[whlcmd]

成日聽見人話最好用Raw影, 但依家用jpeg出來都已經可以晒到好大都得, 咁用Raw file size 又大好多, 且jpeg都可以係PS度執完再print已經可以, 咁點解要用Raw format呢(好似多多memory card都唔夠用咁)!
仲有可唔可以介紹下有乜software執raw會比較好用? (除了canon跟機果隻碟)

[gaiuswong]

jpeg係可以PS度執完再print,但jpeg format係經壓縮既file,執多一兩野張相就起哂渣,爛哂啦,執raw會比較好用既software當然係跟機送果個係其一,另我而家用緊既photoshop CS同C1 pro都幾好.

[walkingfuture]

之所以成日話要用RAW執會好D﹐其實都係因為RAW係原汁原味﹐未經任何的處理﹐甘即係話﹐塊sensor見到D乜﹐你就會見到D乜(響RAW到)。但係JPG就係已經處理過﹐而且壓縮左﹐有部份Data已經唔見左﹐唔單只甘﹐因為已經處理過先到你手﹐變左好多data已經唔係原來的﹐變左無甘彈性。

[kanji]

見到個題目,我都有興趣入來談談:
我都有一個問題, 我都有try過用raw影過,但用ps是執來執去都發現d色都係怪怪地,所以最後都放棄用raw.是否用跟機的solfware來執會好過ps呢??

[walkingfuture]

用C1 pro黎執 RAW會好好多。

[gaiuswong]

d色都係怪怪地應該同raw file無關,jepg都會,如果你用ps D auto contract, auto level等有時效果未必次次都一定岩,而且以我Canon為例,跟機的solfware convert 出黎 file D色同反差己經鮮過同 PS plugin.

[Cepa]

其實我都唔係好明，點解每次影完相之後，都要晒時間用軟件再執d相呢？影相?目的係想保留一d珍貴而又真實的片斷。執過?相已經唔係真實啦！

[gaiuswong]

所以ps執下光暗反差sharpen我本人係accept.

[philip5cf]

執相係各人心目都有唔同暨定議！好似有 D 女(男)人出街前一定要張自已個樣加上各樣化裝先出門，但亦有淡素娥媚到處示人！係睇各人暨要求同對自已暨作品要用咩野角度示人為準。所以唔好以為執相係一定同佢化到五顏六色！亦有只張作品當時暨情形還原！始終數碼儲存暨野重要加上慮鏡之後所顯視暨表面景像同原景還是有點距離！ 所以所謂執相還是要看個人對呢個名詞暨定義！有 D 人會好似張藝謀或者王家衛咁整色整水！但亦有只作還原手續之士者也！見人見好娜！

[philip5cf]

再講執相對我呢講係完成作品之中暨一定程(罪)--以300D 為例！

[walkingfuture]

執相係主要執返WB, sharpness同光暗反差﹐而色彩就因人而異。有人鍾意鮮﹐有人就鐘意實在D真實D。
所以就係因為可以俾你執相﹐先致可以俾你想要的效果。

要記住﹐眼睛唔同攝影機﹐眼睛唔能夠讓你知道幾快的快門有唔同光度的變化。所以....眼見的並唔一定同攝影機影低一樣的﹐就係甘﹐所以先有執相。


同埋就係....執相都係一個幾大的topic黎。唔可以話執相就代表唔真實。執相有時係想還原返你肉眼所見的。亦有想肉眼見唔到的。

[whlcmd]

請恕小弟再問:
用Raw存檔當然好, 原汁原味! 但下下都講緊8MB, 10MB, 淨開個file出來都已經要等, 仲未計要調較光暗, 反差等, 跟著存檔; 執一張相既時間可能要幾分鐘起碼, 講緊出街影一大堆作品回來真係有排攪, 可能一, 二百張既作品我要成兩日後先有得睇, 咁咪同我原先開開心心出去想影D靚相回來有得睇有好大出入囉! (可能各位大哥好快手都未定!)

[gaiuswong]

問題係你要質素定要方便,我影d粗野都會用下jpeg,如果係緊要要有貨交就no way一定影raw.

[andy3210]

whlcmd

其實當你影之時想請楚先影, 到你返去執之時根本吾需要改好多野. 如果你下下吾諗就影執到天光都未執完.

[whlcmd]

明白!
其實我係最想影到乜就印乜, 唔想攪咁多後期, 最多係睇到under就執番光佢就算, 因為依家部機出來影像好柔(我相信係20D既特性), 但我就係鐘意佢咁contrast唔會話好誇張, 只要唔係out focus, 相信執執光暗已經夠!