埋成一幅。Canon嚮呢方面做得比較好，佢內置功能被你睇到每張相的接駁位，唔怕駁位不吻合而影響後期電腦接駁。選購方面，最好腳架孔置於鏡頭下的正中位置，在擰轉相機拍攝時不怕移位，鏡頭焦距宜選變型最小的中段位置，因此35-105的三倍變焦相機已夠用，像素也不一定要太高，三百萬的相接駁成全景相後，分分鐘已過千萬像素。較多手動功能的相機可助你鎖定白平衡、曝光置、焦點等，不致每張相的光度與白平衡不同而影響後期製作。最後，拍攝時當然要用腳架啦！

以上只符合你拍全景相的要求，當然，如你要影其他的東西，就要考慮其他因數了。

[ivans]

非常感謝,你說出我所遇到的問題,因為時間影山時,每張相的色調不一,要自己電腦手調.
請問有什麼相機形號可以介紹?我昨天看到FZ20將會推出,好靚仔,鏡頭又有保證,這個如何?謝謝!

[i-Lens]

補充：
全景相英文係panorama
製作全景相既過程英文係photostitching

你影pano既時候要o係唔同既位測光，因為pano視域廣，有時可能去到180甚至360度，咁所以有d地方會背光，有d就會爆光...........
測好幾個地方既光之後最好求平均值.............

FZ20影一張相的話會唔錯，但係pano就唔係咁方便...........